نادي الشباب السوداني

30/07/2026

نظرا لتأخر بعض الترتيبات .. يؤسفنا إبلاغكم بقرارنا تأجيل فعالية أخوي الزين - على أن تقام بالجمعة المقبلة الموافق 7 أغسطس

كتير من الأفكار العنصرية والجهوية البنشوفها الليلة ما اتولدنا بيها..

لكن هي موروثات انتقلت من جيل إلى جيل حتى بقت بالنسبة لناس كتار حاجة عادية، دا الطلعنا بيو لما وقفنا مع نفسنا بصراحة 👀

لكن نحن بنؤمن إنو الحلقة دي لازم تقيف🫸🏽

و من هنا بدأت فكرة حملة “أخوي الزين” 🇸🇩

إحنا كسودانيين ما ورثنا الأرض بس…
ورثنا كمان قصص، وأفكار ،وحدود بين القلوب

فـالسؤال…
هل حنورثها للجيل البعدنا زي ما استلمناها ؟

يمكن العنصرية هي واقع عشناه ولسه بنعيشو…
لكن احنا كشباب، بإيدنا التغيير. وما مُلزمين نورث الممارسات السلبية دي من أسلافنا ونطبّقها أو نورثها لغيرنا بكل السوء الفيها.

بإيدنا نختار شكل الحياة العايزين نعيشها، ونختار نوع الإرث البنخلفو للأجيال الجاية.

التغيير بيبدأ بينا 💪🏽

حتى لو ما قدرنا نوصل لكل البنحلم بيه…على الأقل نموت ونحن نحاول، ولنَعِش لأجل المبادئ التي نؤمن بها.

نبشركم إننا أطلقنا فعالية “أخوي الزين" 🫂
وهي محاولة لدحر العنصرية والجهوية ومساحة حوار شبابية نراجع فيها أفكارنا ونناقش جذور العنصرية والجهوية و نطلع بإجابة واضحة و حلول واقعية نحاول نبني بيها مع بعض سودان يجمعنا ما يفرقنا.

من الشباب… بالشباب… ولشباب السودان 🧡

لأن الشباب يستحق 🌟
والسودان يستحق الأفضل 🕊️

📅 موعدنا الجمعة 31 يوليو 2026
🕘 الساعة 9:00 مساءً بتوقيت السودان
📍 على قناة نادي الشباب السوداني بتيليجرام
🔗 رابط القناة في التعليقات

ساعدونا بنشر الإعلان على أوسع نطاق
كلكم شركاء في التغيير 👏

29/07/2026

⛔️ بالمقطع أصوات فم وليست موسيقى

أول خطوة في العلاج… إننا نعترف إنو في مشكلة 🤍

في حاجات بنكون عارفين إنها موجودة، لكن بنفضّل ما نتكلم عنها، يمكن خوفًا من مواجهتها، أو لأننا متعودين عليها، أو لأن الاعتراف بيها معناه إن علينا مسؤولية نغيّرها.

لكن تجاهل المشكلة ما بلغي وجودها.

القرآن جعل منهاج التغيير الحقيقي بيبدأ من داخل الإنسان:

﴿إِنَّ اللَّهَ لَا يُغَيِّرُ مَا بِقَوْمٍ حَتَّىٰ يُغَيِّرُوا مَا بِأَنْفُسِهِمْ﴾

وعشان نغيّر، لازم أول حاجة نكون قادرين نشوف المشكلة ونسمّيها ونفهمها.

لأنو العنصرية ما بتظهر في صورة واحدة؛ ممكن تظهر في كلمة، أو تعامل، أو نظرة، أو حكم مسبق، أو حتى في علاقات وتجارب عاشها البعض بصورة مؤذية.

وعشان نقدر نتكلم عن العلاج، محتاجين أولًا نفهم المشكلة من جوانبها المختلفة.

نحن ما بنجمع القصص عشان نعيدها…
بنسمعها عشان نفهم، ونفكك، ونتعلم كيف نكون جزء من التغيير.

أخوي الزين… لأن التغيير بيبدأ لما نقدر نشوف المشكلة، ونختار نعالجها 🇸🇩🧡

🗓️ الجمعة الموافق 31 يوليو 2026
⏰ في تمام الـ9:00 مساءً بتوقيت السودان
🚩 على قناة النادي بالتيليجرام
الرابط بأول تعليق 👇

28/07/2026

كتير من الأفكار العنصرية والجهوية البنشوفها الليلة ما اتولدنا بيها..

