04/05/2023
منقول من صفحة التلات حبات ما علاج للنزله
في حالة حدوث جرائم الاغتصاب... في ايام الحرب دي⭕⭕⭕
التفكير بيكون في تلات حاجات مهمات...الجانب النفسي...وجانب الامراض المنتقلة جنسيا..وجانب الحمل غير المخطط ليهو...
الكتيرين بيكون حيرانين بين كيف يقدرو يفتشو للمساعده...ده غير انو في فئات تدهور الحالة النفسية ليهم..بتمنعهم يراجعو اماكن تلقي الرعاية الصحية...
عندنا ليكم نصائح بسيطه عسى ولعل تنفع...وتنصحو بيها غيركم لولا قدر الله مر بي موقف زي ده...
انو الادوية اللي بتتاخد لمشاكل الامراض المنتقلة جنسيا (زي الايدز)حقو تتاخد في اقرب وقت... وك اقصى حد 3 يوم..لازم بقدر الامكان تفكرو في الحاجه دي لو بتعرفو زول اتعرض للحاجه دي.....ده ما معناها انو بعد 3 يوم ما شغالة..لا ده خلوهو حد معين عشان تستعجلو المساعدة....وتقدرو تتلافو مشاكل كتيرة قد تحصل مستقبلا..
الاغتصاب ده بيحصل للرجال والنساء...بي شتى اعمارهم...
ف لو كان المُغتصَب إمرأة...ففي خيار حبوب منع الحمل الطاريء متاحه في الصيدليات ومؤخرا في جهات كتيرة ادت توصيات ب انها تتصرف من غير روشتة..وبتتاخد لي فترة لحظية..وكل ما اتاخدت في توقيت اسرع كل ما كانت نتيجتها ايجابية بي شكل اكبر... اغلبية التوصيات بتقول انو ما بين 72 ساعة لحدي 120 ساعة...ده التوقيت المناسب لي منع الحمل غير المخطط ليهو منع طاريء بما فيه حالات الاغتصاب...
يعني التلات يوم الاولى بنسبة كبيرة... لحدي 5 يوم برضو ممكن يتمنع الحمل ..خلاف كده ممكن يحصل حمل غير مخطط ليهو...
وكل ما كانت المساعدة من حوالين الشخص المغتصب اسرع...ودرايتهم التامة بي اهمية البروتوكولات دي كان افضل..يعني من اول يوم طوالي كده تتبلع حبوب منع الحمل بي صورة طارئة...عندها جرع معينه متاحه بيخبركم بيها الصيدلي... وفي خيارات تانية زي استخدام اجهزة بيتم ادخالها في الرحم بتمنع الحمل غير المخطط ليهو...
نجي للجانب الاهم...وهو جانب الدعم النفسي للمُغتصب..سواء كان رجل او امرأة....من الحواليهو..خصوصا الناس القريبة ليهو شديد... اهلو...صحبانو...الخ..الاقرب ف الاقرب...لانو المجتمع برة ما برحم..وبتعامل مع اي شي حسب عادات وتقاليد سمجة جدا قد تؤدي المعتدى عليه لي سلوك دهاليز اخرى تقوده للانتحار عافانا الله واياكم...
ف شنو؟!
الوقاية من الامراض...الوقاية من الحمل غير المخطك ليهو(حالات النساء) والدعم النفسي للنساء والرجال المعتدى عليهم...
وقعت؟!
Ref:
Everybody deserves respect and to feel safe in their sexual relationships. We know that sexual assault and r**e happen, and it can be hard to talk about or know what to do. This guide will talk about what sexual assault and r**e are, what to do if you have been a victim of sexual assault, how you ca...
