فوطة تسد الخانة

فوطة تسد الخانة مبادرة مجتمع مدني تأسست في عام 2020 تعمل على تعزيز الصحة و الحقوق الجنسية و الإنجابية مع التركيز على الحيض و خفض الفقر المرتبط بالدورة الشهرية.

إن شاء الله ما آخر وداع ❣️
31/07/2026

إن شاء الله ما آخر وداع ❣️


في دروب المحبة ❣️ فتنا .. فتنا كتير مساااافة ❣️في درب تاني من دروب المحبة .. قمر دورين ضمن دوراته، الشهر الماضي، حطينا ...
26/07/2026

في دروب المحبة ❣️ فتنا .. فتنا كتير مساااافة ❣️

في درب تاني من دروب المحبة .. قمر دورين ضمن دوراته، الشهر الماضي، حطينا الرحال و زرنا مراكز الإيواء في الأبيض، الرحمانية، زاكي الدين و ثويبة، عبر شراكة فاعلة مع مبادرة التكاتف الإجتماعي و اتشرفنا بحضور نازحات غرب كردفان.

تشرفنا بحضور 141 فتاة و سيدة، نشكرهن و نتمنى ليهن وافر الصحة و العافية مع أمنيات و تحايا مليانة محبة و ريد كتير ❣️

نشكر مبادرة التكاتف الإجتماعي و الفريق الحاضر في الصورة، الأستاذات: سلمى، جالدة، رانيا، سهيلة، و كل من تساهم و يساهم في جعل الواقع ألطف على الفتيات و النساء في السودان و كل مكان.

🩸 كلنا سوا بنقدر نخفف حدة و وقع الفقر المرتبط بالدورة الشهرية على البنات و النسوان و خصوصًا في الظروف الإنسانية الإستثنائية في السودان 🇸🇩


في دروب المحبة ❣️ فتنا كتير مسااااافة … 🇸🇩و وصلنا نيالا في ولاية جنوب دارفور، في إستجابة طارئة ضمن دورة من دورات قمر دور...
24/07/2026

في دروب المحبة ❣️ فتنا كتير مسااااافة … 🇸🇩

و وصلنا نيالا في ولاية جنوب دارفور، في إستجابة طارئة ضمن دورة من دورات قمر دورين ، فوطة تسد الخانة كانت هناك عبر شراكة مؤثرة جمعتنا بمركز المقشاشة لبناء القدرات في التنفيذ الميداني، زرنا مركز الإيواء، مدرسة الجير الثانوية للبنات.
كمان فريق المقشاشة شاركنا بإجراء توعية و تثقيف صحي مصاحب مع مواد إرشادية حول الحيض و الدورة الشهرية 🩸

اتشرفنا بـ حضور 100 فتاة و سيدة من مجتمعاتنا المحلية بالمنطقة، نشكرهن و نتمنى ليهن وافر الصحة و العافية و نرسل ليهن محبة و ريد كتير ❤️‍🩹


و كمان نشكر مركز المقشاشة على التواصل معنا و الشراكة الفاعلة، و الرغبة الصادقة في العمل الجماعي و تعزيز مسؤوليتنا تجاه مجتمعاتنا خصوصًا حول خفض الفقر المرتبط بالدورة الشهرية في الظروف الإنسانية الإستثنائية و الصعبة الكلنا بنعاني منها حاليًا.


22/07/2026

يا بنات ألحقووووني
😭😭😭😭
مفلسة جنس فلس
حق الفوطة ما عندي

20/07/2026

‎آخر مرة متين اخدتي راحة لمن كان عندك الدورة و عندك شغل بيت مردوم فوق راسك؟
و هل ناس البيت براعوا ليكي
و لمشاعرك في أيام دورتك؟

18/07/2026

يا حريم.. جيتكن موجوووووووعة!

🎶 المغتربين كلكم.. أخير المزارعين منكم! 🎶
يا الهاجرين الحريم.. أخير الزارع البرسيم منكم 🌿
يا الطاشين بالبلاد .. يا الهاجرين البنات 💄
لا جواباً وصل لا اتصل.. وأخير الزارع البصل 🧅

أسر كتيرة بتمشي مشاوير صعبة، بتستثمر في تعليم أطفالها، والبيوت السمحة، و المجهول .. المستقبل .. 🏡✨

السؤال .. العمار ده .. على حساب منو؟

في الأغنية دي نداء و صرخة من النساء الإغتراب ما دايماً حل!

في الغالب بيكون على حساب الصحة، والحقوق الجنسية والإنجابية للزوجة..

وعلى حساب الحب الواحد ده 💔

لأنو البَعيد عن العين، في أحيان كتيرة بكون بعيد عن القلب.

النسوان وهن بربّن الأطفال وبيستلمن تحويلات الزوج المغترب، ما بالضرورة سعيدات.. بل كتير منهن مُضحّيات.

