Hari Jeddojehad Committee Sindh

07/08/2026

شڪارپور ( پ ر)
ھاري جدوجھد ڪميٽي ضلع شڪارپور طرفان سنڌ جي ناليواري شاعر استاد قمر کوسي جي ستين ورسي تاريخي ڳوٺ رڪ ۾ ملھائي وئي ، شاندار لفظن جي ڀيٽا پيش ڪندي سندس آخري آرامگاهه تي حاضري ڀري گلن جي ورکا ڪري سرخ سلام پيش ڪيو ويو.

06/08/2026

دعوتِ شرکت
ھاری جدوجھد کمیٹی، ضلع شکارپور
سندھ کے نامور انقلابی شاعر، عوامی دانشور اور ھاری جدوجھد کمیٹی کے بانی رکن، استاد قمر کھوسو کی ساتویں برسی کے موقع پر انہیں خراجِ عقیدت اور سرخ سلام پیش کرنے کے لیے ایک قافلہ عیدگاہ رک سے روانہ ہوگا اور حضرت پیر لشکری قبرستان میں واقع ان کی آخری آرام گاہ پر حاضری دے گا۔
ھاری جدوجھد کمیٹی ضلع شکارپور تمام ساتھیوں، کسانوں، ہاریوں، ادیبوں، شاعروں اور عوام دوست افراد سے اپیل کرتی ہے کہ اس یادگاری اجتماع میں بھرپور شرکت کریں اور استاد قمر کھوسو کی عوامی جدوجہد اور فکری ورثے کو خراجِ تحسین پیش کریں۔
📅 تاریخ: 07 اگست 2026 (جمعہ)
🕚 وقت: صبح 11:00 بجے
📍 مقامِ روانگی: عیدگاہ رک، ضلع شکارپور
"استاد قمر کھوسو کی جدوجہد کو سرخ سلام!"
"جیے ہاری، جیے پورہیت!"

31/07/2026

پاکستان کسان رابطہ کمیٹی کے فیڈرل کونسل اجلاس کی سندھ کے مشہور اخبارات میں چھپی خبروں کی نیوز کٹنگز ۔
Farooq Tariq
Qammar Abbas

31/07/2026

پاکستان کسان رابطہ کمیٹی کی ایگزیکٹو کمیٹی کے رکن کامریڈ فاروق طارق اور انکے ساتھیوں کو رہا کردیا گیا ہے ۔

31/07/2026

31/07/2026

مذمتی بیان
ہاری جدوجھد کمیٹی سندھ حقوقِ خلق پارٹی کے صدر اور پاکستان کسان رابطہ کمیٹی کی ایگزیکٹو کمیٹی کے رکن کامریڈ فاروق طارق اور ان کے ساتھیوں کی لاہور پریس کلب کے باہر گرفتاری کی شدید الفاظ میں مذمت کرتی ہے۔
پرامن سیاسی کارکنوں اور جمہوری آوازوں کو گرفتار کرنا آئینی و جمہوری حقوق کی سنگین خلاف ورزی ہے۔ ایسے ہتھکنڈوں سے عوامی تحریکوں کو دبایا نہیں جا سکتا بلکہ یہ عوام کے بنیادی حقوق پر حملہ ہیں۔
ہاری جدوجھد کمیٹی سندھ حکومت اور متعلقہ حکام سے مطالبہ کرتی ہے کہ کامریڈ فاروق طارق اور ان کے تمام ساتھیوں کو فوری اور غیر مشروط طور پر رہا کیا جائے، سیاسی کارکنوں کے خلاف کارروائیاں بند کی جائیں اور شہریوں کے پرامن احتجاج اور اظہارِ رائے کے آئینی حق کا احترام کیا جائے۔
ظلم کے یہ ضابطے ہم نہیں مانتے۔
Farooq Tariq