لكن هي موروثات انتقلت من جيل إلى جيل حتى بقت بالنسبة لناس كتار حاجة عادية، دا الطلعنا بيو لما وقفنا مع نفسنا بصراحة 👀

لكن نحن بنؤمن إنو الحلقة دي لازم تقيف🫸🏽

و من هنا بدأت فكرة حملة “أخوي الزين” 🇸🇩

إحنا كسودانيين ما ورثنا الأرض بس…
ورثنا كمان قصص، وأفكار ،وحدود بين القلوب

فـالسؤال…
هل حنورثها للجيل البعدنا زي ما استلمناها ؟

يمكن العنصرية هي واقع عشناه ولسه بنعيشو…
لكن احنا كشباب، بإيدنا التغيير. وما مُلزمين نورث الممارسات السلبية دي من أسلافنا ونطبّقها أو نورثها لغيرنا بكل السوء الفيها.

بإيدنا نختار شكل الحياة العايزين نعيشها، ونختار نوع الإرث البنخلفو للأجيال الجاية.

التغيير بيبدأ بينا 💪🏽

حتى لو ما قدرنا نوصل لكل البنحلم بيه…على الأقل نموت ونحن نحاول، ولنَعِش لأجل المبادئ التي نؤمن بها.

نبشركم إننا أطلقنا فعالية “أخوي الزين" 🫂
وهي محاولة لدحر العنصرية والجهوية ومساحة حوار شبابية نراجع فيها أفكارنا ونناقش جذور العنصرية والجهوية و نطلع بإجابة واضحة و حلول واقعية نحاول نبني بيها مع بعض سودان يجمعنا ما يفرقنا.

من الشباب… بالشباب… ولشباب السودان 🧡

لأن الشباب يستحق 🌟
والسودان يستحق الأفضل 🕊️

📅 موعدنا الجمعة 31 يوليو 2026
🕘 الساعة 9:00 مساءً بتوقيت السودان
📍 على قناة نادي الشباب السوداني بتيليجرام
🔗 رابط القناة في التعليقات

ساعدونا بنشر الإعلان على أوسع نطاق
كلكم شركاء في التغيير 👏

28/07/2026

لما اضطرينا نطلع من بيوتنا..
ما كان عندنا ولاية معينة نمشي ليها، فمشينا للمكان الآمن. هناك لقينا ناس يمكن عمرنا ما عرفناهم قبلها، لكن فتحوا لينا بيوتهم، وتقاسموا معانا الأكل، والشرب، والدواء، وواسونا بكل ما قدروا عليه.👥

في اللحظات دي، ما كان السؤال:
“إنت من وين؟”

كان السؤال:
“إنت كويس؟ معاك منو؟ محتاج شنو؟”

وده ما موقف واحد.. بل دا موقف آلاف الأسر السودانية الإحتضنت أسر تانية، وقدمت ليها المساعدة يدون ما تسأل عن القبيلة أو الجهة أو اللهجة.

ويمكن القصص دي ما لقت نفس الانتشار في السوشيال ميديا لكن عاشها وشهد عليها آلاف السودانيين. 🇸🇩

وكل مرة كانت أي منطقة في السودان تمر بأزمة كنا بنشوف الناس من كل الولايات يرفعوا نفس الهاشتاق ويدعوا، ويتبرعوا، ويقفوا مع أهلها… لأنهم أهلهم. ❤️

لكن بعد ما تهدأ الأزمة… ليه ترجع أصوات تفرّق الناس على أساس القبيلة أو الجهة أو اللهجة؟

إذا كانت المحنة أثبتت إن إنسانيتنا أكبر من اختلافاتنا… فليه نسمح للعنصرية والجهوية تفرق بينا من جديد؟

في الشدة كنا أهل… ليه ما نكون في الهينة برضو أهل🤝🇸🇩

💬 برأيك هل ما زالت العنصرية مشكلة في مجتمعنا؟ وشنو الخطوة الممكن نبدأ بيها لمواجهتها؟

27/07/2026

سقف الممكن مذهل!

دا شعارنا التشغيلي في النصف الثاني من العام 💪🏽

أمس سألناكم وقلنا أكملوا العبارة 😅
سقف الممكن..... !

