Izhar Uddin Advocate for Peace & Rights

06/06/2026

آزاد کشمیر حکومت کی جانب سے جوائنٹ عوامی ایکشن کمیٹی کو 2014 کے انسدادِ دہشت گردی ایکٹ کے تحت کالعدم قرار دینا ایک ایسا فیصلہ ہے جس نے کئی اہم سوالات کو جنم دیا ہے۔ اگر یہ کوئی رجسٹرڈ سیاسی جماعت نہیں تھی تو پھر اسے حکومتی آل پارٹیز کانفرنس میں مدعو کیوں کیا گیا، اور ماضی میں اعلیٰ سیاسی و عسکری قیادت اس کے نمائندوں کے ساتھ مذاکرات اور ملاقاتوں میں کیوں شریک رہی؟ بظاہر یہ فیصلہ جلد بازی اور خوف پر مبنی معلوم ہوتا ہے، جس کے دور رس اور ممکنہ طور پر منفی اثرات مرتب ہو سکتے ہیں۔ حقیقت یہ ہے کہ کشمیر کے عوام طویل عرصے سے سیاسی محرومیوں اور بنیادی مسائل کا سامنا کر رہے ہیں، جبکہ عوامی وسائل کے مؤثر اور شفاف استعمال کے حوالے سے بھی سنجیدہ سوالات موجود ہیں۔ وقت ہی ثابت کرے گا کہ یہ اقدام مسئلے کے حل میں معاون ثابت ہوتا ہے یا مزید پیچیدگیوں اور عوامی بے چینی کا سبب بنتا ہے۔

30/05/2026

ہر اُس کام کا احتساب کریں جس میں عوام کے پیسے لگے ہوں۔ ہر غفلت اور کوتاہی کا احتساب کریں۔ ہر ضلع اور ہر تحصیل میں متحرک ہو جائیں۔
ہیومن رائٹس کونسل آف پاکستان خیبرپختونخوا آپ کے شانہ بشانہ کھڑی ہے اور آپ کی مکمل حمایت کرے گی۔

اظہار الدین
صدر ہیومن رائٹس کونسل آف پاکستان خیبرپختونخوا

23/05/2026

صحافیوں کو ہراساں کرنا یا دباؤ میں لانا جمہوری اقدار کے خلاف ہے۔ آزاد میڈیا ہی عوام کی حقیقی آواز ہوتا ہے۔

پریس ریلیز

ہیومن رائٹس کونسل آف پاکستان خیبر پختونخوا صحافی اور سیاسی تجزیہ کار ہرمیت سنگھ کے خلاف جاری کیے گئے حالیہ گرفتاری وارنٹس پر گہری تشویش کا اظہار کرتی ہے۔ اطلاعات کے مطابق مناسب نوٹس اور شفاف قانونی طریقۂ کار کو یقینی بنائے بغیر ناقابلِ ضمانت وارنٹس کا اجرا کیا گیا، جو آئینِ پاکستان کے تحت حاصل بنیادی انسانی و قانونی حقوق سے متعلق اہم سوالات کو جنم دیتا ہے۔
اظہارِ رائے کی آزادی اور منصفانہ ٹرائل ہر جمہوری معاشرے کے بنیادی ستون ہیں۔ ہر شہری، چاہے اس کا تعلق کسی بھی سیاسی یا سماجی نظریے سے ہو، قانون کے تحت مساوی تحفظ اور اپنا مؤقف پیش کرنے کا مکمل حق رکھتا ہے۔ احتساب کے عمل میں شفافیت، غیر جانبداری اور قانونی تقاضوں کی پاسداری ناگزیر ہے، کیونکہ کسی بھی قسم کی امتیازی کارروائی عوام کے اعتماد کو متاثر کرتی ہے۔
ہیومن رائٹس کونسل آف پاکستان خیبر پختونخوا متعلقہ اداروں سے مطالبہ کرتی ہے کہ تمام قانونی کارروائیاں آئینی اصولوں، انسانی حقوق کے عالمی معیارات اور انصاف کے تقاضوں کے مطابق انجام دی جائیں۔ ہم اس امر پر بھی زور دیتے ہیں کہ ریاستی ادارے شہری آزادیوں کے تحفظ، قانون کی بالادستی، اور غیر جانبدار انصاف کو یقینی بنائیں۔
بطور ایک انسانی حقوق کی تنظیم، ہم اس عزم کا اعادہ کرتے ہیں کہ انصاف صرف احتساب کا نام نہیں بلکہ شفافیت، مساوات، اور انسانی وقار کے احترام کا بھی تقاضا کرتا ہے۔
ہیومن رائٹس کونسل آف پاکستان خیبرپختونخوا



