Children Empowerment Network

30/06/2026

26/06/2026

"𝑵𝒂𝒓𝒊 𝒏𝒔𝒂𝒏𝒛𝒘𝒆 𝒏𝒔𝒉𝒂𝒌𝒂 𝒈𝒖𝒇𝒂𝒔𝒉𝒂 𝒂𝒃𝒂𝒏𝒂, 𝒂𝒓𝒊𝒌𝒐 𝒏𝒌𝒊𝒓𝒊 𝒋𝒚𝒆𝒏𝒚𝒊𝒏𝒆. 𝑴𝒖𝒓𝒊 𝑹𝒆𝒏𝒈𝒆𝒓𝒂 𝑼𝒎𝒘𝒂𝒏𝒂 𝑪𝒍𝒖𝒃 𝒏𝒂𝒉𝒂𝒔𝒂𝒏𝒛𝒆 𝒂𝒃𝒂𝒏𝒅𝒊 𝒅𝒖𝒉𝒖𝒋𝒆 𝒏𝒕𝒆𝒈𝒐." - NDABANANIYE Erneste

Mu myaka hafi itatu amaze ari umunyamuryango wa 𝐂𝐡𝐢𝐥𝐝𝐫𝐞𝐧 𝐄𝐦𝐩𝐨𝐰𝐞𝐫𝐦𝐞𝐧𝐭 𝐍𝐞𝐭𝐰𝐨𝐫𝐤 (𝐂𝐄𝐍) – 𝐑𝐞𝐧𝐠𝐞𝐫𝐚 𝐔𝐦𝐰𝐚𝐧𝐚 𝐂𝐥𝐮𝐛, NDABANANIYE Erneste avuga ko uyu muryango wamufashije gukomeza intego yari asanzwe afite yo gufasha abana no gukorera hamwe n'abandi bahuje iyo ntego.

Mbere yo kwimukira i Muhanga, Erneste yari asanzwe afasha abana bamwe bo mu gace yari atuyemo mu Karere ka Rusizi. Nyuma yo kumenya ibikorwa bya Rengera Umwana Club, yasanze hari abandi benshi bafite ubushake bwo kurengera abana no guteza imbere uburenganzira bwabo.

Yagize ati:

"𝘕𝘢𝘩𝘢𝘣𝘰𝘯𝘺𝘦 𝘢𝘣𝘢𝘯𝘵𝘶 𝘣𝘢𝘬𝘶𝘯𝘥𝘢 𝘢𝘣𝘢𝘯𝘢 𝘬𝘢𝘯𝘥𝘪 𝘣𝘢𝘣𝘢𝘧𝘢𝘴𝘩𝘢 𝘯𝘵𝘢 𝘯𝘺𝘶𝘯𝘨𝘶 𝘣𝘢𝘵𝘦𝘨𝘦𝘳𝘦𝘫𝘦. 𝘉𝘺𝘢𝘯𝘺𝘦𝘳𝘦𝘵𝘴𝘦 𝘬𝘰 𝘩𝘢𝘳𝘪 𝘢𝘣𝘢𝘯𝘵𝘶 𝘣𝘦𝘯𝘴𝘩𝘪 𝘣𝘪𝘵𝘢𝘯𝘨𝘢 𝘬𝘶𝘨𝘪𝘳𝘢 𝘯𝘨𝘰 𝘢𝘣𝘢𝘯𝘢 𝘣𝘢𝘣𝘰𝘯𝘦 𝘢𝘮𝘢𝘩𝘪𝘳𝘸𝘦 𝘺𝘰 𝘨𝘶𝘬𝘶𝘳𝘢 𝘯𝘦𝘻𝘢 𝘯𝘰 𝘬𝘸𝘪𝘨𝘢."

Yongeyeho ko kuba muri uyu muryango byamufashije kongera ubumenyi mu gukorana n'abandi, gutegura ibikorwa by'abaturage no kugira uruhare mu bikorwa byo kurengera abana.

📌 𝐂𝐡𝐢𝐥𝐝𝐫𝐞𝐧 𝐄𝐦𝐩𝐨𝐰𝐞𝐫𝐦𝐞𝐧𝐭 𝐍𝐞𝐭𝐰𝐨𝐫𝐤 (𝐂𝐄𝐍) – 𝐑𝐞𝐧𝐠𝐞𝐫𝐚 𝐔𝐦𝐰𝐚𝐧𝐚 𝐂𝐥𝐮𝐛, yashinzwe mu 2018, ikora ibikorwa birimo kurengera uburenganzira bw'umwana, kwigisha uburere buboneye, gufasha abana gukomeza amashuri, gutanga SafePads ku bana b'abakobwa bafite ubushobozi buke, guteza imbere siporo n'ubukorerabushake, kwita ku bidukikije ndetse no gukangurira abaturage kugira uruhare mu kurengera abana.

