Al-Sarraf village, people and loved ones قرية الصراف أهل واحباب

31/05/2026

نرسل التهاني والتبريكات بمناسبة زواج الأخ / علاءالدين البدري علي الضو

سألين المولى عز وجل ان يجعلها له حياة زوجية سعيدة مترفة بالرفاه والبنين ي رب




#كيان

27/05/2026

بحلول عيد الأضحى المبارك كاميرا الصراف الجوالة توثق اجمل اللحظات و أبهاها 💚🌸 .




#كيان

27/05/2026

تهنئكم أسرة صفحة الصراف أهل و أحباب لكل الأهل و الأحباب بأسمى التهاني والتبريكات بمناسبة عيد الاضحى المبارك اعاده الله علينا وعليكم بالخير واليمن والبركات وكل عام وانتم بخير و صحة وعافية .




#كيان

08/05/2026

اللهم ارحمه واغفر له واسكنه فسيح جناتك و اجعل قبره روضة من رياض الجنة ي رب العالمين

#كيان

كتب الأخ أبوعبيدة عامر البشير
لو كنت محظوظ

بكون في حياتك شخصية معتقة ذي عمنا المهدي مالك

ركز لو كنت محظوظ

زول فيهو ريحة الجروف وجمال الحروف وبلسم للجروح

عمنا المهدي مالك

(خلوه المهدي)

بيتو فاتح في الشارع (والشارع فاتح في قلبي)
الشارع القديم البتجي بيهو عربات (ودكبروس) ود ضعيف
عندو ديواااان كبيير
فيهو (عناقريب) كتيرة وفرشات واباريق حقات حديد
ومافيهو باب فاتح على طول ذي قلبو بالظبط
ما بتحتاج تدق باب ولاتستاذن ومتين ماجيت ومن أي مكان تجي تخش وتشرب ليك موية وتلقى الابريق وتتوضي تصلي وتاخد ليك (انبطاحة) حتى تلاقي كرم من نوع تاني
في (خلوه المهدي) والديوان زمان كان اسمو الخلوه قبال نتفلهم ونسميه الصالون

قدام الديوان دا
في راكوبة كبيرة معروشه من فوق بس وبالجمبات فاتحة وفيها بنابر رجلينا قصيرة قريب الواطه وباقة كبيرة أربعة جالون مخيشة فيها موية بااااااردة
المكان دا بدير منو شغلو اللهو الحدادة البسيطة الورثها من ابوه الله يرحمو. بجانب عملو كمزارع
الراكوبة دي اسمها السندالة

السندالة غير كونها مكان عمل كانت ملتقى اجتماعي وثقافي ذي نادي الخريجين زمان
شئ سياسة وشئ رياضة وأهم شيء الدين. وعم المهدي طبعا زول متفقه في الدين. وصراحة هو زول لايمل

مره وانا كنت صغير في سنة تالت او رابع على مااذكر
اتشاكلت لي مع زميل المدرسه وللامانة دقاني اكتر من اني دقيتو. والموضوع زعلني شديد وكيف يدقني قدر دا وانا مااقدر ارد اعتباري. المهم
وانا جاي من المدرسة وقبل اصل البيت مشيت بفوق للسندالة
وقميصي مكرفس ومقطعات منو زرائر
لقيت عم المهدي قاعد يطرق ليه في فاس
سلمت وشربت من الباقة المخيشة ديك. وقلت ليه ياعمي انا عاوز لي سكين. عاين لي كدا. وقدر يقيم الوضع وعرفني اندقيت. قال تمام اقعد انتهى من الفاس واعمل ليك السكين
فرحت شديد وانا اضمر الانتقام
وقعدت
وبقي يتونس معاي
قال بتقرا سنة كم قلت ليو رابع.
قال انت بتحب التعليم ولا لا
قلت ليو بحبو اي
قال ياسلام التعليم سمح والزول البحب التعليم الناس بتحبو والله ذاتو بحبو. انبسط من كلامو
وواصل
الزول المتعلم مابياذي الناس ولو قدر الله والمتعلم اذي الناس ببقى مجرم ومااستفاد من تعليمو حاجة. سكت سااااي
قال اها عاوز تبقى مجرم ولامتعلم؟
قلت ليو ماعاوز ابقي مجرم
قال طيب السكين لو شلتها وطعنتا بيها زول دي جريمة ولا لا؟!
انا عيوني رقرقن للبكاء والغبينة ظهرت في وشئ
قلت لكن ياعمي هو دقاني
قال ليه ماكلمت الاستاذ
قلت ليو كان كلمت الأستاذ بقولو ماراجل ومشا اشتكي ولو كلمت امي ولا ابوي الطلبة بضحكو فيني
قال خلاص امشئ البيت عشان اهلك مايشفقو عليك اتاخرت وانا بمشئ للولد وبكلم ليه ابوه وبدقو. وتاني لو سالك ماتكلم الاستاذ ولاابوك. كلمني انا دا
مرقت منو مجبور خاطر ورضيان وحاسي بالانتصار
واخدت حصه زيادة فوق حصص المدرسة
وفعلا تاني يوم تلاقينا انا وصاحبي الاتشاكلنا صالحني وقال لي ابوي المهدي قال الود اخوك ماتشاكلو تاني
ولي يوم الليلة نحن اخوان وكل مايلاقيني بقول لي يااخوي

