كتلة الناس الساي السودانية-كنس Sudanese Regular citizen united

  • Home
  • Sudan
  • Khartoum
  • كتلة الناس الساي السودانية-كنس Sudanese Regular citizen united

كتلة الناس الساي السودانية-كنس Sudanese Regular citizen united نحن الناس الساي ، اللا لينا يد ولا كراع في السياسة ، عايزين نعيش حياة كريمة في وطن معافى.

ليييه ما رسلو لينا دعوة !!؟
09/07/2025

ليييه ما رسلو لينا دعوة !!؟

24/05/2025

عودة الكوليرا… وكأن ما بنا يكفينا!
نحن في زمن تُهاجمنا فيه البلاوي من كل حدبٍ وصوب، وآخر الزوار غير المرغوب فيهم: الكوليرا!
مرض قديم، راجع بجواز سفر جديد، وبيقولك: "طالما في موية وسخانة… أنا حاضر!"
تعالوا نعرف شنو الحاصل، ونفهم كيف نقي أنفسنا، ونعالج نفسنا لو لا قدر الله أصبنا… بدون دكاترة!

ما هي الكوليرا؟

ليست برداً ولا زكاماً… إنها بكتيريا خبيثة تنتقل عبر الطعام أو الماء الملوّث
أعراضها:

إسهال مائي شديد جداً (أشبه بالماء) 💦

قيء مستمر 🤢

جفاف سريع كأنك نبتة منسية في عز الهجير 🌵

هبوط، دوخة، وإرهاق عام 🥴
ولو ما لحقت نفسك؟ ممكن الأمور تسوء بسرعة!

كيف نحمي أنفسنا؟

اشرب ماء مغلي أو مفلتر فقط 🔥💧

اغسل يديك جيداً بالصابون دائماً ✋🧼

تجنّب الأكل من الشارع، خصوصاً العصائر والسلطات المكشوفة 🧃🍲

أي موية ما مضمونة؟ قل لها "لا شكراً" 🚱

طيب… لو أصبت وما في دكتور؟ شنو الحل؟

في ظل انهيار النظام الصحي في الخرطوم ، لازم نعرف كيف نُسعف نفسنا في البيت:

1. الإرواء السريع هو مفتاح النجاة:

عندك أكياس ORS؟ امزجها مع لتر موية نظيفة، وخلي المريض يشرب منها شوية شوية

ما عندك؟ اعمل محلول في البيت:
1 لتر موية + 1 ملعقة صغيرة ملح + 6 ملاعق صغيرة سكر
اخلطهم واشربهم على دفعات صغيرة
🧂+🍬+💧 = إنقاذ حياة

2. التغذية والسوائل:

عصير طبيعي مخفف، شوربة خفيفة، موية الرز

واصل الرضاعة للأطفال

ابتعد عن الدهون والمشروبات الصناعية

3. راقب الحالة:

لو المريض بطل يشرب، بقى يدوخ أو ما بيبول؟
ده معناه الوضع خطير ولازم تتحرك فوراً لأي مركز صحي
🚨🚶‍♂️

4. المضادات الحيوية؟

ممكن دوكسيسايكلين أو أزيثروميسين، لكن فقط لو متأكد من الحالة

أهم حاجة: ما تعتمد عليها وتنسى تعويض السوائل

تنبيه ذهبي:

لا زنجبيل، لا ليمون، لا أعشاب… الكوليرا ما بتعرف الطب الشعبي! ☠️🌿

في الختام:

الكوليرا لعبة قذرة… وأنت لاعبك الوحيد هو الوعي
فخليك جاهز، خليك نضيف، وخليك صاحي!





#كنس


🦠🚱🧼💀🚨💧🧃

20/05/2025

العشرون من يونيو للعام الخامس والعشرون بعد الالفين ، ولاية الخرطوم و ولاية النيل الابيض خاليات تماما من مرتزقة الدعم السريع.
الحمدلله والشكر لله والعاقبة لكل ولايات السودان الغربية ..

نزف التهاني الى الشعب الصابر الصامد الابي ، وبالاخص الناس الساي ، اللذين فقدوا كل شئ في غضون هذه الحرب اللعينة ، والتهاني والتبركيات للقوات المسلحة السودانية والقوات التي عملت تحت امرتها في دحر التمرد ...

