22/05/2026
مسلم سٹوڈنٹس آرگنائزیشن گومل یونیورسٹی کے زیر اہتمام ڈگری ہولڈرز سٹوڈنٹس کے اعزاز میں
"سیدنا عثمان ذوالنورین رضی اللہ عنہ طلبہ سیمینار"
کا انعقاد کیا گیا، جس میں قائد طلباء سالار قافلہ برادر ارسلان کیانی صاحب (ناظم اعلی مسلم سٹوڈنٹس آرگنائزیشن پاکستان) نے خصوصی شرکت و خطاب کیا۔
ناظمِ اعلیٰ MSO پاکستان برادر ارسلان کیانی صاحب نے اپنے خطاب میں فرمایا کہ سیدنا عثمانِ غنی رضی اللہ عنہ کی مبارک زندگی امتِ مسلمہ خصوصاً نوجوان نسل کیلئے حیا، صبر، سخاوت، قربانی اور دین سے وفاداری کا روشن مینار ہے۔
انہوں نے کہا کہ آج کے طلبہ اگر تعلیم کے ساتھ کردار، اخلاق اور اسلامی شعور کو اپنالیں تو وہ نہ صرف اپنے مستقبل بلکہ امتِ مسلمہ کی تقدیر بھی بدل سکتے ہیں۔ انہوں نے نوجوانوں پر زور دیا کہ وہ سوشل میڈیا اور فکری یلغار کے اس دور میں اپنے عقائد، اسلامی تشخص اور محبتِ صحابہؓ کا بھرپور دفاع کریں۔
برادر ارسلان کیانی صاحب نے مزید کہا کہ مسلم سٹوڈنٹس آرگنائزیشن نوجوانوں کی دینی، فکری اور تعلیمی تربیت کیلئے اپنا کردار ادا کرتی رہے گی تاکہ ایک باکردار، باصلاحیت اور نظریاتی قیادت امت کو میسر آسکے۔