Human Rights Council of Pakistan Government of Pakistan Harmeet Singh

17/05/2026

10/05/2026

دلتہ کی دی جنگ نہ وی۔۔

ہیومن رائٹس کونسل آف پاکستان خیبرپختونخوا نے صوبے میں بڑھتے ہوئے دہشتگردی، ٹارگٹ کلنگ، بم دھماکوں اور امن و امان کی ابتر صورتحال پر شدید تشویش کا اظہار کیا ہے۔ کونسل کے مطابق خیبرپختونخوا خصوصاً بنوں، وزیرستان، ڈیرہ اسماعیل خان اور دیگر متاثرہ علاقوں میں آئے روز پیش آنے والے افسوسناک واقعات نے عوام کی زندگی اجیرن بنا دی ہے۔
ہیومن رائٹس کونسل کا کہنا ہے کہ صوبے کے عوام مسلسل خوف، بے چینی اور غیر یقینی کیفیت میں زندگی گزارنے پر مجبور ہیں۔ کبھی ٹارگٹ کلنگ کے واقعات رونما ہوتے ہیں، کبھی بم دھماکے، تو کبھی دہشتگردی کے دیگر المناک واقعات سامنے آتے ہیں، جن کے باعث معصوم شہریوں اور سیکیورٹی اہلکاروں کی جانیں ضائع ہو رہی ہیں۔ آج بھی متعدد پولیس اہلکاروں کی شہادت ایک انتہائی افسوسناک اور قابلِ مذمت واقعہ ہے جس نے پوری قوم کو غمزدہ کر دیا ہے۔
ہیومن رائٹس کونسل آف پاکستان خیبرپختونخوا نے کہا کہ جب پورا پاکستان یومِ حق اور قومی یکجہتی کا پیغام دے رہا ہے، ایسے وقت میں خیبرپختونخوا کے عوام کو دوبارہ بدامنی، خوف اور عدم استحکام کی طرف دھکیلا جانا انتہائی تشویشناک ہے۔ صوبے کے عوام مزید خونریزی، دہشتگردی اور بدامنی کے متحمل نہیں ہو سکتے۔
کونسل نے ریاستی اداروں، حکومتِ پاکستان، افواجِ پاکستان اور تمام متعلقہ سیکیورٹی اداروں سے مطالبہ کیا ہے کہ خیبرپختونخوا میں امن کے قیام کے لیے فوری، مؤثر اور سنجیدہ اقدامات کیے جائیں۔ دہشتگرد عناصر کے خلاف بلا تفریق کارروائی عمل میں لائی جائے اور عوام کے جان و مال کے تحفظ کو یقینی بنایا جائے۔
ہیومن رائٹس کونسل آف پاکستان خیبرپختونخوا شہداء کے اہل خانہ سے دلی تعزیت اور ہمدردی کا اظہار کرتے ہوئے اس عزم کا اعادہ کرتی ہے کہ صوبے میں امن، انسانی حقوق اور عوام کے تحفظ کے لیے اپنی آواز بلند کرتی رہے گی۔

صوبائی سیکرٹریٹ
ہیومن رائٹس کونسل آف پاکستان خیبرپختونخوا



Government of Khyber Pakhtunkhwa Government of Pakistan ISPR Chief Minister Khyber Pakhtunkhwa Human Rights Council of Pakistan Dawn.com

