منظمة السمو الخيرية

15/09/2026

💚 _تورم صغير.. ورسالة كبيرة من جسمك_ 💚
جسمك مرات بيتكلم بهدوء.. واليوم العالمي لليمفوما بيعلمنا نسمعو 👂

🤔 _طيب هو شنو سرطان الغدد الليمفاوية؟_

جسمنا فيهو شبكة اسمها الجهاز الليمفاوي ، زي شبكة المواصلات، وظيفتها تحمينا من الأمراض والجراثيم 🛡️

الشبكة دي فيها محطات صغيرة اسمها "العقد الليمفاوية" موجودة في الرقبة، الإبط، الفخذ، البطن والصدر

الليمفوما بتحصل لما خلايا في المحطات دي تنمو بطريقة غلط وتبقى سرطان
ممكن تحصل في أي عمر وتصيب الرجال والنساء

⚠️ _المرض البجي بدون وجع.._
عشان كده أخطر واحد 😔

🚨 _معلومة الليلة ممكن تنقذ حياة_ 🚨
ما تستهيني بأي تورم يقعد أكتر من أسبوعين 💚

🔍 _العلامات الكاملة:_
🔹 تورم غير مؤلم في الرقبة أو الإبط أو الفخذ
😴 تعب وإرهاق مستمر حتى بعد النوم
💦 تعرق ليلي شديد
⚖️ فقدان وزن سريع بدون رجيم
🌡️ سخانة بتجي وتروح
🤧 حكة شديدة في الجسم
😮‍💨 كحة أو ضيق نفس

✨ _80% نسبة الشفاء.. لو عرفناه بدري_ ✨
📅 اليوم 15 سبتمبر - اليوم العالمي لسرطان الغدد الليمفاوية




💙

10/09/2026

*✨ التوعية عن ضربات الشمس والجفاف ✨*

الحر شديد.. وخليك واعياً عشان تحمي نفسك

*🌞 ضربة الشمس 🌞*
هي ارتفاع مفاجئ وخطير في حرارة الجسم

*⚠️ الأعراض*
1. حرارة 40° مئوية فأكثر 🌡️
2. صداع شديد + دوخة + تشوش 🤕
3. جفاف الجلد وعدم التعرق
4. غثيان وإغماء

*🚨 الإسعاف السريع*
1. انقل المصاب إلى الظل فوراً
2. ضع كمادات باردة على الرقبة وتحت الإبط 🧊
3. أعطه سوائل إذا كان واعياً
4. اتصل بالإسعاف مباشرة 📞

*💧 ثانياً: الجفاف 💧*
هو فقدان الجسم للسوائل والأملاح المهمة

*⚠️ الأعراض*
1. عطش شديد وجفاف الفم 😮‍💨
2. قلة التبول ولونه داكن
3. تعب + صداع + دوخة

*💊 العلاج*
1. اشرب الماء على فترات
2. تناول محلول الإرواء الفموي ORS من الصيدلية
3. وصفة منزلية: لتر ماء + 6 ملاعق صغيرة سكر + ½ ملعقة صغيرة ملح

*🛡️ نصائح الوقاية 🛡️*
1. اشرب 2-3 لتر ماء يومياً
2. تجنب التعرض للشمس من 11 صباحاً إلى 4 عصراً ⛅
3. ارتدِ ملابس قطنية فاتحة وغطِّ رأسك 🧢

*📌 تذكَّر:* الجفاف هو الطريق إلى ضربة الشمس
*📌 راجع الطبيب عند:* الاستفراغ المستمر أو فقدان الوعي

مع تمنياتنا لكم بدوام الصحة والعافية 🤍

☆ شعبة التثقيف الصحي
☆ المكتب الصحي
☆ منظمة السمو الخيرية
☆ خَلِّ خيرك يصل لغيرك
@أبرز المعجبين

06/09/2026

🔥 100 أسرة فقط… والفرصة ما للكل!

منظمة السمو الخيرية تفتح التسجيل لمشروع
🎯 «من الاحتياج إلى الإنتاج»

ما دايرين مساعدة مؤقتة… دايرين الأرملة تتعلم، تنتج، وتبني مصدر دخل بيدها.

