WMC Al Khobar

19/06/2026

19/06/2026

Ashaji Tribute

16/06/2026

meeting #4

15/06/2026

meeting #10

14/06/2026

വേൾഡ് മലയാളി കൗൺസിൽ അൽ ഖോബാർ പ്രൊവിൻസ്
‘ആശാ ഭോസ്ലേ സ്മരണാഞ്ജലി’ സംഘടിപ്പിച്ചു

പ്രശസ്ത ഗായിക ആശാ ഭോസ്ലേയുടെ സ്മരണാർത്ഥം വേൾഡ് മലയാളി കൗൺസിൽ അൽ ഖോബാർ പ്രൊവിൻസ് ദമ്മാമിലെ തറവാട് റെസ്റ്റോറന്റ് ഹാളിൽ സ്മരണാഞ്ജലി പരിപാടി സംഘടിപ്പിച്ചു. “EK SHAAM ASHA KE NAAM” എന്ന പേരിൽ നടന്ന ഈ സംഗീതസന്ധ്യയിൽ ആശാജിയുടെ വിവിധ കാലഘട്ടങ്ങളിലെ ഗാനങ്ങൾ അവതരിപ്പിച്ചു.

പ്രവിശ്യയിലെ പ്രമുഖ ഗായകരും കലാകാരന്മാരും പങ്കെടുത്ത ഈ സന്ധ്യയിൽ ആശാജിയുടെ സിനിമകളിലെ നൃത്തങ്ങൾ ഉൾപ്പെടുത്തിക്കൊണ്ടുള്ള ഫ്യൂഷൻ ഡാൻസ് പരിപാടിക്ക് കൂടുതൽ മിഴിവേറി.

വേൾഡ് മലയാളി കൗൺസിൽ ഗ്ലോബൽ സെക്രട്ടറി ജനറലും ഗായകനുമായ മൂസക്കോയയുടെ നേതൃത്വത്തിൽ ദിവ്യ നവീൻ,അരുൺ നായർ, അനിലാ ദീപു, നീതു രാജേഷ്,സോഹിനി ദത്ത, നവ്യ വിനോദ്, അഭിഷേക് സത്യൻ, സൗമ്യ സജീവ്, ശ്രീലക്ഷ്മി മുരളി, സിദ്ധാർഥ് സത്യശീലൻ, നിമ്മിയ സിദ്ധാർഥ്, ദിനേശൻ എൻ.കെ., രാജി അശോക്, അശോക് കുമാർ എന്നിവർ ആശാ ഭോസ്ലേയുടെ പ്രശസ്ത ഗാനങ്ങളായ "ഇന് അംഖോന്കി മസ്തി മേം ,യെഹ് മേരാ ദിൽ യാർ കാ ദീവാന ,ജവാനി ജാനേ മൻ ,കജ്‌റാഹ് മുഹബ്ബത് വാല ,യെ രാതേ യെ മൗസം നദീ കാ കിനാരാ ,സ്വയംവര ശുഭദിന മംഗളങ്ങൾ ഉൾപ്പെടെ വിവിധ കാലഘട്ടത്തിൽ അനുഗ്രഹീത ഗായിക ഹിറ്റാക്കിയ അനശ്വര ഗാനങ്ങൾ പാടി “EK SHAAM ASHA KE NAAM” എന്ന സംഗീത സന്ധ്യ വ്യത്യസ്ഥതകൾ എന്നും പരീക്ഷിക്കുന്ന അൽ ഖോബാർ പ്രൊവിൻസിന്റെ കലാമികവിന്റെ ഒരു നേര്കാഴ്ചയായി .

ടീം ഫ്യൂഷൻ ഫ്ലാഷിൻ്റെ ആശാജി ഗാനങ്ങളെ ആസ്പദമാക്കി വിന്നി ജോണും സംഘവും അവതരിപ്പിച്ച നൃത്തം, നാട്യാഞ്ജലി നൃത്തകലാക്ഷേത്രയുടെ ഗ്രൂപ്പ് ഡാൻസ്, വിസ്മയ സജീഷിന്റെ സോളോ നൃത്തം, ശ്രീനികിത ദത്തയുടെ ഫ്യൂഷൻ ഫ്ലൂട്ട് എന്നിവയും പ്രേക്ഷക പ്രശംസ പിടിച്ചു പറ്റിയ പരിപാടികളായിരുന്നു.

അൽ ഖോബാർ പ്രൊവിൻസ് ജനറൽ സെക്രട്ടറി അഷ്‌റഫ് ആലുവ സ്വാഗതം ആശംസിച്ച ചടങ്ങിൽ പ്രൊവിൻസ് പ്രസിഡന്റ് ഷമീം കാട്ടാകട അധ്യക്ഷ പ്രസംഗം നടത്തി. സംഘടനയുടെ കലാ–സാംസ്കാരിക–സാമൂഹിക പ്രവർത്തനങ്ങളെ കുറിച്ച് അദ്ദേഹം വിശദീകരിച്ചു.