تحية الصحة والعافية يارب
وربنا يبارك في عمرك وتفضل ضوء





#كيان

11/04/2026

حليل الحلة و القعاد و اللمة
حليل الكسرة و الونسة الحداك ي يمة
كتير في الغربة شفنا مآسي
و الحزن القبيل متردم اصبح قاسي
باكر تطل ذكرى الديار
و الرجعة ليك تصبح خيار

ربنا يرد غربة جميع أبناء الصراف خارج و داخل الوطن الحبيب

#كيان

20/03/2026

أسرة صفحة الصراف أهل و أحباب تهنئكم بحلول عيد الفطر المبارك اعاده الله علينا وعليكم بالخير واليمن والبركات وكل عام وانتم بخير وصحه وعافيه .




#كيان

06/03/2026

ابن العم مجتبى عبدالمجيد عبدالله المبارك
مبارك عليك النجاح الرابع على مستوى ولايه القضارف نسأل الله ليك التوفيق والنجاح
تهنئة خاصة من أسرة أولاد المبارك






#كيان

15/02/2026

اللهم بلغنا رمضان 💛.




#كيان

17/01/2026

في الخرطوم…
في صباحٍ من أكتوبر 1967،
وُلد طفل اسمه محمود عبد العزيز.
لم يكن مختلفاً عن بقية أطفال الحي، إلا في شيء واحد: كان يصنع عالماً من لا شيء.
يرصّ كراسي البيت… يقف فوقها… ويمثل.
يغني. يتقمص. ويصفّق لنفسه قبل أن يصفّق له الآخرون.
وكأن المسرح جاءه قبل أن يعرف اسمه.
كبر محمود في حي المزاد ببحري، وسط أسرة بسيطة، بين حضن الجد محمد طاهر، وحنان الجدة نفيسة، وتحت عينَي أبٍ وأمٍ تعبا ليصير واقفاً.
هناك… تعلّم أن الفرح يُصنع، وأن الصوت حين يخرج من القلب، يجد طريقه.
في روضة الحرية، ثم مدرسة الحرية، بدأت الموهبة تطل برأسها.
دخل التلفزيون طفلاً، وقف أمام الكاميرا بلا خوف، كأنها صديقة قديمة.
رآه الفنانون… وأثنى عليه الكبار، وقال محمد شريف كلمته: “الولد ده عندو حاجة.”
وفي 1975، وقف طفلٌ صغير أمام رئيس الجمهورية، وتقلّد وشاحاً في حفل للكشافة البحرية، ليس لأنه حفظ نشيداً، بل لأن صوته كان مختلفاً.
لكن محمود لم يكن مستعجلاً.
دخل المدرسة الإنجيلية، ثم قصر الشباب والأطفال بأم درمان، وتعلّم التمثيل، وتعلّم الوقوف، وتعلّم أن الجمهور لا يُخدع.
كان يجرّب نفسه، لا ليُعجب، بل ليصدق.
وعندما قرر… قرر بهدوء.
عام 1987، من مركز شباب بحري، وقف محمود مغنياً حقيقياً.
صوته صار أوسع، وأحلامه أكبر من المسرح الصغير.
وجد من يسمعه، ومن يؤمن به، وكان بينهم صلاح بن البادية، الذي رأى فيه ما لم يره كثيرون.
لكن الطريق لم يكن سهلاً.
الأبواب أُغلقت، والكلمات كانت جديدة، واللحن مختلف، فقرر أن يرحل.
إلى الأبيض.
هناك، في كردفان، وجد صدراً مفتوحاً، وصوتاً يشبه الناس.