📌 الشروط:
✅ أرملة ولديها أطفال قُصّر.
✅ ما عندها ابن أو بنت فوق 18 سنة.
✅ عندها الجدية والرغبة في التدريب والإنتاج.

🚨 التسجيل لا يعني القبول، وكل الطلبات حتخضع للمراجعة.

🎯 العدد المستهدف: 100 أسرة فقط.

📲 التسجيل واتساب: 0963022314
📍 الصحافة شرق، جنوب مستشفى الفؤاد بـ3 شوارع.
🗓️ الاثنين والثلاثاء 10 ص – 3 م

❤️ من الاحتياج إلى الإنتاج… ومن المساعدة إلى الاستقلال

31/08/2026

*الخريف خير وبركة، وريحة المطر حلوة ☔💚... بس حلاوتها بتكمل لما نحافظ على سلامتنا 🛡️*

*عشان كدا تعالوا نتفق على 3 حاجات مهمة 👇*

*1. قبل المطر: نستعد وننضف 🧹*
نطلع الأوساخ من المصارف وقدام بيوتنا 🚮
السقف السليم والحيط المتماسكة بتحمينا 🏠 والاستعداد بدري بريحنا ✅

*2. أثناء المطر والسيول: سلامتك أول ⚠️*
_"خليك واعي، الموية ما لعب"_
1. *⚡ كهرباء*: ابعد عن الأعمدة والأسلاك المقطوعة، وافصل الكهرباء لو الموية دخلت البيت
2. *👶 أطفال*: ممنوع السباحة في الخيران والبرك - كل سنة بنفقد أرواح 😔
3. *🚗 الشارع*: خف السرعة، الرؤية ضعيفة والزلاقة كثيرة
4. *🦟 الصحة*: غطِّ الموية ونم تحت الناموسية عشان الملاريا

*3. بعد المطر: نحمي بعض 🤝*
_"الوقاية والتكافل"_
1. *🦟 حارب البعوض*: فضِّ أي موية راكدة في جردل أو لستك
2. *🍲 أكل نظيف*: اغلِ الموية وغطِّ الأكل عشان نتجنب الإسهالات والتيفوئيد
3. *❤️ جارك*: اسأل عن المتضررين. يد واحدة ما بتصفق

بنحب المطر وصوته، وبنحب لمة الخريف... عشان كدا لازم نعمل حسابنا عشان الفرحة تتم 🎉🌧️

` ` ` #الوقاية` ` ً`
` ` ` `
` ` ` `

29/08/2026

تحية خاصة كبيرة للمعجبين الصاعدين الجدد لديّ! بت الكلاكله الجعليه

24/08/2026

حساسية الأنسولين - متين تخاف ومتين تطمن؟*

مرضى السكري كتار بتلخبطو بين "حساسية الأنسولين" و "تفاعل الأنسولين الخربان"
تعالو نفرق بينهم 👇

*1. هل ممكن تجيني حساسية من الأنسولين؟* 🧐
*أيوا ممكن بس نادرة شديد*
90% من الحالات بتطلع سبب تاني ما حساسية حقيقية

*أنواع الحساسية:*
1. *موضعية* 😣 الأكثر شيوعاً
*العلامات*: احمرار 🔴 + حكة + تورم + كلكوعة مكان الضربة
*السبب*: الإبرة، المعقم، بتضرب في نفس المكان
*الحل*: غير المكان + عقم كويس

2. *عامة* 😱 نادرة جداً
*العلامات*: طفح في الجسم كلو + حكة شديدة + ضيق نفس + تورم الشفايف
*السبب*: جسمك متحس من نوع الأنسولين نفسه
*الحل*: طوارئ 🏥 + الدكتور بغير ليك النوع

3. *من المواد الحافظة*
بعض الأنواع فيها زنك أو بروتامين بتعمل حساسية

---

*2. طيب الفرق شنو بينها وبين الأنسولين الخربان؟* ⚠️

*أولاً: حساسية من الأنسولين السليم* ✅
1. *السبب*: جسمك رافض الأنسولين نفسه
2. *الزمن*: بتظهر خلال دقائق لساعات بعد الضربة
3. *الشكل*: احمرار دائري + حكة شديدة
4. *السكر*: بنزل عادي بالجرعة
5. *الخطر*: متوسط