ചെയർമാൻ ഗുലാം ഫൈസൽ അൽ ഖോബാർ പ്രൊവിൻസിന്റെ പ്രവർത്തനങ്ങളും ലോക പരിസ്ഥിതി ദിനാഘോഷത്തിന്റെ പ്രസക്തിയും എന്ന വിഷയത്തിൽ സംസാരിച്ചു.

അൽ ഖോബാർ പ്രൊവിൻസ് വിമൻസ് കൗൺസിൽ ചെയർപേഴ്സൺ അർച്ചന അഭിഷേക്, മിഡിൽ ഈസ്റ്റ് വൈസ് പ്രസിഡന്റ് (ഓർഗനൈസേഷൻ) അഭിഷേക് സത്യൻ, വൈസ് ചെയർപേഴ്സൺ ഷംല നജീബ്, കിഡ്സ് ക്ലബ് ഭാരവാഹി രഞ്ജു രാജ്, വേൾഡ് മലയാളി കൗൺസിൽ ജുബൈൽ പ്രൊവിൻസ് പ്രസിഡന്റ് മുബാറക് ഷാജഹാൻ, ജുബൈൽ മലയാളി സമാജം പ്രസിഡന്റ് ബൈജു അഞ്ചൽ, എക്സിക്യൂട്ടീവ് അംഗം മുരളി ഊട്ടുകുളം എന്നിവർ ആശംസകൾ അർപ്പിച്ചു സംസാരിച്ചു.

വേൾഡ് മലയാളി കൗൺസിൽ ഗ്ലോബൽ വിമൻസ് കൗൺസിൽ ട്രഷറർ ജമീലാ ഹമീദ് ലോക പരിസ്ഥിതി ദിനത്തോടനുബന്ധിച്ച് പരിസ്ഥിതി ബോധവൽക്കരണ ക്ലാസ് നടത്തി.
സംഘടനയിൽ പുതിയതായി ചേർന്ന അംഗങ്ങൾക്ക് ഗ്ലോബൽ ഫോറം ചെയർമാൻ നജീബ് അരഞ്ഞിക്കൽ പ്രതിജ്ഞ ചൊല്ലി സംഘടനയിലേക്ക് സ്വാഗതം ചെയ്തു
പ്രസ്തുത ചടങ്ങിൽ മെഡിക്കൽ വിദ്യാഭ്യാസത്തിൽ ഉന്നത വിജയത്തോടെ ബിരുദധാരിയായ ഡോക്റ്റർ സംഗീത ആനന്ദിന് മൊമൻ്റൊ നൽകി സംഘടന ആദരിച്ചു. ഡോക്റ്റർ സംഗീതക്ക് വേണ്ടി പിതാവ് ആനന്ദ് പിഷാരടി ചെയർമാൻ ഗുലാം ഫൈസലിൽ നിന്ന് ഏറ്റുവാങ്ങി.വൈസ് ചെയർമാൻ നവാസ് സലാഹുദ്ദീൻ,വൈസ് പ്രസിഡൻ്റ് ദിനേശൻ എൻ.കെ,ജോയിൻ്റ് സെക്രട്ടറി ദിലീപ് കുമാർ,വിമൻസ് കൗൺസിൽ പ്രസിഡൻ്റ് അനുപമ ദിലീപ്,ട്രഷറർ ഷീജാ അജിം,ടോസ്സ് മാസ്‌റ്റേഴ്സ് ക്ലബ് പ്രസിഡൻ്റ് ഭാവനാ ദിനേശ് ,അശോക് കുമാർ എന്നിവർ പരിപാടികൾക്ക് നേതൃത്വം നൽകി.ജുബൈൽ പ്രൊവിൻസിനെ പ്രതിനിധീകരിച്ചു പ്രസിഡന്റ് മുബാറക് ഷാജഹാനും ,ട്രഷറർ ഹാരിസ് യു.വി. യും പങ്കെടുത്തു .

അൽ ഖോബാർ പ്രൊവിൻസ് ട്രഷറർ അജീം ജലാലുദീൻ പരിപാടിയിൽ പങ്കെടുത്ത കൗൺസിൽ കുടുംബങ്ങൾക്കും കലാകാരന്മാർക്കും നന്ദി അറിയിച്ചു.

