21/04/2026
شاعرِ مشرق اور مفکرِ پاکستان علامہ محمد اقبال کے یومِ وفات پر علامہ اقبالؒ کو خراجِ عقیدت پیش کرتے ہوئے کہا ہے کہ علامہ اقبالؒ برصغیر کے مسلمانوں کے لیے فکری بیداری، خود شناسی اور آزادیِ فکر کی روشن علامت ہیں۔ انہوں نے نوجوان نسل کو علم، کردار، مقصدیت اور اجتماعی شعور کا جو پیغام دیا تھا وہ آج بھی پوری قوت کے ساتھ زندہ ہے۔
علامہ اقبالؒ نے جس شاہین صفت اور باکردار نوجوان اور خوددار قوم کا خواب دیکھا تھا، آج اس خواب کی تعبیر کے لیے اسلامی جمعیت طلبہ سرگرم عمل ہے
تعلیمی اداروں میں شعور، کردار سازی، مثبت قیادت اور ملی احساس کو فروغ دینا وقت کی اہم ضرورت ہے۔ آج اسلامی جمعیت طلبہ نوجوانوں میں فکری تربیت، اخلاقی تعمیر اور مثبت قیادت پیدا کرکے علامہ اقبالؒ کے مشن کو جاری رکھے ہوئے ہے۔
اقبالؒ کی فکر محض ماضی کی یاد نہیں بلکہ حال اور مستقبل کے لیے رہنمائی کا سرچشمہ ہے۔ ان کی تعلیمات نوجوان نسل کو یہ احساس دلاتی ہیں کہ قوموں کی ترقی علم، نظم، اتحاد اور اعلیٰ کردار سے وابستہ ہوتی ہے۔
اللہ تعالیٰ سے دعا ہے کہ علامہ اقبالؒ کے درجات بلند فرمائے، ان کی مغفرت فرمائے اور ان کی خدمات کو شرفِ قبولیت عطا فرمائے۔
انشااللہء اقبالؒ کے فکر و پیغام کو نئی نسل تک پہنچانے اور ان کے مشن کو جاری رکھنے کی جدوجہد جاری رہے گی۔
سید محمد یحییٰ
(ناظم اسلامی جمعیت طلبہ پشاور )
