Association of Tribal Ministries

04/09/2026

*آج کا وعدہ #342*
جمعہ 4 ستمبر 2026
*“مگر اُس نے مُجھ سے کہا کہ میرا فضل تیرے لِئے کافی ہے کیونکہ میری قُدرت کمزوری میں پُوری ہوتی ہے۔ پس مَیں بڑی خُوشی سے اپنی کمزوری پر فخر کرُوں گا تاکہ مسِیح کی قُدرت مُجھ پر چھائی رہے۔”*
2 کرنتھیوں 9:12
*مختصر تشریح*
خُداوند کا فضل ہماری ہر کمزوری کے لیے کافی ہے۔ ہماری کمزوری اُس کی قُدرت کی راہ میں رکاوٹ نہیں، بلکہ اُسی کمزوری میں مسِیح کی قُدرت ہم پر ظاہر ہوتی ہے۔ اس لیے ہم اپنی طاقت پر نہیں بلکہ خُدا کے فضل اور قُدرت پر بھروسا کرتے ہیں۔
*🙏دعا*
اَے مہربان آسمانی باپ!
تیرا شکر ہے کہ تیرا فضل ہمارے لیے کافی ہے۔ ہماری کمزوریوں میں اپنی قُدرت ظاہر فرما۔ ہمیں مایوسی سے بچا، ہمارے ایمان کو مضبوط کر اور ایسا فضل عطا فرما کہ ہماری زندگی میں مسِیح کی قُدرت نمایاں ہو۔ یسوع مسیح کے نام میں۔ آمین۔
*🙏دعاگو:*
ایم بی مسیح

04/09/2026

02/09/2026

*آج کا وعدہ #340*
2 ستمبر 2026
*“تُو مت ڈر کیونکہ مَیں تیرے ساتھ ہُوں۔ ہِراسان نہ ہو کیونکہ مَیں تیرا خُدا ہُوں مَیں تُجھے زور بخشُوں گا۔ مَیں یقِیناً تیری مدد کرُوں گا اور مَیں اپنی صداقت کے دہنے ہاتھ سے تُجھے سنبھالُوں گا۔”* یسعیاہ 10:41
*مختصر تشریح*
یہ وعدہ ہمیں یقین دلاتا ہے کہ مشکل، خوف اور پریشانی کے وقت ہم اکیلے نہیں ہیں۔ خُدا ہمارے ساتھ ہے، وہ ہمیں زور بخشتا، مدد کرتا اور اپنے ہاتھ سے سنبھالتا ہے۔ اس لیے حالات جیسے بھی ہوں، ہمارا بھروسا اپنے وفادار خُداوند پر قائم رہنا چاہیے۔
*🙏 دعا*
اَے قادرِ مطلق خُداوند!
تیرا شکر ہے کہ تُو ہمارے ساتھ ہے۔ ہمارے دلوں سے خوف اور ہِراسانی کو دُور کر۔ ہمیں اپنی قوت عطا فرما، ہماری مدد کر اور اپنی صداقت کے دہنے ہاتھ سے ہمیں سنبھالے رکھ۔ ہر مشکل میں ہمیں ایمان، حوصلہ اور بھروسا عطا فرما۔ یسوع مسیح کے نام میں۔ آمین۔
*🙏دعاگو:*
ایم بی مسیح

24/08/2026

*آج کا وعدہ #332*
24 اگست 2026 (پیر)
*“اور مَیں اُنہیں ہمیشہ کی زِندگی بخشتا ہُوں اور وہ اَبد تک کبھی ہلاک نہ ہوں گی اور کوئی اُنہیں میرے ہاتھ سے چِھین نہ لے گا۔”*
یوحنا 28:10
*مختصر تشریح*
یہ ہمارے خداوند یسوع مسیح کا اَبدی زندگی، حفاظت اور سلامتی کا عظیم وعدہ ہے۔ مسیح اپنے لوگوں کو صرف زندگی دینے کا وعدہ نہیں کرتا بلکہ فرماتا ہے کہ وہ اَبد تک ہلاک نہ ہوں گے اور کوئی اُنہیں اُس کے ہاتھ سے چھین نہیں سکتا۔
یہ وعدہ ہمیں یقین دلاتا ہے کہ ہماری نجات اور ہماری حقیقی سلامتی کسی انسانی طاقت پر منحصر نہیں بلکہ خود مسیح کے مضبوط ہاتھ میں ہے۔ اس لیے ہم خوف کے بجائے ایمان، شکرگزاری اور اطمینان کے ساتھ زندگی گزار سکتے ہیں۔
*🙏 دعا*
اَے ہمارے خداوند یسوع مسیح! تیرا شکر ہے کہ تُو ہمیں ہمیشہ کی زندگی بخشتا اور اپنے ہاتھ میں محفوظ رکھتا ہے۔ ہمیں اپنے ایمان میں مضبوط رکھ، اپنی آواز سننے اور تیری پیروی کرنے کی توفیق دے۔ ہر خوف، آزمائش اور پریشانی کے وقت ہمیں یہ یقین عطا فرما کہ کوئی ہمیں تیرے ہاتھ سے چھین نہیں سکتا۔ ہمارے خاندان اور عزیزوں کو بھی اپنی حفاظت میں رکھ۔
یسوع مسیح کے نام میں دعا مانگتے ہیں۔ آمین۔
🙏 دعاگو:
*ایم بی مسیح کلارک آبادی*

14/08/2026

Very Happy Independence Day

13/08/2026

Send a message to learn more