Alkhidmat Foundation Nawabshah - SBA

26/08/2026

پاکستان ایسوسی ایشن آف بلائنڈز (PAB) کے زیرِ اہتمام منعقدہ بابرکت محفلِ عید میلاد النبی ﷺ میں شرکت کا شرف حاصل ہوا۔

اس روحانی محفل میں ڈپٹی کمشنر FBR شہید بینظیرآباد ملک غلام عباس صاحب، الخدمت فاؤنڈیشن کے جنرل سیکریٹری نثار حسین راجپوت صاحب والنٹیئر مینیجمینٹ کے انچارج محمد اسید صاحب ، PAB کے صدر نادر علی صاحب اور جنرل سیکریٹری قاسم علی صاحب سمیت معزز شخصیات نے شرکت کی۔

اللہ تعالیٰ اس بابرکت محفل کو قبول فرمائے اور ہمیں حضور اکرم ﷺ کی سیرتِ طیبہ پر عمل کرنے کی توفیق عطا فرمائے۔ آمین 🤲🏻❤️

23/08/2026

کراچی: الخدمت فاؤنڈیشن سندھ ریجن کی ریجنل جنرل کونسل کا اجلاس کراچی کے ایک نجی ہوٹل میں منعقد ہوا۔

الخدمت فاؤنڈیشن ضلع شہید بینظیر آباد کی جانب سے نائب صدر محترم توصیف رحمانی، جنرل سیکریٹری نثار حسین راجپوت اور آر ایم ڈی انچارج شجاع مقصود نے اجلاس میں شرکت کی۔

جنرل سیکریٹری نثار حسین راجپوت نے ضلع شہید بینظیر آباد کی سالانہ کارکردگی رپورٹ پیش کی اور آئندہ سال کے منصوبہ جات سے شرکاء کو آگاہ کیا۔ انہوں نے بتایا کہ ضلع شہید بینظیر آباد میں گزشتہ سال مجموعی طور پر 3 کروڑ روپے سے زائد دکھی انسانیت کی خدمت اور فلاحی سرگرمیوں پر خرچ کیے گئے۔

اجلاس میں الخدمت فاؤنڈیشن پاکستان کے نائب صدر محترم احسان اللہ وقاص نے خصوصی شرکت کی اور شرکاء سے خطاب کیا۔

اس موقع پر شرکاء کی استعدادِ کار میں اضافے اور تنظیمی امور کو مزید مؤثر بنانے کے لیے مختلف تربیتی سیشنز کا بھی اہتمام کیا گیا۔

الخدمت فاؤنڈیشن کا عزم ہے کہ خدمتِ خلق کے دائرہ کار کو مزید وسعت دیتے ہوئے معاشرے کے مستحق اور ضرورت مند افراد تک مؤثر انداز میں امداد پہنچائی جائے۔

17/08/2026

الخدمت فاؤنڈیشن ضلع شہید بینظیرآباد کی جانب سے الخدمت کے زیرِ کفالت باہمت بچوں کے لیے جشنِ آزادی کے موقع پر ایک رنگا رنگ اور پروقار تقریب کا انعقاد کیا گیا۔

تقریب میں بچوں نے تقاریر کیں، ملی نغمے پیش کیے اور مختلف ڈرائنگز و پینٹنگز کے ذریعے اپنے فن اور صلاحیتوں کا بھرپور مظاہرہ کیا۔

تقریب میں امیر جماعت اسلامی نواب شاہ محترم نجف رضا، قائم مقام صدر الخدمت فاؤنڈیشن محترم عبدالباسط قریشی، جنرل سیکریٹری نثار حسین راجپوت سمیت شہر کے معززین نے شرکت کی۔ معززین نے الخدمت کی اس خوبصورت کاوش کو سراہتے ہوئے بچوں کی حوصلہ افزائی کی۔

الخدمت کی ایک باہمت بچی کو قائد عوام یونیورسٹی میں داخلہ حاصل کرنے پر اعزازی شیلڈ بھی پیش کی گئی۔

امیر جماعت اسلامی نواب شاہ محترم نجف رضا اور قائم مقام صدر الخدمت محترم عبدالباسط قریشی نے تقریب کے انعقاد میں اہم کردار ادا کرنے والے کارکنان سر مقصود، امجد بٹ، عمیر رحمانی، شجاع مقصود، بلال مغل، جی ایم بھٹی، ریحان رشید، سمیر احمد، مدثر علی سمیت تمام ساتھیوں کو مبارکباد پیش کی اور ان کی کاوشوں کو خراجِ تحسین پیش کیا۔

تقریب کے اختتام پر مختلف سرگرمیوں میں حصہ لینے والے بچوں میں ان کی حوصلہ افزائی کے لیے انعامات بھی تقسیم کیے گئے۔

11/08/2026

🇵🇰 Jashn-e-Azadi ke Rango Me, Sehat ke Sang! 🇵🇰

Alhamdulillah! Pichle saal ki tarah is saal bhi Alkhidmat Foundation Nawabshah (SBA) ki janib se Youm-e-Azadi ke hawalay se Mega Free Medical Camp ka ineqaad kiya ja raha hai.

📅 Tareekh: 13 August 2026
📍 Venue: Tameer-e-Millat High School, Maryam Road, Nawabshah

Is camp me Shaher ke maahir Doctors tashreef la rahe hain jo muft checkup karenge.

Apne azeezo ko zaroor ittila den taake zyada se zyada log faida utha saken.

