20/01/2026
Сёння ў Варшаве Аляксей Грахоўскі разам з кіраўніцтвам стыпендыяльнай праграмы імя Кастуся Каліноўскага, дырэктарам праграмы Янам Маліцкім і былым Генеральным консулам Польшчы ў Гродне, каардынатарам праграмы Яраславам Ксёнжкам, сустрэліся з кіраўніцай Канферэнцыі рэктараў польскіх акадэмічных школ (KRASP) і Рэктаркай Універсітэта імя Адама Міцкевіча Багумілай Канеўскай.
☝️ Падчас сустрэчы абмеркавалі пытанні падтрымкі беларускіх рэпрэсаваных студэнтаў_ак, а таксама магчымасць поўнага вызвалення стыпендыстаў_ак праграмы ад аплаты за навучанне ва ўсіх дзяржаўных універсітэтах Польшчы.
❗ Важна адзначыць, што да зменаў у заканадаўстве ў 2018 годзе стыпендысты_кі праграмы трактаваліся як польскія студэнты_кі і былі аўтаматычна вызваленыя ад аплаты за навучанне. Пасля 2018 года і да сённяшняга дня кожны ўніверсітэт самастойна вырашае, ці вызваляць стыпендыстаў_ак ад аплаты.
🔥 Рэктарка падтрымала ініцыятыву і паабяцала прадставіць яе на форуме KRASP, а таксама перад Міністэрствам вышэйшай адукацыі Польшчы, і адвакатаваць прыняцце новых рэкамендацый для ўніверсітэтаў.
🫶 Мы застаёмся ў сталым кантакце з KRASP і бюро праграмы і будзем рабіць усё магчымае, каб стыпендысты_кі праграмы маглі бескаштоўна навучацца там, дзе захочуць!
Chcemy serdecznie podziękować Jej Magnificencji Rektor Bogumile Kaniewskiej, Panu Dyrektorowi Janowi Malickiemu oraz Panu Konsulowi Jarosławowi Książkowi za to spotkanie, a także za wsparcie dla białoruskich studentów!
Таксама вялікі дзякуй нашым сябрам з моладзевых арганізацый палітычных партый , маладым хрысціянскім дэмакратам, моладзі АГП, Разам і Руху за свабоду, а таксама за супрацу ў падрыхтоўцы і прасоўванні нашай сумеснай ініцыятывы!
Сачыце за навінамі!
