Gollaha Dhallinyada Degmada Baraawe

16/06/2026

Gollaha Dhallinyada Degmada Baraawe

War-Saxaafadeed

Maanta waxaa kulan is-xogwareysi iyo is-barasho ah yeeshay Golaha Dhallinyarada Degmada Baraawe iyo shaqaalaha ka socday Wasaaradaha Caafimaadka iyo Waxbarashada, kuwaas oo hawlo shaqo u jooga Degmada Baraawe.

Kulanka ayaa ku qabsoomay jawi wanaagsan oo ay ka muuqatay isfaham iyo wada-shaqeyn, waxaana la isku dhaafsaday aragtiyo iyo talooyin wax ku ool ah oo ku saabsan sidii loo dardargelin lahaa horumarinta deegaannada Gobolka Shabeellaha Hoose, gaar ahaan dhinacyada caafimaadka, waxbarashada iyo kobcinta ka qaybgalka bulshada.

Sidoo kale, waxaa la adkeeyay muhiimadda ay leedahay in wasaarad kasta ay qaadato doorkeeda iyo masuuliyadda ka saaran horumarinta bulshada, si loo helo adeegyo tayo leh oo gaara dhammaan shacabka.

Ugu dambeyn, kulanka waxaa lagu bogaadiyay doorka muuqda ee dhallinyarada ee ku aaddan isku haynta bulshada, dhiirrigelinta nabadda, iyo ka qaybqaadashada dadaallada horumarineed ee degmada iyo guud ahaan Gobolka Shabeellaha Hoose.

"Dhallinyaradu waa laf-dhabarta bulshada; wadajir iyo iskaashi ayaana lagu gaaraa horumar waara."

16/06/2026

Gollaha Dhallinyada Degmada Baraawe

📢 OGEYSIIS MUHIIM AH

Gollaha Dhallinyarada Degmada Baraawe (B.D.Y.C) wuxuu ogeysiinayaa dhammaan dhallinyarada ku nool Degmada Baraawe in ay si rasmi ah u furantay isdiiwaangelinta xubinnimada Gollaha Dhallinyarada Degmada Baraawe.

Waxaan ku boorrineynaa dhammaan dhallinyarada degmada in ay ka faa'iideystaan fursaddan qiimaha leh si ay uga mid noqdaan gole u taagan horumarinta, mideynta iyo matalaadda codka dhallinyarada.

📍 Goobta Isdiiwaangelinta:
Xarunta Dhallinyarada Degmada Baraawe.

📅 Muddada Isdiiwaangelinta:

Sabti: 20

Axad: 21

Isniin: 23

⏰ Muddo: 3 maalmood.

Kaalay oo ka mid noqo dhallinyarada hormuudka u ah isbeddelka iyo horumarka Degmada Baraawe. Codkaaga iyo ka qeybqaadashadaadu waa muhiim.

"Dhallinyaro wadajir ah, mustaqbal wanaagsan."

Gollaha Dhallinyarada Degmada Baraawe (B.D.Y.C)
Midnimo • Horumar • Mustaqbal

Zakaria Baba
Barawe District Administration South-West
Gollaha Dhallinyarada Degmada Baraawe
Golaha Dhalinyarada Gobolka Shabeelaha Hoose
Wasaaradda Dhallinyarada & Cayaaraha Koonfur Galbeed

13/06/2026

Gollaha Dhallinyarada Degmada Baraawe
Qoraal Facebook ah:

Maanta waxaa si guul leh noogu qabsoomay Xarunta Dhallinyarada Degmada Baraawe dood-wadaag muhiim ah oo u dhaxeysay dhallinyarada degmada iyo saraakiisha kala duwan ee laamaha amniga.

Intii uu socday kulanka, dhallinyaradu waxay soo bandhigeen su'aalo muhiim ah oo la xiriiray amniga, xiriirka bulshada iyo booliska, iyo la-dagaallanka maandooriyaha, halka saraakiisha laamaha amniguna ay si hufan, qancin leh, isla markaana qurux badan uga jawaabeen su'aalihii la weydiiyay.

Ugu dambeyn, dhalinyaradii ka qeyb gashay doodda ayaa si wadajir ah u codsaday in barnaamijyadan noocaan oo kale ah la joogteeyo lana badiyo, si loo helo wada-shaqeyn wanaagsan oo u dhexeysa laamaha amniga iyo bulshada, gaar ahaan dhallinyarada, taasoo door weyn ka qaadan karta adkeynta nabadda iyo xasiloonida degmada.

Guddoomiyaha Dhallinyarada Degmada Baraawe, Mudane Zakaria Mohamud Mohamed ( Zakaria Baba ), ayaa uga mahadceliyay taliyeyaasha laamaha amniga sida wanaagsan ee ay uga soo qeybgaleen ugana soo ajiibeen casuumaadda, isaga oo xusay in wada-shaqeynta noocan oo kale ah ay muhiim u tahay horumarinta amniga iyo kobcinta doorka dhallinyarada.