അൽ ഖോബാർ പ്രൊവിൻസ് പ്രോഗ്രാം കൺവീനർ യാസ്സർ അറഫാത്തും അൽ ഖോബാർ പ്രൊവിൻസ് കുടുംബാംഗമായ മാൻവിക അഭിലാഷും
"EK SHAAM ASHA KE NAAM എന്ന ഗാനസന്ധ്യയുടെ മുഖ്യ അവതാരകരായിരുന്നു

13/06/2026

10/06/2026

World Malayalee Council - WMC WMC Middle East Region

10/06/2026

വേൾഡ് മലയാളി കൗൺസിൽ, അൽ ഖോബാർ പ്രൊവിൻസ് കിഡ്സ് ക്ലബ് സംഘടിപ്പിച്ച ഇൻഡസ്ട്രിയൽ വിസിറ്റ് ശ്രദ്ധേയമായി

ദമ്മാം: കുട്ടികൾക്ക് വിനോദത്തോടൊപ്പം വിജ്ഞാനവും പകർന്നു നൽകുക എന്ന ലക്ഷ്യത്തോടെ WMC കിഡ്സ് ക്ലബിന്റെ ആഭിമുഖ്യത്തിൽ സംഘടിപ്പിച്ച ഇൻഡസ്ട്രിയൽ വിസിറ്റ് ശ്രദ്ധേയമായി. കിഡ്സ് ക്ലബിന്റെ നേതൃത്വത്തിൽ സംഘടിപ്പിക്കുന്ന മൂന്നാമത്തെ ഇൻഡസ്ട്രിയൽ വിസിറ്റിനായി തിരഞ്ഞെടുത്തത് Dimah Tissue Factory ആയിരുന്നു. നമ്മുടെ ദൈനംദിന ജീവിതത്തിൽ ഒഴിച്ചുകൂടാനാവാത്ത ടിഷ്യു ഉൽപ്പന്നങ്ങളുടെ നിർമ്മാണ പ്രക്രിയ നേരിട്ട് കാണാനും മനസ്സിലാക്കാനും കുട്ടികൾക്ക് അവസരം ലഭിച്ചു. ടിഷ്യു നിർമ്മാണത്തിന്റെ വിവിധ ഘട്ടങ്ങൾ, അതിനായി ഉപയോഗിക്കുന്ന അസംസ്കൃത വസ്തുക്കൾ, ഉൽപ്പന്നങ്ങളുടെ ഗുണനിലവാര നിയന്ത്രണം, വിപണിയിലെത്തുന്നതിന് മുമ്പുള്ള തയ്യാറെടുപ്പുകൾ തുടങ്ങിയ വിഷയങ്ങളിൽ ഫാക്ടറി അധികൃതർ വിശദമായ അവതരണം നടത്തി.

പാഠപുസ്തകങ്ങളിൽ നിന്ന് ലഭിക്കുന്ന അറിവുകൾക്കപ്പുറം വ്യവസായ മേഖലയെ അടുത്തറിയാനും ഉൽപ്പാദന പ്രക്രിയകളെക്കുറിച്ച് പ്രായോഗിക ധാരണ നേടാനും ഈ സന്ദർശനം കുട്ടികൾക്ക് സഹായകമായി. കുട്ടികളിൽ നിന്നും രക്ഷിതാക്കളിൽ നിന്നും ലഭിച്ച മികച്ച പ്രതികരണം പരിപാടിയുടെ വിജയത്തിന് അടിവരയിടുന്നതായിരുന്നു. ഭാവിയിലും ഇത്തരത്തിലുള്ള വിജ്ഞാനപ്രദവും മാതൃകാപരവുമായ പദ്ധതികൾ സംഘടിപ്പിക്കണമെന്ന ആവശ്യം കുട്ടികളും രക്ഷകർത്താക്കളും മുന്നോട്ടുവച്ചു.

WMC പ്രസിഡന്റ് ഷമീം കാട്ടാക്കട, ജനറൽ സെക്രട്ടറി അഷ്റഫ് ആലുവ, ട്രഷറർ അജീം, കിഡ്സ് ക്ലബ് കോർഡിനേറ്റർമാരായ രഞ്ജുരാജ്, അശോക് കുമാർ, WMC ബിസിനസ്സ് ഫോറം ചെയർമാൻ CK ഷഫീക്ക്, WMC ഗ്ലോബൽ വുമൺസ് കൗൺസിൽ ട്രഷറർ ജമീല ഗുലാം, WMC വുമൺസ് കൗൺസിൽ ട്രഷറർ ഷീജ അജീം, WMC വുമൺസ് കൗൺസിൽ എക്സിക്യൂട്ടീവ് അംഗങ്ങളായ റീജ അഷ്റഫ്, സജിത ഷഫീക്ക് , ഷെറി ഷമീം എന്നിവർ പരിപാടിക്ക് നേതൃത്വം നൽകി.

ഇൻഡസ്ട്രിയൽ വിസിറ്റിന്റെ വിജയത്തിനായി എല്ലാ സൗകര്യങ്ങളും ഒരുക്കി സഹകരിച്ച Dimah Tissue Management-നും ജീവനക്കാർക്കും WMC ഭാരവാഹികൾ നന്ദി രേഖപ്പെടുത്തി. വിദ്യാഭ്യാസപരവും അനുഭവസമ്പന്നവുമായ ഈ സന്ദർശനം കുട്ടികൾക്ക് പുതിയ അറിവുകളും പ്രചോദനവും സമ്മാനിച്ചുവെന്ന് സംഘാടകർ അറിയിച്ചു.

09/06/2026