Mizero Care Organization

Mizero Care Organization MoC VISION IS TRANSFORMING YOUTH INTO THE BEACON OF WELL BEING IN THE WORLD. Helps People to move from isolation

Iréné Mizero umuyobozi wa Mizero Care Organization mu biganiro bafatanya na Minubumwe - Ministry of National Unity and ...
20/10/2025

Iréné Mizero umuyobozi wa Mizero Care Organization mu biganiro bafatanya na Minubumwe - Ministry of National Unity and Civic Engagement yasabye abasoje igihano bo mu karere ka Gasabo District mu murenge wa na kwishimira intambwe bagezeho yo gusubizwa mu buzima busanzwe ndetse abaha ihumure ryuko kuba umuntu yababara bitavuze guheranwa n'ibibazo ahubwo ko agera aho agakira.

Yababwiye ko iyo basoje ibihano Igihugu kiba kibitezeho umusaruro wo gukomeza kwiteza imbere no kubana n'abandi mu mahoro.

Mu gusoza ibiganiro bimaze iminsi bikorwa na Mizero Care Organization ku bufatanye na Minubumwe - Ministry of National U...
20/10/2025

Mu gusoza ibiganiro bimaze iminsi bikorwa na Mizero Care Organization ku bufatanye na Minubumwe - Ministry of National Unity and Civic Engagement bijyanye no gusubiza mu buzima busanzwe abarangije ibihano ku cyaha cya Jenoside, uyumunsi muri Gicumbi District hahujwe abo mu Mirenge ya Mutete na Muko bahagarariye abarokotse Jenoside (IBUKA) n'abarangije ibihano, aho Iréné Mizero yashimiye ubuyobozi bw'Akarere n'umuyobozi wa Ibuka mu Karere. Anibutsa abarangije ibihano ko badakwiriye kwikanga ngo batekerezo ubuzima bagarutsemo bushobora kubatera gukora isubiracyaha cyangwa kubabihira bitewe n'imbogamizi bahura nazo zirimo gusanga imitungo yakoreshejwe nabi bituma umuntu asa nk'utangiye ubuzima bundi bushya, ahubwo ko bagomba guhobera ubuzima no kubibona nk'icyizere cyo kongera kwishima no gukora biteza imbere bakoresheje ubumenyi bw'imyuga bahawe bakiri mu magororero.

Baganirijwe ku gusubiza mu buzima busanzwe abarangije ibihano, ku by'amategeko no ku buzima bwo mu mutwe ndetse nabo baboneraho gushima ibiganiro bahawe banizeza kurushaho gushyira mu bikorwa ibyo bungutse.

On this , Mizero Care Organization celebrates lives transformed through our therapy, awareness, community healing & so...
10/10/2025

On this , Mizero Care Organization celebrates lives transformed through our therapy, awareness, community healing & social cohesion programs.🌱

We're thankful to our partners. Together, we build a that cares for the well-being & resilience of our society.🌍✨

Kamonyi District , Minubumwe - Ministry of National Unity and Civic Engagement ku bufatanye na Mizero Care Organizatio...
10/10/2025

Kamonyi District , Minubumwe - Ministry of National Unity and Civic Engagement ku bufatanye na Mizero Care Organization binyuze muri gahunda yo gusubiza mu buzima busanzwe abasoje ibihano, batanze ibiganiro ku bantu bagera kuri 487 barimo abahagarariye abarokotse Jenoside hamwe n'abasoje ibihano ku cyaha cya Jenoside ku bijyanye n'ubufasha mu mategeko, ubuzima bwo mutwe no kububungabunga.

Abitabiriye basobanuriwe ko ibyaha birimo gushishikariza undi gukora Jenoside, kuyihakana, kuyipfobya, kuyihesha ishingiro no guhisha ibimenyetso bihanwa n'amategeko bityo ko buri Munyarwanda akwiriye kubirwanya no kubyirinda.

