06/04/2026
آج جامعہ نوریہ عزیزیہ غیبہ خوڑ، ضلع مہمند میں حسبِ روایت اس سال بھی باقاعدہ طور پر تعلیمی سرگرمیوں کا آغاز نہایت خوش اسلوبی کے ساتھ ہوگیا۔ گزشتہ سالوں کی طرح اس مرتبہ بھی ادارہ علم و عمل کی روشنی پھیلانے کے لیے پُرعزم ہے۔
جامعہ کے تمام شعبہ جات، بالخصوص شعبہ حفظ القرآن، تجوید القرآن، درسِ نظامی اور ناظرہ میں قابل، محنتی اور باصلاحیت اساتذۂ کرام کی زیرِ نگرانی باقاعدہ اسباق کا آغاز کر دیا گیا ہے۔ طلبۂ کرام دینی علوم کے حصول کے لیے نہایت شوق اور جذبے کے ساتھ اپنی تعلیم کا آغاز کر رہے ہیں۔
اللہ تعالیٰ سے دعا ہے کہ یہ ادارہ ہمیشہ علمِ دین کا مرکز بنا رہے، اساتذۂ کرام کی محنتوں کو قبول فرمائے اور طلبۂ کرام کو دین و دنیا میں کامیابیاں عطا فرمائے۔ آمین۔