وما شاء الله بعضكم جاوب إجابة صحيحة 🌟

لكن قصّة الشعار دا شنو ؟!
وليه نادي الشباب السوداني اختاروا كشعار للفترة القادمة 🤔

الحقيقة هو ما سبب واحد
هم عدة أسباب ولكن قبل ذكر الأسباب خلونا نشرح المقولة وعندنا سؤال في نهاية البوست ما تنسوا تجاوبوا عليه ⭕

طيب المقولة بتعني إنو "أقصى الإمكانيات تتجاوز جهود الأفراد"
يمكن فرد براو ما يفكر يعمل الكثير.. ولكن مجموعة من الأفراد ممكن يوصلوا لإنجازات تفوق الحد الطبيعي المتوقّع.. ودا الأساس القام عليو نادي الشباب السوداني 🧡

تعالو نشوف أسباب إختيار الشعار يلا 🥁

1️⃣ أول وأهم سبب هو إنتو 🌚

ايوا إنتو يا شباب 🫵🏽

لما بدينا معاكم الرحلة دي في شهر 1 من السنة دي.. كنّا متوقعين فكرة النادي تحظى بالدعم لكن ما للدرجة دي بصراحة 👀

كنّا خاتين سقف لتوقعاتنا في إعجاب الشباب السوداني بفكرة وتوجّه النادي.. تفائلنا بالنجاح كان محدود إلى حدّ ما..

لكن اتعلمنا معاكم إنو نكسر كل الحدود الممكنة والما ممكنة وإنو نرفع سقف طموحاتنا للعااالي

2️⃣ السبب الثاني لإختيار الشعار دا هو إرتفاع طموحنا أثناء الرحلة نظراً للثقة الإكتسبناها من المجهود الإتعمل والنتائج الملموسة القدرنا نوصل ليها معاكم في الفترة القصيرة الفاتت دي "بفضل الله"

إكتشفنا إننا أقوى مما نظن.. وأقدر مما نرى

الليلة بنقيف بثقة وبنقول إنو الشباب السوداني قوي.. والشباب السوداني قادر على التغيير والتعمير والإبتكار والبناء

انتهى الوقت البيلعب فيه الشباب دور المتفرج العاجز وسط مطحنة الأزمات البتمر بيها بلدنا الحبيبة

في الختام نبشّركم إنو الجاي أفضل وإنو النادي خاشي على الفترة الثانية من السنة بقوة أكبر من الفاتت وبهمّة لا تعرف الإنكسار وعزيمة لا تلين

ولسان حالنا يقول:
أبقى زولاً ليهو قيمة 🌳
أنفع الناس بي وجودي 🫡

⚠️ بالنسبة لسؤالنا الختامي..
من هو صاحب مقولة "سقف الممكن مذهل وقصتو شنو" ؟ يلا نشوف الناس المركّزة والمتابعة معانا 👀

26/07/2026

أكمل العبارة الآتية 🔥

سقف الممكن ...... !

26/07/2026

واحدة من أكبر مشاكلنا المجتمعية..

مشكلة لو ما اتعالجت ممكن تنتهي من حاجة اسمها سودان للأسف

ما هي ؟ 🤔

25/07/2026

سألنا السؤال دا قبل يومين 👀
وقلنا لو جاتك الفرصة وبقيت مدير النادي لمدة يوم .. حتعمل شنو 🫣

أول حاجة شكراً من القلب لكل الشاركونا أرائهم 🤍
ونبشّركم إننا مرّينا على أي تعليق جانا بإهتمام كبير زي ما وعدناكم 🧡

وحقيقة أكتر المشاركات الجاتنا كانت بتدور حول حاجة وااااحدة

وهي 🥁
المهارات المدرّة للدخل ومهارات التطوير 🏆

فبالمناسبة دي ..
ولأنو النادي تحت خدمتكم يا شباب 🫡

عندها ليكم شغل بختلف الفترة الجاية القريييبة دي 🔥

بس قبل نعلن القرار الكبير الأخدناو

ورونا المهارات النفسكم تتطوروا فيها شنو؟ 🤔
وهل في كورسات معينة نفسكم فيها ؟

ولو عندكم مدربين مرشحين للمهارات دي تاقوهم برضو أو اكتبو لينا أسمائهم 👏

24/07/2026

ما نفسك يكون عندك رصيدٌ من القرآن، والذكر، والعلم، والعمل الصالح... يرافقك للدنيا والآخرة؟ 🌿

طيب رأيك شنو لو قلنا ليك إنو الرحلة دي بتبدأ بخطوة صغيرة... مجلس تلاوة، أو منشور يذكّرك بالله، أو لقاء يغيّر نظرتك للحياة؟ 🤍

وعشان كدا الفترة الفاتت كان عندنا في الركن الديني رحلة متكاملة، حاولنا من خلالها نقرّب الشباب من القرآن، ونغرس فيهم حب العلم الشرعي، ونحيي في قلوبهم معاني الإيمان.