مضحيات بحضن دافي، بـ فراش مهجور، و جسد مهجور و روح مهجورة .. بسند حقيقي بين في و مافي ، بليالي الشتا الباردات..
وقبلانات بإجازات متقطعة وبسيطة، وحقوق زوجية متواضعة
جداً. 🥀

و لا مطلقة لا عندك حقوق المتزوجات ..
💸 هل القروش ممكن تعوض الحاجات دي أو تخلق سعادة ؟

و المجهود العاطفي ده بيساوي كم بحسابات القروش؟

💌 في التعليقات أو الرسايل شاركونا رأيكن :

💘 كزوجة، بتفضلي تعيشي مع زوجك وأطفالك في حتة واحدة حتى لو الوضع صعب شوية ما كتير و مقدور عليو ؟

ولا تعيشي مهجورة بالسنين عشان البيت يتدق سيراميك والأطفال يكبروا يبقوا دكاترة؟

⚖️ قانونياً ومجتمعياً، كيف ممكن يكون الطلاق للضرر مدخل لزوج مُصر على الهجران بحجة تأمين المستقبل (الهو أصلاً مجهول للجميع)؟
و كل مرة بتحجج بشي جديد، و رافض لم الشمل في الغربة


كتير حاجات اتربينا عليها أو سمعناها أو قمنا عليها كـ بنات و نساء، كانت بتخلينا نفتكر إننا (الحاجة الفلانية ما من حقنا) ف...
15/07/2026

كتير حاجات اتربينا عليها أو سمعناها أو قمنا عليها كـ بنات و نساء، كانت بتخلينا نفتكر إننا (الحاجة الفلانية ما من حقنا) فما بنطالب بيها أو نسأل عنها، بل بالعكس بنحس إنها زيادة عن اللزوم، أو دلع و مسخرة، أو عيب كبيييير أصلا نتكلم عنها، بس الحقيقة إنها حقوق أصيييييلة 💅🏽😌🤩

شاركينا:

💡شنو الحاجة الـ كنتي قايلاها ما من حقك و اتفاجئتي إنها حق أصيل ليكي؟

🫆من وين أو كيف عرفتي إنها حقك؟
(تجربة شخصية، أو شفتي زولة من مجتمعك دقت جرس فيها، أو قريتي عنها، أو حضرتي فيلم أو سمعتي/ عرفتي قصة لزولة في التاريخ القديم أو المعاصر؟)

✊🏾 هل قدرتِ تطالبي بيها بعداك كـ حق، حتى ضمن البيت أو المجتمع؟ و لا لسه الطريق طويل؟

💌 في التعليقات شاركينا ..

🟢 💌 🟢
و كمان مرحب بيكي في الرسايل، لو حابة تشاركي و بتثقي في بريد الصفحة ممكن ترسلي في الرسائل.


رغم إنه حملتنا الرقمية الموازية لقمر دورين القضارف في الواطة متواصلة، إلا إننا الليلة رقميًا بنختم حكاوينا مع المتدربات ...
12/07/2026

رغم إنه حملتنا الرقمية الموازية لقمر دورين القضارف في الواطة متواصلة، إلا إننا الليلة رقميًا بنختم حكاوينا مع المتدربات و الفريق و بنقول إن شاء الله ما آخر وداع 🥹..

❤️‍🔥و ده عشان نلقي فرقة بسيطة نتونس ونسات خاصة عامة في النور و قدام الجمهور 🙈
ونسات من واقعنا، واقع البنات و النسوان في السودان 🇸🇩

🌕 شكرًا متدربات قمر دورين القضارف، شهادة تقدير و حقيبة ذكرى غير معدات الخياطة الأولية و دليل العناية بالفوط القماشية و التثقيف الصحي، فيها ريحة المكان و الونسات الدقاقة و الكبارة الحصلت خلال قمر دورين القضارف، عشان تتذكرونا، و ده ما كفاية برضو عشان نعبر عن الريدة و أمنياتنا بالتوفيق ❤️

شكرًا فريق قمر دورين القضارف، من داخل القضارف و خارجها من كم دولة في الإدارة العامة و الإدارة المالية و التنسيق العام و الحملة الرقمية.

شكرًا كرافت هوم للتنفيذ و الشراكة المليانة تفاهم 🤝

💌 قمرنا دورين في القضارف وضوّا واطتها..
الليلة عاوزين نشوف نوركن إنتن واصل وين؟

😭 طلع من زولة فاتتها حلاوة القضارف و قمر دورين هناك، وصل وين ؟؟

🟢 لو بأمان و حابة تشاركي في التعليقات

🌍 أثبتي حضورك باسم ولايتك، أو مدينتك، أو حتى البلد الانتي فيها هسه.. خلونا نشوف قمر دورين ونساتها واصلة وين، و متابعننا من وين.



#القضارف

Address

Khartoum

Website

Alerts

Be the first to know and let us send you an email when فوطة تسد الخانة posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to فوطة تسد الخانة:

Shortcuts

Share

Category