📞 Mazeed Maloomat ke liye Rabta Karen:
Nisar Ahmed: 0310-3083286
Khalid Ghouri: 0311-3014754
Noman Shah: 0317-3180650
Karam Ali Lashari: 0336-3213499

04/08/2026

الخدمت فاؤنڈیشن ضلع شہید بینظیرآباد کی ماہانہ جائزہ و منصوبہ اجلاس — اگست 2026

الخدمت فاؤنڈیشن ضلع شہید بینظیرآباد کی ماہانہ جائزہ و منصوبہ اجلاس برائے ماہ اگست 2026 منعقد ہوا، جس کی صدارت ضلعی صدر ڈاکٹر عمران علی باجوہ نے کی۔

اجلاس میں جنرل سیکرٹری نثار حسین راجپوت، سیکرٹری مالیات سعید بھٹی، انچارج شعبہ سماجی خدمات غلام محمد بھٹی، شعبہ مواخات سے محمد فیضان خانزادہ اور معاون مبشر خانزادہ، انچارج شعبہ والنٹیئر مینجمنٹ محمد اسید، شعبہ ڈیزاسٹر مینجمنٹ سے ذیشان بھٹی، ٹرینر آرفن پروگرام مقصود احمد، اکاؤنٹنٹ کرم علی لاشاری، کلینک مینیجر خالد غوری، آر ایم ڈی شجاع مقصود، فلٹر پلانٹ سے شفیق رحمانی، محمد بلال اور نعمان علی نے شرکت کی۔

اجلاس میں ضلع بھر میں جاری فلاحی سرگرمیوں کا جائزہ لیا گیا اور آئندہ کے منصوبوں کے حوالے سے مشاورت اور لائحۂ عمل طے کیا گیا۔

یومِ آزادی کے موقع پر 13 اگست کو شام 5 بجے سے رات 10 بجے تک میگا فری میڈیکل کیمپ کے انعقاد کا فیصلہ کیا گیا۔ اس سلسلے میں کیمپ کے انتظامات، ذمہ داریوں اور دیگر ضروری امور کے حوالے سے تفصیلی منصوبہ بندی بھی کی گئی۔

اللہ تعالیٰ تمام کارکنان، رضاکاران اور معاونین کی کاوشوں کو اپنی بارگاہ میں شرفِ قبولیت عطا فرمائے اور انہیں دکھی انسانیت کی خدمت میں مزید بڑھ چڑھ کر حصہ لینے کی توفیق عطا فرمائے۔

آمین یا رب العالمین۔

01/08/2026

01/08/2026

سکرنڈ: الخدمت فاؤنڈیشن ضلع شہید بینظیر آباد کے زیر اہتمام سکرنڈ میں مستحق خاندانوں کی معاشی بحالی کے لیے تقریب منعقد ہوئی، جس میں 16 مستحق افراد کو 50 ہزار سے ایک لاکھ روپے تک کے بلاسود کاروباری قرضے، 10 افراد میں تقریباً 70 ہزار روپے مالیت کی سلائی مشینیں اور ایک رکشہ فراہم کیے گیا۔

تقریب سے خطاب کرتے ہوئے الخدمت سندھ کے نائب صدر سید یونس، ضلع شہید بینظیرآباد کے صدر ڈاکٹر عمران باجوہ، ڈپٹی ڈائریکٹر سندھ ڈیزاسٹر مینجمنٹ کنور راشد مکرم، راؤ زبیر منصوری نے کہا کہ الخدمت فاؤنڈیشن بلا تفریق انسانیت کی خدمت کرتے ہوئے مستحق افراد کو امداد کے ساتھ ساتھ روزگار کے ذرائع بھی فراہم کر رہی ہے تاکہ وہ خود کفیل بن کر اپنے پیروں پر کھڑے ہو سکیں۔ مقررین نے مزید بتایا کہ الخدمت کے آرفن سپورٹ پروگرام کے تحت ضلع میں 320 یتیم بچوں کی کفالت کی جا رہی ہے، جبکہ ادارے کی دو ڈسپنسریوں میں ماہانہ دو سے اڑھائی ہزار مریضوں کو کم خرچ میں طبی سہولیات فراہم کی جاتی ہیں۔ انہوں نے کہا کہ ملک بھر میں 33 ہزار یتیم بچوں کی کفالت، صاف پانی، ڈیزاسٹر مینجمنٹ، ایمبولینس سروس، فنی تربیت اور دیگر فلاحی منصوبے بھی جاری ہیں۔

تقریب میں معززین شہر نے بڑی تعداد میں شرکت کی۔ سید احسان شاہ، امجد خانزادہ، ایوب کھوسو، حیدر خانزادہ، قاضی جاوید سنائی، سانول کیریو، اور عاشق حسین پٹھان سمیت تمام معززین نے الخدمت کی لوگوں کو خود کفیل بنانے کی کاوشوں کو سراہا ۔

تقریب کے اختتام پر مقررین نے مخیر حضرات سے الخدمت فاؤنڈیشن کے فلاحی منصوبوں میں بھرپور تعاون کی اپیل کرتے ہوئے کہا کہ عوام کو مستقل روزگار فراہم کرنا ہی غربت کے خاتمے کا مؤثر ذریعہ ہے۔

29/07/2026

الخدمت فاؤنڈیشن ضلع شہید بینظیرآباد کی جانب سے فری میڈیکل کیمپ