Barnaamijkan qiimaha badan waxaa iska kaashaday Guddoomiyaha Dhallinyarada Gobolka Shabeellaha Hoose, Mudane Yusuf Ali Arab , iyo Guddoomiyaha Dhallinyarada Degmada Baraawe, Mudane Zakaria Mohamud Mohamed, iyagoo kaashanaya dhallinyarada degmada Baraawe.

Dhallinyaro wacyi leh, bulsho nabdoon, iyo amni lagu wada shaqeeyo ayaa ah jidka horumarka.

Zakaria Baaba
Gollaha Dhallinyada Degmada Baraawe
Barawe District Administration South-West
Golaha Dhalinyarada Gobolka Shabeelaha Hoose
Wasaaradda Dhallinyarada & Cayaaraha Koonfur Galbeed

12/06/2026

Gollaha Dhallinyada Degmada Baraawe

War-saxaafadeed

Maanta waxaa si guul leh noogu qabsoomay bandhig lagu soo bandhigayay shuruucda iyo xeerarka u degsan Gollaha Dhallinyada Degmada Baraawe, iyo sidoo kale shuruudaha looga mid noqon karo gollaha. Kulankan muhiimka ah ayaa ka dhacay Xarunta Dhallinyarada Degmada Baraawe, iyadoo ujeeddadiisu ahayd in dhallinyarada degmada loo iftiimiyo habraacyada, waajibaadka iyo xuquuqaha xubinnimada gollaha.

Barnaamijkan waxaa soo qabanqaabiyay Guddoomiyaha Gollaha Dhallinyarada Degmada Baraawe, Mudane Zakaria Mohamud Mohamed Zakaria Baba kaas oo ka hadlay muhiimadda ay leedahay in dhallinyaradu fahmaan xeerarka hagaya howlaha gollaha si loo helo hufnaan, isla xisaabtan iyo ka-qaybgal dhallinyaro oo tayo leh.

Sidoo kale, waxaa munaasabadda goob-joog iyo marti sharaf ka ahaa Guddoomiyaha Dhallinyarada Gobolka Shabeellaha Hoose, Mudane Yusuf Ali Arab , oo dhiirrigelin iyo talooyin wax ku ool ah la wadaagay dhallinyaradii ka soo qaybgashay kulanka.

Ugu dambeyn, Gollaha Dhallinyarada Degmada Baraawe wuxuu uga mahadcelinayaa dhammaan dhallinyaradii, marti-sharaftii iyo bahda warbaahinta ee ka qayb qaatay qabsoomidda bandhiggan muhiimka ah, iyadoo la adkeynayo sii xoojinta midnimada, wada-shaqeynta iyo horumarinta doorka dhallinyarada ee degmada Baraawe.

"Dhallinyaro aqoon leh, abaabulan, kana qayb qaadata horumarka bulshada."

Gollaha Dhallinyarada Degmada Baraawe
Guddoomiye: Mudane Zakaria Mohamud Mohamed (Zakaria Baba)

15/05/2026

Gollaha Dhallinyada Degmada Baraawe

Maanta oo ay taariikhdu tahay 15-ka May 2026, waxaa si heer sare ah noogu qabsoomay munaasabadda xuska 13-kii dhallinyaro ee halgamayaasha ahaa ee Somali Youth League, taas oo lagu qabtay Xarunta Dhallinyarada ee Caasimadda Dowlad Goboleedka Koonfur Galbeed Soomaaliya degmada BARAAWE.

Waxaan si gaar ah ugu mahadcelineynaa Alle SWT oo inoo suurta geliyey qabsoomidda munaasabaddan qiimaha weyn u leh shacabka Soomaaliyeed iyo dhallinyarada.

Sidoo kale waxaan uga mahadcelineynaa kasoo qeybgalka:

Guddoomiyaha Degmada Baraawe Mudane

Mas’uuliyiintii kala duwaneyd ee nala soo qeybgashay

Haweenka iyo dhallinyarada degmada oo door weyn ka qaatay abaabulka iyo ka qeybgalka munaasabadda

Maalintani waa maalin xusuus iyo dhiirrigelin u ah jiilka maanta, si ay u ilaaliyaan midnimada, nabadda iyo horumarka dalkeenna.

Hambalyo dhammaan shacabka Soomaaliyeed gaar ahaan dhallinyarada Soomaaliyeed. 🇸🇴

Gollaha Dhallinyarada Degmada Baraawe
Zakaria Baba
Barawe District Administration South-West
Golaha Dhalinyarada Gobolka Shabeelaha Hoose
Wasaaradda Dhallinyarada & Cayaaraha Koonfur Galbeed

14/05/2026

15-ka May waa maalin taariikhi ah oo ku weyn shacabka Soomaaliyeed, gaar ahaan dhallinyarada. Waa maalintii ay halgamayaashii geesiyaasha ahaa ee SYL ay u istaageen xorriyadda, midnimada, iyo mustaqbalka ummadda Soomaaliyeed. 🇸🇴

Maanta annaga oo ah jiilka cusub, waxaa ina saaran waajibka ah in aan sii wadno halgankii ay bilaabeen, kana shaqeyno nabadda, horumarka, waxbarashada, iyo mideynta bulshada.

