26/07/2026
مصطفوی سسٹرز ضلع تلہ گنگ آن لائن میٹنگ
مصطفوی سسٹرز ضلع تلہ گنگ کا آن لائن اجلاس منعقد ہوا جس میں ضلع تلہ گنگ اور تحصیل کی ٹیم نے شرکت کی۔ اجلاس میں خصوصی مہمان محترمہ وردہ ناز، نائب جنرل سیکرٹری مصطفوی سسٹرز پاکستان نے شرکت کی اور کارکنان کی رہنمائی کی۔
محترمہ وردہ ناز نے کہا کہ ہمیں مل کر مصطفوی مشن کا کام کرنا ہو گا کیونکہ یہ صرف ایک تنظیمی ذمہ داری نہیں بلکہ آخرت کی کامیابی کا ذریعہ ہے۔ انہوں نے کہا کہ جس دن ہم اللہ تعالیٰ کے حضور پیش ہوں گے اس دن ہمیں شرمندہ نہ ہونا پڑے، اس لیے ہمیں اپنے وقت اور صلاحیتوں کو دین کی خدمت کے لیے وقف کرنا چاہیے۔ باجی نے اس بات پر زور دیا کہ ہمارا بنیادی مقصد معاشرے میں امن، محبت اور بھائی چارے پر مبنی مصطفوی معاشرے کا قیام ہے اور اس ہدف کے حصول کے لیے ہر بہن کو اپنی سطح پر عملی کردار ادا کرنا ہو گا۔
انہوں نے کارکنان کی محنت کو سراہتے ہوئے مزید حوصلہ افزائی کی اور کہا کہ اتحاد اور لگن سے ہی ہم مصطفوی مشن کے پیغام کو عام کر سکتے ہیں۔ اجلاس کے اختتام پر تمام بہنوں نے عہد کیا کہ وہ مصطفوی مشن کی کامیابی کے لیے اپنی کوششیں مزید تیز کریں گی اور ضلع تلہ گنگ میں مصطفوی نظریات کو فروغ دینے میں اپنا بھرپور کردار ادا کریں گی۔