"𝘎𝘶𝘧𝘢𝘴𝘩𝘢 𝘯𝘵𝘪𝘣𝘪𝘴𝘢𝘣𝘢 𝘬𝘶𝘣𝘢 𝘶𝘧𝘪𝘵𝘦 𝘣𝘺𝘪𝘯𝘴𝘩𝘪; 𝘯'𝘪𝘨𝘪𝘩𝘦 𝘤𝘺𝘢𝘸𝘦 𝘤𝘺𝘢𝘯𝘨𝘸𝘢 𝘶𝘣𝘶𝘮𝘦𝘯𝘺𝘪 𝘣𝘸𝘢𝘸𝘦 𝘣𝘪𝘴𝘩𝘰𝘣𝘰𝘳𝘢 𝘬𝘶𝘨𝘪𝘳𝘢 𝘶𝘳𝘶𝘩𝘢𝘳𝘦 𝘮𝘶 𝘣𝘶𝘻𝘪𝘮𝘢 𝘣𝘸'𝘶𝘮𝘸𝘢𝘯𝘢." -NDABANANIYE Erneste

08/04/2026

Muri iki gihe cyo kwibuka ku nshuro ya 32 Jenoside yakorewe Abatutsi mu 1994, twifatanyije n’Abanyarwanda bose mu kuzirikana amateka yacu, guha icyubahiro abazize Jenoside, no gukomeza guharanira ubumwe n’ubudaheranwa by’Abanyarwanda. Twibuka twiyubaka, twiyemeza kurera abana bacu mu ndangagaciro z’urukundo, kubahana n’amahoro, kugira ngo amateka mabi atazongera kubaho ukundi.

23/03/2026

Deborah, umaze imyaka igera kuri 3 ari umunyamuryango wa Children Empowerment Network – Rengera Umwana , ukorera ibikorwa byawo mu Karere ka Muhanga, Umurenge wa Shogwe, Akagari ka Ruli, avuga ko afite impamvu ikomeye imutera kwitangira no gufasha abana, cyane cyane abaturuka mu miryango ikennye.
Mu kiganiro twagiranye yagize ati: “Nari narabuze abo twafatanya ngo nanjye ntange umusanzu mu kwita ku bana, cyane cyane abakennye. Nishimiye kuba narabonye abo dufatanya.”
Akomeza avuga ko nubwo umusanzu we utaragera ku rwego yifuza, afite icyizere ko azakomeza gutanga umusanzu ugaragara, by’umwihariko abifashijwemo n’Imana. Yagize ati: “Nizera ko nzagira icyo nkorera abana baturuka mu miryango ikennye, kuko abana ni bo Rwanda rw’ejo. Kubitaho ni ukwiteganyiriza ejo hazaza.”
Deborah anashimangira ko gufasha abandi bitanga umugisha, kandi ko bituma umuntu yumva yuzuye iyo hari uwo afashije.
Umuryango Children Empowerment Network – Rengera Umwana, umaze imyaka igera ku 8 ufasha abana baturuka mu miryango ikennye, ubu ufasha abagera kuri 30 kubona ibikoresho by’ishuri ndetse n’ifunguro ku ishuri (school feeding). Muri bo, abana 26 b**a mu mashuri abanza, mu gihe abandi 4 b**a mu mashuri yisumbuye.
Iki gikorwa gikomeje kugira uruhare rukomeye mu guteza imbere uburezi n’imibereho myiza y’abana bo muri aka gace, kibafasha gukomeza amasomo no kubaha amahirwe yo kubaka ejo hazaza habo heza.

07/01/2026

Tariki ya 28 Ukuboza 2025, umuryango Children Empowerment Network- Rengera Umwana Club wasangiye Noheli n’abana baturuka mu miryango ikennye, mu gikorwa cyaranzwe n’urukundo, ubumwe n’ibyishimo by’iminsi mikuru.
Iki gikorwa cyateguwe hagamijwe gusangiza abana ibyishimo bya Noheli, kubereka ko bitabwaho kandi ko bafite agaciro nk’abandi bose. Abana bahawe amafunguro ya Noheli, impano zitandukanye ndetse n’ubutumwa bw’ihumure n’icyizere cy’ejo hazaza heza.
Mu kiganiro bagiranye n’abo bana, abagize Rengera Umwana Club bibukije abana uburenganzira bwabo, akamaro ko kwiga, kwirinda ihohoterwa no gukura bafite icyizere n’indangagaciro nziza. Bashimangiye ko Noheli atari ugusangira amafunguro gusa, ahubwo ari umwanya wo gusangira urukundo, imbabazi n’ubuvandimwe.
Abayobozi ba Rengera Umwana Club bagaragaje ko kurengera umwana ari inshingano ya buri wese, bityo ko ibikorwa nk’ibi b**amije gufasha abana baturuka mu miryango ikennye kumva ko bari mu muryango mugari ubitaho. Bashimiye abafatanyabikorwa n’abagiraneza bose bagize uruhare mu gutuma iki gikorwa gikorwa neza.
Abana bitabiriye iki gikorwa bagaragaje ibyishimo n’ishimwe, bavuga ko basangiye Noheli mu munezero udasanzwe, bibatera imbaraga zo gukomeza kwiga no kurota ejo hazaza heza.
Iki gikorwa cyongeye kugaragaza ko Children Empowerment Network – Rengera Umwana Club ikomeje gushyira umwana ku isonga, imwifuriza Noheli nziza n’ejo hazaza hizewe.