وكانت رحلتنا معاكم كالآتي:

🌟 برنامج مكارم (قِيَم الشباب):

انطلاقاً من إنه الأخلاق أساس صلاح الفرد والمجتمع، قدّمنا برنامج "مكارم"؛ سلسلة تربوية تناولت مجموعةً من القيم التي ينبغي على كل شاب مسلم أن يتحلّى بها، وربطت بين الأخلاق والإيمان، وقدّمت نماذج عملية لتطبيق هذه القِيَم في واقعنا اليومي، حتى يكون الشاب المسلم قدوةً في تعامله، وأخلاقه، وعلاقته بربه وبالناس.

🌙 استعداداً لرمضان
افتتحنا برامجنا الرمضانية بلقاء إيماني مع الشيخ سهل علي حامد بعنوان:
"كيف نستقبل رمضان؟"
وكان اللقاء بمثابة خارطة طريق لإستقبال الشهر الكريم، والاستفادة من أيامه ولياليه.. وكان لقاء جميل جداً واستفدنا منه أيما إستفادة.

⚔️ كن جندياً لدينك
بعدها التقينا الشيخ "مصطفى ميرغني" في لقاء ماتع جداً وثري بالمعلومات بعنوان:
"كن جندياً لدينك"
ودار الحديث عن مسؤولية الشباب تجاه دينهم، وكيف يكون المسلم نافع لدينه ومجتمعه، كل شخص من موقعه.

📖 أكرِم بقومٍ أكرموا القرآن
ومن أجمل محطاتنا كان برنامج "أكرِم بقومٍ أكرموا القرآن"، والبرنامج دا سلّط الضوء على أهل القرآن، عشان نقرّب أكتر من رحلتهم مع كتاب ربنا، ونتعلّم من تجاربهم.

وخلال البرنامج قدّمنا تلاتة حلقات مميزة:

1️⃣ حلقة مع الحافظين همام الرشيد ومعاذ فتحي، وكانت رسالة الحلقة إنه الإنشغال بدراسة التخصصات الأكاديمية الصعبة، كالطب والهندسة وغيرهم، ما عائق أمام حفظ القرآن، بل يمكن الجمع بين التفوق العلمي وحمل كتاب الله.

2️⃣ حلقة مع الحافظتين آيات عز الدين والخنساء بشير، اتكلّمنا فيها عن تجربتهما مع القرآن، وأثره في حياتهما، وكيف يصنع القرآن شخصية المسلم.

3️⃣ مجلس تلاوة قرآني، اجتمع فيه عدد من القرّاء لتلاوة كتاب الله في أجواء إيمانية ملأها التدبر والإلفة والتنافس في الخير.

📚 مجالس التلاوة
وما كانت مجلس واحد، بل كانوا عدة مجالس متكررة نجتمع فيها على كتاب ربنا، نتلوه، ونتدارسه، ونتواصى بالعمل به، إحياءً لمجالس القرآن بين الشباب.

🌱 سلسلة مشاريع الآخرة
سلسلة تربوية اتناولنا فيها مشاريع عملية يقدر الإنسان إنه يجعلها زاد ليه بعد الموت، وتحثه على استثمار عمره فيما يبقى أثره وثوابه.

🤲 سلسلة فضائل الذكر
تذكيرات متتابعة بفضل الأذكار، وأثرها في حياة المسلم، وربط القلوب بذكر الله في مختلف الأحوال.

✨ وكان بين هذه البرامج والمنشورات عددٌ من التذكيرات الإيمانية، والآيات، والأحاديث، والوقفات التربوية التي سعينا من خلالها لأن يكون الركن الديني رفيقًا للشباب في طريقهم إلى الله.

وباختصار..
دي كانت رحلتنا معاكم، رحلةٌ بديناها بالقرآن، وسرنا فيها بالذكر، وتزوّدنا فيها بالعلم، وما زلنا طموحين إنه يكون القادم أجمل، وإنه نقدّم ليكم كل ما ينفع الشباب في دينهم ودنياهم.

ونسأل الله أن يجعل كل كلمةٍ نُشرت، وكل مجلسٍ عُقد، وكل آيةٍ تُليت، في ميزان حسنات كل من شارك وساهم ودلّ على الخير. 🤍

﴿وَمَا تُقَدِّمُوا لِأَنْفُسِكُمْ مِنْ خَيْرٍ تَجِدُوهُ عِندَ اللَّهِ﴾

🔻 كل المجالس واللقاءات والورش مسجلة بقناة النادي على تليجرام.. ابحث بإسم المجلس أو اللقاء المطلوب وحيظهر مباشرة .. حنخلي رابط القناة بالتعليقات 🧡

🌿 شاركونا..
شنو أكتر برنامج أو منشور ديني أثّر فيكم؟ وشنو البرامج الإيمانية البتتمنوا تشوفوها في المواسم الجاية؟