Bashimiye ko amasomo bahawe abafashije kurushaho gusobanukirwa uruhare rwabo mu gukomeza kwiyubaka no kubaka Igihugu ndetse banasezeranya gusangiza abandi ibyo bungutse.

Mizero Care Organization ku bufatanye na Minubumwe - Ministry of National Unity and Civic Engagement mu gusoza ubukangu...
25/08/2025

Mizero Care Organization ku bufatanye na Minubumwe - Ministry of National Unity and Civic Engagement mu gusoza ubukangurambaga bwibandaga ku bijyanye n'ubuzima bwo mu mutwe n'uko bwabungabungwa NISHIMWE Marthe na UWASE Queen Nelly basobanuriye intore ziri mu biruhuko muri Gasabo District , ubudaheranwa icyo ari cyo nuko umuntu yabugeraho mu kwirinda ihererekanya ry’ibikomere bituruka ku ngaruka za Jenoside yakorewe Abatutsi mu 1994.

Intore zitabiriye zafashe icyemezo cyo kwita ku buzima bwo mu mutwe baganiriza ababyeyi, inshuti cyangwa umuganga igihe bibonyeho ibimenyetso kuko basanze kwiyitaho kare bizabafasha mu gutegura ejo hazaza habo heza.

Ikipe mu bitego yatsinze neza ibibazo byabajijwe na muganga nyuma y'ikiganiro yari amaze kubagezaho yahembwe umupira w'amaguru bazajya bakinana n'abandi.

Muganga w'isanamitima akaba n'umukozi ushinzwe umushinga w'Ubumwe n'Ubudaheranwa wa Minubumwe - Ministry of National Uni...
23/08/2025

Muganga w'isanamitima akaba n'umukozi ushinzwe umushinga w'Ubumwe n'Ubudaheranwa wa Minubumwe - Ministry of National Unity and Civic Engagement ushyirwa mu bikorwa n'Umuryango Mizero Care Organization, INGABIRE Denise, ubwo yaganirizaga intore ziri mu biruhuko zo mu karere ka Kamonyi District ku wa Gatatu, tariki 20 Kanama 2025 yabasabye kutajijinganya ku gushaka ubufasha igihe bibonyeho ibimenyetso by'indwara zo mu mutwe birimo agahinda gakabije n'ihungabana bituruka ku ihererekanya ry'ibikomere bifitwe n'Abanyarwanda byatewe n'ingaruka za Jenoside yakorewe Abatutsi mu 1994.

Abitabiriye, buri wese yiyemeje kuba ijisho rya mugenzi we mu kurinda no kubungabunga ubuzima bwo mu mutwe bw'umuntu ku giti cye, ku bo babana no ku bo baturanye.

Ku bufatanye na Minubumwe - Ministry of National Unity and Civic Engagement , itsinda riturutse muri Mizero Care Organ...
21/08/2025

Ku bufatanye na Minubumwe - Ministry of National Unity and Civic Engagement , itsinda riturutse muri Mizero Care Organization ririmo abaganga b'isanamitima n'uvura indwara zo mu mutwe ryaganirije intore ziri mu biruhuko n'ababyeyi babo muri Gicumbi District ku buzima n'indwara zo mu mutwe, ibimenyetso n'ingaruka zabyo n'uburyo babubungabungamo.

Abitabiriye ibiganiro bibukijwe akamaro ko kubwira abana amagambo meza nka n'ayandi, ko bituma umwana ahitamo kudaheranwa n'ibibazo afite, akiyubaka, kandi ko ubuzima bwo mu mutwe bw'umwana bwubakwa cyangwa bukangirika bigizwemo uruhare n'imyitwarire myiza cyangwa mibi y'abamurera.