Waxaan hambalyo iyo bogaadin u dirayaa dhammaan dhallinyarada Soomaaliyeed meel kasta oo ay joogaan, gaar ahaan dhallinyarada degmada Baraawe iyo guud ahaan Koonfur Galbeed Soomaaliya.

Halyeeyadii SYL ma aysan ka daalin dalkooda, annagana waa inaan noqonnaa dhallinyaro leh himilo, karti, iyo waddaniyad dhab ah.

🇸🇴 Hambalyo Xuska 15-ka May
🇸🇴 Sanad guuro wacan halgamayaashii SYL
🇸🇴 Soomaaliya ha noolaato

13/05/2026

Gollaha Dhallinyada Degmada Baraawe
Barawe 13/may/2026

Kulanka diyaar garowga munaasabadda 15-ka May oo ah maalinta xuska 13-kii dhallinyaro halgame ee aas-aasay ururkii Somali Youth League ayaa maanta si heer sare ah noogu qabsoomay.

Kulanka waxaa hoggaaminayay Guddoomiyaha Dhallinyarada Degmada Baraawe Mudane Zakaria Mohamud Mohamed, Zakaria Baaba waxaana diiradda lagu saaray sidii loo qaban lahaa munaasabad weyn oo lagu maamuusayo halgamayaashii iyo doorka ay ku lahaayeen gobannimada Soomaaliyeed. 🇸🇴

Waxaan shacabka iyo dhallinyarada ugu baaqeynaa inay si wadajir ah uga qeyb qaataan xuska maalintan qiimaha weyn ugu fadhida ummadda Soomaaliyeed.

Zakaria Baba
Barawe District Administration South-West
Golaha Dhalinyarada Gobolka Shabeelaha Hoose
Wasaaradda Dhallinyarada & Cayaaraha Koonfur Galbeed





🇸🇴

30/04/2026

30/04/2026

Gollaha Dhallinyada Degmada Baraawe

Munaasabad si heer sare ah loo soo agaasimay ayaa maanta ka qabsoontay degmada Baraawe, taas oo lagu wareejinayay Xarunta Dhallinyarada ee caasimadda Dowlad Goboleedka Koonfur Galbeed Soomaaliya.

Xarunta ayaa waxaa si rasmi ah u wareejisay Hay’adda Shaqodoon Organization , iyadoo lagu wareejiyay Maamulka Degmada Baraawe, gaar ahaan Guddoomiyaha Degmada ahna Duqa Caasimadda KGS, Mudane .

Mudane Cumar C/llaahi Maxamed ayaa isaguna si rasmi ah ugu wareejiyay Xarunta Guddoomiyaha Dhallinyarada Degmada Baraawe, Mudane Zakaria Mohamud Mohamed, Zakaria Baba si ay uga faa’iideystaan dhallinyarada degmada.

Waxaa sidoo kale munaasabaddan goob joog ka ahaa Guddoomiyaha Dhallinyarada Gobolka Shabeellaha Hoose, Mudane Yusuf Ali Osman. Yusuf Ali Arab

Munaasabaddan ayaa ah tallaabo muhiim ah oo kor loogu qaadayo horumarinta, mideynta iyo awood-siinta dhallinyarada degmada Baraawe.

Zakaria Baaba

Wasaaradda Dhallinyarada & Cayaaraha Koonfur Galbeed

Golaha Dhalinyarada Gobolka Shabeelaha Hoose

Barawe District Administration South-West

12/04/2026

Gollaha Dhallinyada Degmada Baraawe

🏆 KOOBKA NABADDA

Caasimada Dowlad Goboleedka Koonfur Galbeed (KGS) ee degmada Baraawe waxaa maalinta berri oo Isniin ah si rasmi ah uga furmaya tartanka ciyaaraha kubadda cagta ee xaafadaha degmada. ⚽

Qori tuur (draw) cadaalad ah oo la sameeyay ayaa lagu go’aamiyay in ciyaarta furitaanka ay bilaabaan labada xaafadood ee kala ah:
BIRUNI 🆚 BILADI

Tartankan wuxuu ujeedkiisu yahay xoojinta nabadda, midnimada, iyo isdhexgalka bulshada, gaar ahaan dhalinyarada degmada. 🤝

🎉 Ku soo dhowaada dhammaan taageerayaasha iyo bulshada si wadajir ah aynu u dhiirrigelino ciyaaraha iyo nabadda!