06/12/2024
اصلاحی مجلس میں کیا ہوتا ہے؟
جامع مسجد فضل محمد،صحارا سٹی میں البرہان کے زیر انتظام ہر جمعۃ المبارک مغرب سے عشاء ہفتہ وار اصلاحی مجلس ہوتی ہے۔
اصلاحی مجلس ایک یاددہانی /تذکیر کی نشست ہوتی ہے۔جس میں ہر مسلمان کو اپنی ذاتی اصلاح اور باطن کی صفائی کے لیے جن بنیادی چیزوں (فرائض کی پابندی،گناہوں سے بچنا،اچھے اخلاق ،مسنون تسبیحات کی شکل میں اللہ تعالی کا ذکر وغیرہ ذالک) کی ضرورت ہے ان کے حوالے سے کچھ یاددہانی کی باتیں بھی ہوتی ہیں اور اللہ تعالی کا ذکر بھی کیا جاتا ہے۔
مجلس کا فارمیٹ عام جلسوں سے بالکل ہٹ کے ہوتا ہے۔ساتھی نماز مغرب سے پہلے مسجد پہنچ کر دعاوں میں مشغول ہونے کی کوشش کرتے ہیں۔نماز مغرب کی دو سنتوں کے بعد اوابین کے مسنون نوافل ادا کیے جاتے ہیں۔ اس کے بعد کچھ دیر بیان ہوتا ہے۔اس کے بعد حمدیہ و نعتیہ کلام کے ساتھ کچھ اللہ دیر اللہ تعالی کا نام لیا جاتا ہے۔اور عشاء کی اذان سے پہلے پہلے دعا پر مجلس کا اختتام ہو جاتا ہے۔
اپنی روح کی ضروریات کو پورا کرنے کے لیے اپنے دو تین احباب کے ساتھ مجلس میں شرکت کی عادت بنا لیں۔
