22/06/2025
من الحاجات الجميلة جدا في الحياة الاصحاب وما اي اصحاب..
الاصحاب البجد بستحقو كلمة صاحب..
صاحبك البتقدر تحكي لي اي شي بدون اي حواجز ما بتكون خايف من انو يفهمك غلط ولا شايل هم انك ممكن تصغر في عينو بي سبب الحاجات الانت عملتها والمواقف الاتصرفت فيها غلط ،
الصاحب البكون ليك توأم روح وملاذ وكلما تحس بالضيق تجري عليو عشان عارف رحابة صدرو اوسع مكان ممكن تلجأ ليهو ؛
الصاحب البقعد. معاك ويقول ليك يا سجم انت عملت الحاجه دي وبالجد يا اخوي ما صح تعمل كدا
بنصحك بي طريقه جميله ويخليك تفهم من نظرة عين ؛
الصاحب الوقت يحس انك مفلس تلقاهو براحه خت ليك قروش وحاسب بدلك ؛
الصاحب البيتك وبيتو واحد ودولابك ودولابو واحد ؛
الصاحب البتكون معاهو واي زول يقول ليكم انتو اخوااان وتضحكوا ؛
الصاحب الفضيحة الممكن في لحظة ما منتبه فيها يرمي ليك كلمة ويفضحك وتضحكوا على بعض ؛
الصاحب المهما قعدت تعد وتوصف ما بتلقى ليهو حاجه مناسبة..
مش قلت ليكم حاجة جميلة!🩵
"كتر خيير الصحبة الرفقة الخلت روحنا تعيش بسلام وكتر خير الصدفة الجمعت بينا" 🩵..