🇸🇩🇸🇩🇸🇩🇸🇩🇸🇩🇸🇩🇸🇩🇸🇩🇸🇩🇸🇩🇸🇩🇸🇩🇸🇩🇸🇩🇸🇩🇸🇩🇸🇩🇸🇩🇸🇩🇸🇩🇸🇩

وبإقتراب انتهاء التمرد
نذكر الاخوة في :
القوات المسلحة السودانية
القوات المشتركة
الكتائب الثورية
براؤون
درع السودان
المستنفرين
كافة الوان الطيف السياسي السوداني

نذكركم كافة بإن للسلطة صندوق اقتراع ، وان الاسلحة للأعداء ، وأن الوطن للجميع.


#كنس

19/05/2025

تتقدم كتلة الناس الساي #كنس بالتبريكات للسيد الدكتور / وتكليفه بمهام رئيس وزراء السودان.
ونذكر سعادته ان المقام مقام تكليف وليس تشريف ، وانه أختير في فترة حرجة جدا في تاريخ السودان.

ونوصيه كما نوصي انفسنا بتقوى الله في الشعب السوداني ، وان يكون خير معين للأمة السودانية وان ينهض بنا وببلادنا وان يتسطر اسمه في سجل المؤسسين للنهضة الكبرى للبلاد والعباد
سائلين المولى عز وجل ان يكون ذا منفعة على خلقه وبلاده.🙏🏾🇸🇩

#كنس
🇸🇩

17/05/2025

الحياة لو مشت في طريق واحد كان مسخت ليك...

اكبر نعمة الله خلقها لينا التقلبات
وبالمناسبة التقلبات دي صبر على صبر

تصبر على الابتلاء وما تجزع
وتصبر على المنح وما تتفرعن

الانسان الساي هو المكون الوحيد الفي المجتمع البيقدر يستشعر عظمة النعمة دي ، بيقوليك الحمدلله على الضراء وهو مبتسم ، والحمدلله على السراء وهو مبتسم 🫡 وبيرفقها بي " ربنا يصلح الحال" ، كتل وكيانات تانية بعملو انقلابات وبنقضو عهود وبعملوا شوشرة وبمشوا لي آلهتهم الافرنجية والخليجية يعملو ليهم Support ، ونحن بنمسك سبحة او بنتوهط مصلاية we are not the same .

ف اتبسط ، ربنا بحبك ، بي انو خلاك زول ساي 🫰🏾


#كنس

15/05/2025

مافيها حاجة لمن تكون انسان عادي ، زول ساي

زول بيقدم للدنيا الطيبة والتسامح ، ما شرط تبقى public figure عشان تكون مؤثر في حياتك.
تربيتك الصحيحة ✅
خوتك النضيفة 🤍
معاشرتك الآمنة 🛡️

دي اهم واكتر حاجات المجتمع محتاج ليها 🙏🏾

انك تكون انسان ساي ، لا ضرر ولا ضرار ، دة اسمى درجات التدين والانسانية والتأثير.


#كنس

رحمة الله عليك يا شبهنا 🤲🏾 كان من الناس الساي ، الفنان النجم المبدع البتلقاهو في اي حتة ، يونسك ويضحك معاك ويتمرن معاك ...
14/05/2025

رحمة الله عليك يا شبهنا 🤲🏾
كان من الناس الساي ، الفنان النجم المبدع البتلقاهو في اي حتة ، يونسك ويضحك معاك ويتمرن معاك
كان بسيط وفنان ساي ، لكن عندنا ما كان عادي بتاتا
منو ما بيتذكر النقلة الفنية العملها الجزار للفن السوداني ، منو في 2008 و 2009 كان بيخلو الMP3 بتاعو من اغاني الجزار ، منو الما حاول يقلدو!!!

نحن كجيل التسعينات وكناس ساي الجزار كان ليهو الاثر الكبير في حياتنا ، بي اغانيه الكانت بتلمس قلوبنا وبنردد فيها كل ما اتوجعنا او زاد الشجن فينا.

