16/04/2026
آپ نے مستقبل بہتر کرنے کے لیے کسی نہ کسی جگہ انویسٹمنٹ یا بچت کر رکھی ہوگی ، کیا ذہنی صحت میں بھی کبھی انویسٹمنٹ کی ہے ؟
ایک بار وہ بھی کر دیکھیے !
اسی انویسٹمنٹ پر آپ کی پوری زندگی کھڑی ہے۔ انسان ہر دوڑ میں لگا ہوا ہے ، پیسے کے پیچھے، سٹیٹس کے پیچھے، نام و شہرت کے تعاقب میں ، اولاد کے بہتر مستقبل کی فکر میں۔۔۔
وہ اپنی زندگی کے ہر کونے کھدرے کو سنوارنے میں مصروف ہے ، مگر وہ کونے یا نوکیں جو اسے اکثر چبھتی ہیں ان کو تراشنے یا کاٹنے کے بارے میں کبھی نہیں سوچتا ۔ ایک چیز جسے وہ سب سے آخر میں رکھتا ہے، حالانکہ وہ سب سے اوپر ہونی چاہیے اور وہ ہے ذہنی سکون اور ذہنی صحت۔۔۔۔ ایک بے چین دل اور بوجھل ذہن کے ساتھ دنیا کی ہر کامیابی بھی ادھوری اور پھیکی محسوس ہوتی ہے۔
المیہ یہ ہے کہ نہ صرف ہمارے ہاں بلکہ پورے جنوبی ایشیا میں ذہنی صحت کو اہمیت ہی نہیں دی جاتی ۔ ہم بلڈ پریشر کی دوا وقت پر لیتے ہیں، جسمانی درد کے لیے علاج کرواتے ہیں، مگر جب بات اندر کے خوف، بے سکونی، ڈپریشن یا اینزائٹی کی آتی ہے تو ہم اسے نظرانداز کر دیتے ہیں۔ ہم اسے بیماری سمجھتے ہی نہیں، اور سمجھ بھی لیں تو اس بیماری کا موجب بننے والے لوگوں سے چھٹکارا نہیں پا سکتے ۔ کچھ لوگ چاہے وہ کتنے ہی قریبی کیوں نہ ہوں ہماری ذہنی کیفیت کو بری طرح متاثر کرتے ہیں۔ بعض اوقات گھر کے اندر موجود رشتے بھی انسان کے سکون کو چھین لیتے ہیں مگر ہم detachment سے ڈرتے ہیں ۔ یا کسی مینٹل ہیلتھ کاؤنسلر کے پاس جانے سے کتراتے ہیں
خود کو ترجیح دینا سیکھیں اور اپنے ذہنی سکون کے لیے سخت فیصلے بھی کرنا پڑیں تو کریں۔ منفی زہریلے لوگوں سے فاصلہ اختیار کریں، ایسے ماحول کا انتخاب کریں جہاں آپ کو بار بار ٹرگر نہ کیا جائے، اور جو چیز آپ کو مسلسل پریشان کرتی ہے، اس سے نکلنے کی ہمت پیدا کریں۔
پھر کہوں گا آپ اپنی زندگی میں پیسے، پراپرٹی اور مستقبل کے لیے تو سیونگ کرتے ہیں، کبھی اپنے سکون کے لیے بھی کچھ محفوظ کریں ، کیونکہ جب ذہن پرسکون ہوتا ہے تو زندگی واقعی خوبصورت محسوس ہونے لگتی ہے۔
منفی سوچوں ، بے چینی و بے سکونی ،افسردگی ،ڈیپریشن ،ذہنی دباؤ سے چھٹکارا پانے کیلئے یاسر عرفات کیساتھ ون آن ون ملاقات میں سائیکو تھیراپی سیشن لیکر آپ بھی خوشیوں سے بھرپور صحت مند زندگی جی سکتے ہیں
مجیب الرحمن
