Olding Development Foundation Skardu

06/09/2026

🇵🇰 چھے ستمبر — یومِ دفاعِ پاکستان🇵🇰

شہداء اور غازیوں کو سلام، جن کی قربانیوں نے وطن کی حفاظت اور سربلندی کو یقینی بنایا۔
پاکستان ہمیشہ قائم و دائم رہے۔ 💚🇵🇰

منجانب: الڈینگ ڈویلپمنٹ فاؤنڈیشن (ODF) سکردو

03/09/2026

فخرِ الڈینگ — ایک اور روشن ستارہ! ✨🎓
ماشاءاللہ! الحمدللہ!
الڈینگ کی مٹی نے ایک اور ہونہار سپوت کو علمی کامیابی کی بلندیوں تک پہنچا دیا۔ 🌟
الڈینگ ڈویلپمنٹ فاؤنڈیشن (ODF) کی جانب سے ڈاکٹر ذکاوت علی، فرزندِ کانبی گمبہ گرونگ، الڈینگ کو Institute of Process Engineering, Chinese Academy of Sciences سے:
🎓 PhD in Environmental Engineering
کی ڈگری شاندار کامیابی کے ساتھ مکمل کرنے پر دل کی گہرائیوں سے مبارکباد پیش کرتے ہیں۔ 💐
یہ شاندار کامیابی صرف ڈاکٹر ذکاوت علی کے لیے نہیں بلکہ پورے الڈینگ، علاقے اور قوم کے لیے باعثِ فخر و اعزاز ہے۔ 🇵🇰✨
آپ کی کامیابی ہمارے نوجوانوں کے لیے ایک روشن مثال ہے کہ محنت، علم، عزم اور مسلسل جدوجہد کے ذریعے دنیا کے کسی بھی میدان میں اپنا مقام بنایا جا سکتا ہے۔
🌍🎓 ہمیں یہ جان کر بھی بے حد خوشی اور فخر ہے کہ ڈاکٹر ذکاوت علی اپنے علمی سفر کو مزید آگے بڑھاتے ہوئے Shenzhen Institute of Advanced Technology میں Postdoctoral Research کا آغاز کر رہے ہیں۔
🌟 فخرِ الڈینگ! فخرِ قوم!
دعا ہے کہ اللہ تعالیٰ آپ کے علم و عمل میں برکت عطا فرمائے، آپ کی محنتوں کو شرفِ قبولیت بخشے اور آنے والے علمی و عملی سفر میں مزید کامیابیاں، عزت اور سربلندی عطا فرمائے۔
آمین یا رب العالمین 🤲✨
منجانب:
🌿 الڈینگ ڈویلپمنٹ فاؤنڈیشن (ODF)
Empowering Community • Building Future

21/08/2026

18/08/2026

میراج فاطمہ بنت محمد عباس (گونپہ الڈینگ) نے اپنی غیر معمولی محنت اور قابلیت کی بنیاد پر پاکستان کے مایہ ناز تعلیمی ادارے لمس (LUMS) میں مینجمنٹ سائنسز (Management Sciences) کے شعبے میں فُل اسکالرشپ (Full Scholarship) پر داخلہ حاصل کر لیا ہے۔
​یہ نہ صرف ان کے والدین اور خاندان کے لیے اعزاز کی بات ہے، بلکہ پورے علاقے کے نوجوانوں کے لیے ایک بہترین مثال ہے۔
​🌹 ہم میراج فاطمہ اور ان کے تمام اہل خانہ کو اس عظیم کامیابی پر دل کی گہرائیوں سے مبارک باد پیش کرتے ہیں۔ 🌹🤲
​

18/08/2026

🎓Congratulations 🌹
سید محمد حسین ولد سید اظہر حسن عرف آغا عون کو
Quaid-i-Azam University, Islamabad
میں داخلہ ملنے پر دل کی گہرائیوں سے مبارکباد پیش کرتے ہیں۔
یہ کامیابی ان کی محنت، لگن اور والدین کی دعاؤں کا ثمر ہے۔ دعا ہے کہ اللہ تعالیٰ سید محمد حسین کو علم و عمل میں مزید کامیابیاں عطا فرمائے، ان کے مستقبل کو روشن فرمائے اور ہر قدم پر کامیابی نصیب کرے۔ آمین 🤲

Best Wishes for a Bright & Successful Future! 🌟

منجانب: الڈینگ ڈیولپمنٹ فاؤنڈیشن سکردو

17/08/2026

الڈینگ ڈویلپمنٹ فاؤنڈیشن سکردو کا یومِ تاسیس کی پروقار تقریب کا انعقاد

سکردو: الڈینگ ڈویلپمنٹ فاؤنڈیشن (ODF) کے پانچ سال مکمل ہونے پر یومِ تاسیس کی پروقار تقریب کا انعقاد کیا گیا، جس میں آغا مصطفیٰ شاہ صاحب نے بطور مہمانِ خصوصی شرکت کی۔ تقریب میں فاؤنڈیشن کی پانچ سالہ تعلیمی، تربیتی اور سماجی خدمات کو اجاگر کیا گیا۔