09/05/2026

ہوتی نہیں جو قوم حق بات پہ یکجا۔۔
اس قوم کا حاکم ہی فقط اس کی سزا ہے۔۔
پٹرول

26/04/2026

خیبر پختونخوا میں ترقیاتی فنڈز کے استعمال اور گورننس کے نظام پر مسلسل سوالات اٹھ رہے ہیں، جہاں عوامی وسائل کے شفاف اور مؤثر استعمال کے حوالے سے تشویش بڑھتی جا رہی ہے۔ ضلع شانگلہ اس صورتحال کی ایک اہم مثال ہے جہاں ترقیاتی منصوبوں کے لیے فنڈز جاری ہونے کے باوجود زمینی سطح پر مطلوبہ نتائج نظر نہیں آتے، جس سے بدعنوانی اور مبینہ فنڈز کے غلط استعمال کے خدشات مزید گہرے ہوتے ہیں۔
ہم شانگلہ کی نوجوان نسل کو خراجِ تحسین پیش کرتے ہیں جو پرامن اور مسلسل انداز میں کرپشن کے خلاف اپنی آواز بلند کر رہی ہے۔ ہمارا واضح مؤقف یہ ہے کہ ہم کسی سیاسی جماعت کے خلاف نہیں بلکہ صرف شفافیت، انصاف اور حقیقی احتساب کے حق میں ہیں۔
ہم مطالبہ کرتے ہیں کہ تمام ترقیاتی منصوبوں کا غیر جانبدارانہ آڈٹ کیا جائے، RTI کے تحت مکمل معلومات عوام تک فراہم کی جائیں، اور کرپشن ثابت ہونے کی صورت میں ذمہ داران کو قانون کے مطابق سخت سزا دی جائے تاکہ نظام میں حقیقی اصلاح ممکن ہو سکے۔
صوبائی سیکریٹریٹ
ہیومن رائٹس کونسل آف پاکستان خیبرپختونخوا
🇵🇰

Government of Khyber Pakhtunkhwa Government of Pakistan Commissioner Malakand Division Human Rights Council of Pakistan

23/04/2026

📚 کتابوں کا عالمی دن

افسوس کہ سرکاری سکولوں کے وہ طلبہ جو مارچ میں پروموٹ ہوئے، ابھی تک درسی کتب سے محروم ہیں۔
تعلیم کے بغیر ترقی ممکن نہیں۔ کتابوں کی فوری فراہمی یقینی بنائی جائے۔

19/04/2026

Alert 🚨

پاکستان میں HIV/AIDS کا بڑھتا ہوا خطرہ ایک سنجیدہ انسانی مسئلہ بن چکا ہے۔
لاکھوں افراد اس مرض کے ساتھ زندگی گزار رہے ہیں، جبکہ بڑی تعداد کو اپنی حالت کا علم ہی نہیں۔ غیر محفوظ انجیکشنز، ناقص بلڈ اسکریننگ اور صحت کی سہولیات کی کمی اس بحران کو مزید سنگین بنا رہی ہے۔
ہیومن رائٹس کونسل آف پاکستان (خیبر پختونخوا) حکومت اور متعلقہ اداروں سے مطالبہ کرتی ہے کہ فوری اقدامات کیے جائیں:
✔️ ایچ آئی وی مراکز کو فعال اور مستحکم بنایا جائے
✔️ محفوظ طبی طریقہ کار کو یقینی بنایا جائے
✔️ عوامی آگاہی مہمات کو فروغ دیا جائے
⛔ اب وقت ہے کہ ہم خاموشی توڑیں اور عملی اقدامات کریں۔
💪 آئیے مل کر زندگیاں بچائیں۔

Human Rights Council of Pakistan Health Department, KP

11/04/2026

پاکستان آج عالمی اُمیدوں کا مرکز بن کر اُبھرا ہے، جہاں اسلام آباد محض ایک دارالحکومت نہیں بلکہ امن، مکالمے اور مفاہمت کی نئی تاریخ رقم کرنے جا رہا ہے۔گویا ایک جدید جینیوا، جہاں دنیا کی نظریں سمٹ آئی ہیں اور عالمی وفود کی آمد اس اعتماد کا اظہار ہے جو پاکستان کی قیادت اور بصیرت پر کیا جا رہا ہے۔ ان حساس لمحات میں دل سے دعا ہے کہ اللہ تعالیٰ اس سرزمین کو سرخرو کرے اور ان مذاکرات کو ایسی کامیابی عطا فرمائے جو نہ صرف خطے بلکہ پوری دنیا کے لیے امن، استحکام اور ہم آہنگی کا پیغام بنے۔ کیونکہ یہ محض سفارتی گفتگو نہیں، بلکہ انسانیت کے مستقبل کا فیصلہ ہے، اگر خدانخواستہ یہ کوششیں ناکام ہوئیں تو اس کے اثرات سرحدوں سے کہیں آگے بڑھ کر عالمی امن کو اپنی لپیٹ میں لے سکتے ہیں، اور سب سے بڑی آزمائش پاکستان کے حصے میں آئے گی۔ ایسے نازک وقت میں پاکستان صرف میزبان نہیں بلکہ امید، تدبر اور امن کا وہ چراغ ہے جو تاریخ کے افق پر ایک روشن اور ناقابلِ فراموش باب لکھنے کی صلاحیت رکھتا ہے۔

اظہار الدین
صدر ہیومن رائٹس کونسل آف پاکستان ،خیبرپختونخوا