29/07/2026

پریس ریلیز
پاکستان کسان رابطہ کمیٹی کی فیڈرل کونسل کا اجلاس لاہور میں منعقد، کسانوں کے مسائل اور آئندہ کی جدوجہد پر اہم فیصلے
لاہور: آج لاہور کے ایک مقامی ہوٹل میں پاکستان کسان رابطہ کمیٹی (PKRC) کی فیڈرل کونسل کا اہم اجلاس منعقد ہوا، جس کی صدارت پاکستان کسان رابطہ کمیٹی کے صدر طارق محمود چوہدری اور سینئر رہنما رفعت مقصود نے مشترکہ طور پر کی۔
اجلاس میں ملک بھر سے کسان تنظیموں کے نمائندوں نے شرکت کی۔ ھاری جدوجھد کمیٹی سندھ کی جانب سے تنظیم کے جنرل سیکرٹری کامریڈ عاشق ڈومکی نے اجلاس میں شرکت کرتے ہوئے سندھ کے کسانوں اور ہاریوں کو درپیش مسائل، خصوصاً پانی کی شدید قلت، فصلوں کی تباہی، زرعی بحران اور کسان دشمن پالیسیوں سے متعلق تنظیم کا مؤقف پیش کیا۔
اجلاس میں ملک بھر کے کسانوں اور زرعی شعبے کو درپیش مسائل پر تفصیلی تبادلۂ خیال کیا گیا۔ شرکاء نے زرعی اجناس کی مناسب قیمتوں، پانی کی منصفانہ تقسیم، کارپوریٹ فارمنگ، زمین کے حقوق، موسمیاتی تبدیلی کے اثرات اور کسانوں کی معاشی بدحالی جیسے اہم موضوعات پر گفتگو کی۔
اجلاس میں اس بات پر اتفاق کیا گیا کہ کسانوں کے حقوق کے تحفظ اور زرعی بحران کے حل کے لیے ملک گیر سطح پر مشترکہ جدوجہد کو مزید منظم اور مؤثر بنایا جائے گا۔ اس مقصد کے لیے آئندہ کے لائحہ عمل، عوامی رابطہ مہم اور احتجاجی سرگرمیوں کے حوالے سے بھی اہم فیصلے کیے گئے۔
اجلاس کے اختتام پر اس عزم کا اعادہ کیا گیا کہ پاکستان کسان رابطہ کمیٹی اور اس کی تمام اتحادی تنظیمیں کسانوں، ہاریوں اور زرعی مزدوروں کے حقوق کے حصول کے لیے اپنی جدوجہد کو مزید مضبوط کریں گی اور عوامی مسائل کے حل کے لیے مشترکہ آواز بلند کرتی رہیں گی۔

23/07/2026

مذمتی بیان
ھاری جدوجھد کمیٹی سندھ سکھر اور خیرپور پولیس کی جانب سے رات کے اندھیرے میں پریا ایکشن کمیٹی کے ببرلو بائی پاس پر سندھ کے مغوی بچوں کی بازیابی کے لیے گزشتہ 27 دن سے جاری پرامن احتجاجی کیمپ کو زبردستی ختم کرانے، رہنماؤں اور صحافیوں کو گرفتار کرنے اور ان کی گمشدگی کی اطلاعات پر شدید تشویش اور سخت الفاظ میں مذمت کرتی ہے۔
پرامن احتجاج ہر شہری کا آئینی اور جمہوری حق ہے۔ ایسے اقدامات نہ صرف بنیادی انسانی حقوق کی خلاف ورزی ہیں بلکہ اظہارِ رائے اور پرامن جدوجہد کو دبانے کی کوشش بھی ہیں، جو کسی بھی جمہوری معاشرے کے لیے قابلِ قبول نہیں۔
ھاری جدوجھد کمیٹی سندھ حکومتِ سندھ اور متعلقہ حکام سے مطالبہ کرتی ہے کہ گرفتار کیے گئے سکھر کے سینئر صحافی ساحل جوگی اور دیگر تمام صحافیوں اور رہنماؤں کو فوری اور غیر مشروط طور پر رہا کیا جائے، ان کی موجودہ حالت اور مقام سے عوام اور اہلِ خانہ کو آگاہ کیا جائے، اور سندھ کے مغوی بچوں کی بازیابی کے لیے مؤثر اور سنجیدہ اقدامات کیے جائیں۔
ہم تمام جمہوری، انسانی حقوق، کسان، مزدور اور سول سوسائٹی کی تنظیموں سے اپیل کرتے ہیں کہ وہ اس واقعے کے خلاف آواز بلند کریں اور شہری آزادیوں، انسانی حقوق اور انصاف کے لیے مشترکہ جدوجہد کریں۔
Jogi Zulfiqar Jogi
Amir Ali Jogi

19/07/2026

سندھ اور بلوچستان کے ہاریوں اور کسانوں کی طرف سے سندھ اور بلوچستان کے ٹیل ایریاز میں پانی کی قلت کے خلاف گزشتہ دو روز سے سکھر میں جاری احتجاج کے ساتھ مکمل یکجہتی کا اظہار کرتے ہیں ۔
منجانب:ھاری جدوجھد کمیٹی سندھ