10/03/2025
*مبادرة البلاستر والفراشات*
قبل فترة كان عندي زول في الدروشاب مشي المستشفي عيان ما كان عندهم بلاستر لصقوا ليهو الفراشه (بتيب) كل شويه يتفكى وقبل كم يوم كان في اصابات كتيره جدا جدا في معركه تحرير شرق النيل والحاج يوسف وكانوا محتاجين لكميه من البلاسترات وما كان عندهم
البلاستر قيمته ٣ الف بس يا جماعه اتخيلو بس حاجه رخيصه زي دي لكن مهمه جدا في اي مستشفي انتوو بمساهمتكم المره الفاتت قدرتوا تخدموا المستشفي قدر شنو ٣ الف بس مساهمتك للجيش وللوطن ولاهل الدروشاب.
٣ الف ما بتعمل ليك اي شئ لكن للمستشفي ممكن تنقذ حياة كميه من المصابين
*فراشات*
ومحتاجين كمان لفراشات مقاسات ٢٤ & ٢٦ مقاس اطفالي ما متوفره نهائي في المستشفي متخيلين الاطفال بجوا وما بلقوا فراشه يركبوها ليهم محتاجين وقفتكم معاهم
بحمد الله وتوفيقه ربنا وقفنا وقدرنا نشتري بعض المستلزمات الناقصه من مستشفي الشهيد علي عبدالفتاح وخلال اليوم حتصل الدروشاب إن شاء الله بفضل تبرعاتكم ومجهوداتكم ودعواتكم وحنواصل في مبادرتنا دي عشلن نغطي باقي الحوجات للبلاستر والفراشات
*بوكس فراشه مقاس ٢٠ به ١٠٠ حبه
*بوكس فراشه مقاس ٢٦ بنفسج به ١٠٠ حبه
*٥ بوكس بلاستر البوكس يوجد به ٦ حبات بلاستر
الحوجه الي:-
*بوكس فراشه ٢٤
*بوكس فراشه ٢٢
*حاليا*
البلاستر والفراشات في المستشفي يا اهل الدروشاب ولله الحمد والمنه شكرا لكل يد ساهمت ولسان دعاء واصابع كتبت وزول دعم وشجع
كل مبادرة بنكتشف لينا بطل جديد من ابناء الدروشاب ربنا يبارك فيهم ويحفظهم