*ثانياً: تفاعل من الأنسولين الخربان* ❌
1. *السبب*: بكتيريا وفساد في الدواء
2. *الزمن*: بتظهر بعد يوم - يومين
3. *الشكل*: التهاب + وجع + صديد + كلكوعة
4. *السكر*: *ما بنزل نهائي* 📈
5. *الخطر*: *عالي - ممكن DKA غيبوبة سكر*

*الخلاصة*:
لو السكر ما نزل + في التهاب شديد = غالباً الأنسولين *خربان*
لو السكر نزل + في حكة بس = غالباً *حساسية*

---

*3. أعمل شنو لو شكيت؟* 🩺
1. *وقف الضرب في المكان* ⛔ فوراً
2. *افحص السكر* 🩸 حالاً
3. *كمادات باردة* 🧊 لو في احمرار
4. *لو ضيق نفس أو تورم* → *امشي المستشفى طوالي* 🏥🚨
5. *راجع الدكتور* ما توقف الأنسولين براك. هو حياتك
` #السكري` ` #الأنسولين` ` #الحساسية` ` ً`
` ` ` `
` ` ` ` 💙

21/08/2026

*الأنسولين دواء منقذ للحياة.. لكن لو ما اتحفظ صح ببقى خطر* 😨😱

*ليه بيبقى خطر؟*
لما الأنسولين يخرب بسبب الحر أو التجميد:
1. *ما بيشتغل* → السكر حيرتفع شديد
2. *ممكن يعمل مضاعفات* → غيبوبة سكر، جفاف، كيتونات
3. *خسارة قروش* → القلم أو القارورة كلها بتبوظ

يعني بدل ما يحميك، بقى ما عندو فايدة 💔

*الأنسولين أمانة في يدك* 💉
*مهم: احفظو بارد لكن ما متجمد* 🧊

الأنسولين دواء.. بس حساس
الحر الشديد والتجميد بيخلوه يفقد مفعوله

*مرضى السكري... ما تشيلو هم* 🔥🔥
الأنسولين حساس للحرارة بس عندنا حلول:

*لو الكهرباء قاطعة لفترة طويلة:*
🌡️ *لو عندك طاقة شمسية أو مولد*: استخدم التلاجة `2° - 8°`
🧊 *لو ما عندك كهرباء*:
- *حافظة مبردة*: مع أكياس تلج ملفوفة بفوطة. ما تخلي الأنسولين يلامس التلج مباشرة
- *الزير*: خت الأنسولين في علبة مقفولة وخليها تحت جردل الزير. درجة الحرارة بتكون مناسبة جداً

🚫 *أبعدو من*: الشمس، العربية، المطبخ، والأماكن الحارة

---

❤️ *رسالة مهمة لكل زول/زولة مريض سكري:*
*اهتم بعلاجك… عشان تقدر تهتم بنفسك وبالناس البتحبهم* 🌷

` #السكري` ` #الأنسولين` ` ً` ` `
` ` ` `
` ` ` `

17/08/2026

🌙✨ في ذكرى المولد النبوي الشريف.. صحتنا أمانة ✨🌙

في أيام المولد، بتكثر اللمة والزيارات والحلويات والمشروبات السكرية ❤️
لكن خلونا نفتكر إنو الفرحة ما بتمنعنا نهتم بصحتنا.

🩺 لو عندك سكري:
• قلّل من الحلويات والمشروبات المحلّاة.
• راقب مستوى السكر بصورة منتظمة حسب توجيهات الطبيب.
• ما توقف علاجك أو تغيّر جرعتو من نفسك.
• حاول توازن وجبتك، وما تفرط في الأكل لمجرد إنو مناسبة.
• اشرب موية بصورة مناسبة ليك، خصوصاً لو عندك مشاكل صحية تانية.

💙 والرسالة ما بس لمرضى السكري…
الوقاية تبدأ من عاداتنا اليومية.

قال ﷺ: «إن لبدنك عليك حقًا».

🌙 في ذكرى مولد المصطفى ﷺ،
خلونا نخلي فرحتنا بيه دافع لينا نهتم بأجسادنا وصحتنا وصحة أهلنا.

مولد نبوي مبارك، وكل عام وأنتم بخير وصحة وعافية. 🤍







@أبرز المعجبين
منظمة السمو الخيرية

17/08/2026