رحمة الله عليك يا زول يا طيب
انا لله وانا اليه راجعون
اللهم ارحمه واغفر له وتجاوز عن سيئاته انك غفور رحيم

13/05/2025

المواطن الساي ما عايز يبقى سياسي، عايز يبقى عايش

كل يوم في خبر سياسي، كل يوم حكومة جديدة
لكن الحياة؟ نفسها، الوضع الاقتصادي السئ … بل أسوأ وماشة تستاء اكتر واكتر
بقينا من صابرين لي نازحين
بس الثابتة مقهورين

الزول داير بلد فيها كهربا، موية، أكل، علاج ، تعليم … وبس.. دة طموح الساي ودي قمة سعادتو

مافي زول ينضم بي اسمنا
مافي زول من 56 عبر عننا

13/05/2025

الانقلاب ما بيوقف التلفزيون.. الانقلاب بيوقف جيبك
الناس البتفكر إنو الانقلابات بس بتأثر على السياسيين، والشركات الكبيرة وكدة

الموظف هو أكتر زول بيتضرر…

كل مرة انقلاب، سعر الدولار يطير، الإيجارات تولع، الأكل يبقى رفاهية، والمرتب يقيف يتفرج!
إنت ما سياسي؟ ما مشكلة، لكن مصاريفك بقت سياسية غصب عنك.

وانت ذنب ما عندك



12/05/2025

كتلة الناس الساي… ما تنظيم سياسي، ما جهة ضد زول

نحن زولك التعبان

أخوك، أختك، قريبك، انت زاتك

نحن الناس البتشتغل ساي، وبتعيش ساي، وبتصبر ساي
لكن يومنا جاي… وصوتنا حي


#كنس


أهلاً بيكم في "كتلة الناس الساي" ✋الصفحة دي ما سياسية ❌، وما عندها علاقة بأي حزب أو كيان.دي مساحة للمواطن السوداني البسي...
12/05/2025

أهلاً بيكم في "كتلة الناس الساي" ✋

الصفحة دي ما سياسية ❌، وما عندها علاقة بأي حزب أو كيان.
دي مساحة للمواطن السوداني البسيط ‍‍‍‍‍‍‍‍‍‍‍‍‍‍، الكادح، الموظف، التعبان، الزهج من الحروب والانقلابات والمكايدات السياسية ⚠️.

نحن ما عندنا مطالب كبيرة...
عايزين نعيش بـسلام ‍‍
نأكل بـكرامة
نحلم ونحقق بدون ما نخاف

كتلة الناس الساي، هي صوت المواطن الهادئ، العاقل، البفتش عن وطن معافى ‍⚕️
ما بنحمل حقد ❌، ما دايرين ننتقم، ما بنكره زول
بس دايرين استقرار... سياسي واقتصادي ⚖️💰
ودايرين نعيش زي باقي خلق الله ‍‍‍‍

انضموا لينا، خلونا نكبر بالصوت العاقل
الساي مو ساكت... الساي واعي !


#كنس
ً



12/05/2025

الاستياء، الخوف من المجهول، القلق
دي كلها حاجات طبيعية في أول وقوع المصيبة أو المشكلة 😞😟

لكن بعدها بشوية بتمرق من الكربنة الانت فيها دي وبتقول:
"ياخ نحن الله مرقنا من كم مصيبة، أكيد ح يمرقنا من دي"

ونرجع نبتسم ونتملي تفاؤل من جديد 🙂✨

يا عزيزي من الطبيعي جداً الإحساس الحاسين بيهو هسع ده،
طبيعي تشوف الدنيا سوداااا 🌑 وتحس إنك مكتّف وروحك تقيلة 😔
انت في النهاية بشر،
ما عندك لا النظرة الإلهية 👁️ لا التخطيط الرباني 🌌

ف كلها سويعات وتنتصر نفسك المؤمنة بقدرة ربنا على طبيعتك البشرية الوجلة 🕊️

ده الطبيعي
ما تشيل هم ☝️


Address

Khartoum

Website

Alerts

Be the first to know and let us send you an email when كتلة الناس الساي السودانية-كنس Sudanese Regular citizen united posts news and promotions. Your email address will not be used for any other purpose, and you can unsubscribe at any time.

Shortcuts

Share

Category