13/07/2026
တော်လှန်ရေးသက်တမ်းရှည်လာတာနဲ့အမျှ ခေတ်သစ်ဗျူဟာမှာ Economic of Warfare လို့ခေါ်တဲ့ စီးပွါးရေးဗျူဟာကဏ္ဍက ပိုပြီးအရေးပါလာပါတယ်။ အကျိုးအကြောင်းဆက်စပ်မှုတွေ အများကြီးထဲကနေမှ အနီးစပ်ဆုံးတွေကို အခြေခံပြီး ပြောရမယ်ဆိုရင် ပြည်သူ့ဘဏ္ဏာကို စိတ်တိုင်းကျသုံးခွင့်ရနေတဲ့ အာဏာရှင်တွေကို တော်လှန်ရေးဘက်တော်သားတွေက ဘယ်လိုစျေးအသက်သာဆုံးနဲ့ နိုင်အောင်တိုက်နိုင်မလဲဆိုတဲ့ အကြောင်းက ချန်ထားလို့မရတော့ပါဘူး။ ဒါကြောင့် ဗျူဟာမှာ အရေးပါလာတဲ့ အချိုးမညီတဲ့ စရိတ်ဗျူဟာကို အကောင်အထည်ဖော်ကြရမှာ အင်မတန်အရေးကြီးတဲ့ ကဏ္ဍတခုဖြစ်လာပါတယ်။
အားလုံးသိကြတဲ့ အတိုင်းယူကရိန်းမှာ အင်အားကြီးပြီး ပစ္စည်းပေါလှပါတယ်ဆိုတဲ့ ရုရှားကို ဒုက္ခပေးနေတာလည်း #ကြိုးနဲ့စွန် တွေပဲ။ တလောက ဒေါ်လာ ဆယ်သန်းကျော်တန်တဲ့ ပုစဉ်းဖျင်ထဲဝင်အောင်းသွားတာလည်း ဒါတွေပဲ။ ချင်းတွင်းမြစ်ထဲက သင်္ဘောစက်ခေါင်းခန်းထဲမှာ တေဇောတွေခကုန်တာလည်း ဒါတွေပါပဲ။
နည်းပညာအရ အတန်အသင့်ပဲခက်ခဲပြီး စျေးနှုန်းသက်သက်သာသာနဲ့၊ တနည်းအားဖြင့်ဆို economic ဖြစ်ဖြစ်နဲ့ အာဏာရှင်တွေ အမြစ်ဖြတ်ဖို့က #ကြိုးနဲ့စွန်တွေ မပါလို့မရပါဘူး။ ဒေါ်လာထောင်ဂဏန်းနဲ့ သိန်းသန်းချီတန်တွေကို ထိုးနှက်နိုင်ပါတယ်။
တနေ့က မကွေးတိုင်းထဲက ရဲဘော်တွေကျဆုံးသွားတာလည်း၊ အာဏာရှင်အုပ်စုက ဒီပစ္စည်းတွေ ဖောဖောသီသီသုံးနိုင်မှုကြောင့်ဆိုတာ အားလုံးသိကြမယ်ထင်ပါတယ်။
အကျဉ်းချုပ်ရမယ်ဆိုရင် #ကြိုးနဲ့စွန် ဟာ ဗျူဟာမြောက်တယ်၊ ခါချဉ်ကောင်က တောင်ဖြိုနိုင်မယ့် မျှော်လင့်ချက်ပေးတယ်၊ အာဏာရှင်အုပ်စုကို စိတ်ပိုင်းဆိုင်ရာခြိမ်းခြောက်မှုပေးတယ်။ ကန့်သတ်ထိန်းချုပ်မှုမခံရတဲ့ ကြိုတင်သတင်းအချက်အလက်တွေရစေနိုင်တယ်။ ဒါတွေဟာ ကြယ်တွေမကြွေအောင် အားလုံးက ဝိုင်းပြီးလုပ်ပေးနိုင်တဲ့ အရာဖြစ်တယ်။
ကြယ်တွေကြွေမှ ငိုကြမယ့်အစား၊ ကြယ်တွေဆီကို #ကြိုးနဲ့စွန် တွေ အရောက်ပို့ကြအောင်လား။
#ကြိုးနဲ့စွန်
#ငါတို့ပဲနိုင်မှာ
https://www.facebook.com/share/p/1ESzVA2ZCw/