Mu gusoza ibiganiro Mizero Care Organization (MoC) yatangaga mu turere, ku bufatanye na Minubumwe - Ministry of Nation...
18/08/2025

Mu gusoza ibiganiro Mizero Care Organization (MoC) yatangaga mu turere, ku bufatanye na Minubumwe - Ministry of National Unity and Civic Engagement , twasuye itsinda ry'Abunzubumwe mu murenge wa , ryashyizweho n'Ubuntu Center for PEACE (UCP) hagamijwe kureba umusaruro waryo mu mibereho y'abarigize.

Mu biganiro twagiranye, muganga w'isanamitima muri MoC, INGABIRE yashimye intambwe bagezeho kuko basobanukiwe ibimenyetso by'indwara zo mu mutwe zirimo ihungabana abasaba kwiyitaho no kwita ku miryango yabo, kutirara ko ahubwo bigomba kubabera imbarutso yo kujya bikorera isuzuma ry'ubuzima bwabo ku giti cyabo no gufasha undi wese wagaragaraza ibyo bimenyetso.

Mu biganiro Mizero Care Organization igirira mu turere ikoreramo ku bufatanye na Minubumwe - Ministry of National Unity...
16/08/2025

Mu biganiro Mizero Care Organization igirira mu turere ikoreramo ku bufatanye na Minubumwe - Ministry of National Unity and Civic Engagement basuye amatsinda y'ubumwe n'ubudaheranwa ya , akarere ka Gasabo District.

Abitabiriye ibiganiro bashishikarijwe kwita ku bimenyetso by'indwara zo mu mutwe zirimo ihungabana kuko uwarigize arangwa no guhindagurika kw'imyitwarire n'imyifatire, bigatuma adashobora kwita kubyo akora.

Banasabwa gukomeza kwikorera isuzuma ku buzima bwabo bwo mu mutwe ariko kandi bakanaba ijisho rya buri wese wagaragaza ibimenyetso mpuruza by'ihungabana, bakihutira kumufasha bashingiye ku masomo bungukiye mu biganiro.

Ku bufatanye na Minubumwe - Ministry of National Unity and Civic Engagement Mizero Care Organization n’abayobozi bo mu...
14/08/2025

Ku bufatanye na Minubumwe - Ministry of National Unity and Civic Engagement Mizero Care Organization n’abayobozi bo mu mu tugari twa Nyambare na Nyaruka mu Karere ka Gicumbi District bari basuye amatsinda 10 y'ubumwe n'ubudaheranwa mu kureba impinduka azana mu mibereho y'abayagize.

Muganga w'isanamitima, Ingabire Denise ubwo yaganirizaga abaturage bo mu karere ka Gicumbi, yifashishije umugani ugira uti "Ushaka gukira indwara arayirata" mu kubibutsa ko gushaka ubufasha igihe waba wibonyeho ibimenyetso by'indwara zo mu mutwe atari ubugwari.
Nyuma yo kuganirizwa ku buzima bwo mu mutwe, ibimenyetso by'indwara zo mu mutwe nuko bakwitwara mu gihe bahuye n'ikibazo nk'iki, abitabiriye bashimiye muganga kubw'inyigisho abahaye ko bagiye kujya bazifashisha bikorera isuzuma ry'ubuzima bwabo nuko bazajya bafasha abandi.

Mu gihe twibuka Jenoside yakorewe Abatutsi mu 1994 mu Rwanda, Umuryango Mizero Care Organization turihanganisha kandi ...
07/04/2025

Mu gihe twibuka Jenoside yakorewe Abatutsi mu 1994 mu Rwanda, Umuryango Mizero Care Organization turihanganisha kandi dufashe mu mugongo Abayirokotse.

Ntibizongere ukundi.

Twibuke Twiyubaka.

Address

Remera/Kigali
Kigali
C/O:ADEPRREMERA6859

Telephone

+250 788293699

Website

Alerts

Be the first to know and let us send you an email when Mizero Care Organization posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Mizero Care Organization:

Shortcuts

Share

Category