مہمانِ خصوصی آغا مصطفیٰ شاہ صاحب نے الڈینگ ڈویلپمنٹ فاؤنڈیشن کی گزشتہ پانچ سالہ کارکردگی کو سراہتے ہوئے فاؤنڈیشن کے منتظمین اور اراکین کو یومِ تاسیس کی مبارکباد پیش کی۔ انہوں نے تعلیم کے فروغ کے ساتھ ساتھ تربیتی اور عملی صلاحیتوں کی نشوونما کے لیے پروگرامز کے انعقاد پر بھی خصوصی زور دیا اور اس امر کی ضرورت پر روشنی ڈالی کہ نوجوان نسل کو تعلیم کے ساتھ جدید مہارتوں اور مثبت تربیت کے مواقع بھی فراہم کیے جائیں۔

تقریب کے آغاز میں ODF کے سینئر ممبر ڈاکٹر وجاہت نے خطبۂ استقبالیہ پیش کیا۔ انہوں نے مہمانِ خصوصی، معزز شخصیات اور شرکائے تقریب کو خوش آمدید کہتے ہوئے الڈینگ ڈویلپمنٹ فاؤنڈیشن کے قیام کے بنیادی مقاصد اور وژن پر روشنی ڈالی۔ انہوں نے ODF کی جانب سے تعلیم، ہنر، نوجوانوں اور کمیونٹی کی فلاح و بہبود کے لیے جاری اقدامات کو تفصیل سے بیان کیا۔

اس موقع پر ODF کے جنرل سیکریٹری اطہر علی نے فاؤنڈیشن کی پانچ سالہ کارکردگی اور سرگرمیوں کی رپورٹ پیش کی، جس میں مختلف تعلیمی و تربیتی پروگرامز، ونٹر اور سمر کیمپس، ڈیجیٹل اسکلز ٹریننگ، نوجوانوں کے لیے مختلف سرگرمیوں، خواتین کی تربیت، کیریئر کونسلنگ، بزمِ ادب اور دیگر سماجی و کمیونٹی اقدامات پر روشنی ڈالی گئی۔

مقررین نے اس عزم کا اظہار کیا کہ الڈینگ ڈویلپمنٹ فاؤنڈیشن مستقبل میں بھی نوجوانوں اور طلبہ و طالبات کو جدید تعلیم، فنی و ڈیجیٹل مہارتوں اور تربیتی مواقع فراہم کرنے کے ساتھ ساتھ معاشرے کی فلاح و ترقی کے لیے اپنا کردار جاری رکھے گی۔

تقریب کے اختتام پر یومِ تاسیس کی خوشی میں کیک کاٹا گیا اور فاؤنڈیشن کے پانچ سالہ سفر کو سراہتے ہوئے مستقبل میں اس کے دائرۂ کار کو مزید وسعت دینے کے عزم کا اظہار کیا گیا۔

15/08/2026

✨ دعوت نامہ ✨

*یومِ تاسیس — 5 سالہ سفر کی تکمیل*

الڈینگ ڈویلپمنٹ فاؤنڈیشن (ODF) سکردو

الحمدللہ رب العالمین!

الڈینگ ڈویلپمنٹ فاؤنڈیشن (ODF) اپنے قیام کے پانچ کامیاب سال مکمل کر رہی ہے۔ اس موقع پر ایک پروقار یومِ تاسیس تقریب کا انعقاد کیا جا رہا ہے، جس میں گزشتہ پانچ سالوں کے دوران فاؤنڈیشن کی تعلیمی، سماجی، فنی، نوجوانوں اور کمیونٹی ڈویلپمنٹ کے لیے کی جانے والی سرگرمیوں اور خدمات کا جائزہ پیش کیا جائے گا۔

تقریب میں ODF کے مستقبل کے منصوبوں، اہداف اور وژن پر بھی روشنی ڈالی جائے گی، تاکہ آنے والے سالوں میں علاقے کے طلبہ، نوجوانوں، خواتین اور کمیونٹی کے لیے مزید مؤثر اقدامات کیے جا سکیں۔

📅 پروگرام

دن: اتوار، 16 اگست 2026
⏰ وقت: شام 4:00 بجے
📍 مقام: Kumail Mosque، گمبہ گرونگ، الڈینگ

*آپ کی معزز شرکت ہمارے لیے باعثِ مسرت و اعزاز ہوگی۔*

🌱 پانچ سالہ سفر — خدمت، تعلیم اور ترقی کا عزم

منجانب:
*الڈینگ ڈویلپمنٹ فاؤنڈیشن (ODF) سکردو*

14/08/2026

Happy Independence Day 🫡🎊🎆🎁

10/08/2026

پھیالونگ واٹر ڈائیورژن پراجیکٹ کی تکمیل پر علامہ باقر الحسینی صاحب اور ان کی ٹیم کو تہہ دل سے مبارکباد پیش کرتے ہیں ۔
الڈینگ ڈیولپمنٹ فاؤنڈیشن سکردو

31/07/2026

سمر کیمپ 2026 کے طلبہ جدید ٹیکنالوجی اور AI Tools سیکھ رہے ہیں۔ زیرِ نظر ویڈیو بھی ہمارے طلبہ نے خود تیار کی ہے، جو ان کی تخلیقی صلاحیتوں اور سیکھنے کے جذبے کی عکاسی کرتی ہے۔ یہ تو ابھی شروعات ہے، آگے بہت کچھ سیکھنا اور تخلیق کرنا باقی ہے!

✨ ODF Summer Camp