غنّى في الأفراح، وفي الليالي الطويلة، ومن هناك… بدأت الرحلة الحقيقية.
عاد محمود، وصدر أول ألبوم: خلي بالك.
ثم جاء الذي بعده… ثم الذي بعده.
صار صوته مألوفاً، لكنه لم يصبح عادياً.
كان يغني: عن الوجع، وعن الشوق، وعن الفراق، وكأن كل مستمع يجد نفسه في أغنية.
لم يكن محمود مجرد مغنٍ.
كان حالة.
يجمع حوله الشباب، يصنع فرقة، ويستمع أكثر مما يتكلم.
مزج التراث بالحداثة، وأخذ القديم بيد الجديد، ومشى بهما معاً.
غنّى للناس… لا عليهم.
أكثر من مئتي أغنية، عشرات الألبومات، مسارح ممتلئة، وجمهور لا يشبه غيره.
جمهور لم يكن يسمعه فقط… كان يحبه.
ثم جاء المرض.
رحل بصمت، كما عاش.
وفي 17 يناير 2013، في صباحٍ يشبه الصمت…
استيقظت الخرطوم وهي تعرف الخبر قبل أن يُقال.
محمود عبد العزيز…
رحل.
لم تحتج المدينة لبيان، ولا احتاج الناس لشرح.. الفراغ كان كافياً ليفهم الجميع.
كان محمود صوتاً يمشي في الشوارع بلا ضجيج، ويجلس في البيوت كأنه واحدٌ من أهلها.
غنّى للوجع… فصار الوجع أخف. وغنّى للفرح… فصار أصدق.
لم يكن يعلو على الناس، كان يقف بينهم، وينتظر أن يفتحوا له قلوبهم… فيفتح صوته.
في بحري، في حي المزاد، كبر وهو يعرف أن الفن ليس شهرة، بل عشرة.
كان يغني وكأنه يحكي، ويحكي وكأنه يغني، فصدقه الناس، وأحبوه دون شروط.
اليوم، لا مسارح، ولا بروفات، ولا أضواء.
اليوم… مدينة كاملة تمشي خلف صوته.
شباب، وشيب، وأطفال لم يروه يوماً لكنهم حفظوا أغانيه.
لم يمت محمود عبد العزيز.
الذي يموت… هو من لا يترك أثراً..
أما هو، فقد ترك في كل بيت لحناً، وفي كل قلب سطراً، وفي ذاكرة السودان صوتاً لا يُغادر.
نم هادئاً يا محمود…
فالأغاني التي خرجت من القلب، لا تعرف الرحيل.






#كيان

16/01/2026

بسم الله الرحمن الرحيم
مبادرة دعم وإسناد مدارس الصراف
الإبتدائية والمتوسطة
● لقد نبعت فكرة دعم وإسناد مدارس وتبلورت الفكرة إلى مبادرة ووجدت قبولآ وتفاعلآ كبيرآ من أبناء القريةبالداخل والخارج
وكما تعلمون جميعآ مقبل الأيام ستكون هنالك مراكز إمتحانات للشهادة الإبتدائية والمتوسطة وهذه المراكز تحتاج إلى تهيئة وإستضافة للضيوف القائمين بأمر الامتحانات والحمدلله لله رب العالمين والشكر لله ومن بعده لأبناء القرية الذين تبرعوا بأموالهم لإنجاح هذه المبادرةجزاهم الله خيرآ وان شاءالله في ميزان حسناتهم ولهم جزيل الشكر
● وختامآ نتمنى ان تستمر تلك المبادرات دعمآ وسندآ لهذه القرية والوقوف معها في جميع المحافل الخدمية






#كيان