29/06/2026
*عاشورہ محرم الحرام کے موقع پر کامیاب رضاکارانہ بلڈ ڈونیشن کیمپ*
ہیموفیلیا ویلفیئر سوسائٹی بلوچستان نے بلوچستان انسٹیٹیوٹ آف چائلڈ ہیلتھ سروسز (BICHQ) کوئٹہ کے تعاون اور حکومتِ بلوچستان، محکمہ صحت کی جانب سے فراہم کردہ گرانٹ اِن ایڈ کی مالی معاونت سے، تنظیم نسلِ نو ہزارہ مغل کے اشتراک سے ایک کامیاب رضاکارانہ بلڈ ڈونیشن کیمپ منعقد کیا۔
کیمپ صبح سے شام تقریباً 7:00 بجے تک جاری رہا، جس میں نوجوانوں اور رضاکاروں نے بھرپور جذبۂ انسانیت کا مظاہرہ کرتے ہوئے خون کے عطیات پیش کیے۔ اس دوران تقریباً 700 سے زائد خون کے بیگز جمع کیے گئے، جنہیں مزید اسکریننگ، ٹیسٹنگ اور پروسیسنگ کے لیے ریجنل بلڈ سینٹر (RBC) کوئٹہ کے حوالے کر دیا گیا۔
یہ خون مستقبل میں ہیموفیلیا، تھیلیسیمیا، رئیر بلیڈنگ ڈس آرڈرز اور دیگر ضرورت مند مریضوں کے علاج میں استعمال کیا جائے گا، جبکہ خون کے اجزاء بھی مستحق مریضوں کی جانیں بچانے میں اہم کردار ادا کریں گے۔
ہیموفیلیا ویلفیئر سوسائٹی بلوچستان کی ٹیم نے تمام رضاکار خون عطیہ کرنے والوں، ڈاکٹرز، طبی عملے، BICHS کوئٹہ، حکومتِ بلوچستان محکمہ صحت، ریجنل بلڈ سینٹر (RBC) کوئٹہ، تنظیم نسلِ نو ہزارہ مغل، میڈیا نمائندگان اور تمام معاون اداروں کا تہہ دل سے شکریہ ادا کیا۔
