26/07/2026
تنظیمی رابطہ مہم جاری ہے اور اس کے تحت آج ٹیلی کام ریٹیلرز ایسوسی ایشن کے مرکزی صدر *محمد وکیل انجم* اور مرکزی جنرل سیکرٹری *بلال قریشی* نے مختلف سیکٹرز کا بھرپور دورہ کیا۔ دوران دورہ، انہوں نے متعدد موبائل ریٹیلز کی دکانوں پر جا کر دکاندار بھائیوں سے ملاقات کی۔ ان ملاقاتوں میں نہ صرف ریٹیلرز کو درپیش مسائل پر کھل کر بات چیت کی گئی بلکہ باہمی تعاون کو مزید مضبوط کرنے کے ساتھ تنظیم کے استحکام پر بھی زور دیا گیا۔
اس موقع پر خصوصی طور پر اس بات کی نشاندہی کی گئی کہ سیکٹرز کو مزید فعال، منظم اور مضبوط بنانے کی ضرورت ہے، جس سے نہ صرف تنظیم کی طاقت میں اضافہ ہوگا بلکہ ریٹیلرز کے مسائل کا مؤثر طریقے سے حل بھی ممکن ہوگا۔ علاوہ ازیں، تنظیم کی جانب سے کیے جانے والے اقدامات اور آنے والے وقت کے لیے بنائے گئے منصوبوں کے بارے میں بھی معلومات فراہم کی گئیں۔
مرکزی قیادت نے اپنے عزم کو دہرایا کہ ٹیلی کام ریٹیلرز ایسوسی ایشن ہر ریٹیلر کی آواز بن کر ان کے جائز حقوق کے تحفظ کی کوششوں کو جاری رکھے گی۔ مسائل کے حل اور باہمی اتحاد کو فروغ دینے کی غرض سے کی جانے والی کوششیں جلد ہی رنگ لاہیں گی۔ ہم تمام ریٹیلر بھائیوں کا پرتپاک استقبال، محبت اور بھرپور تعاون پر دل کی گہرائیوں سے شکریہ ادا کرتے ہیں۔ یقیناً اسی جذبۂ اتحاد اور یکجہتی کے ساتھ ہم اپنی تنظیم کو مزید مؤثر اور طاقتور بنائیں گے۔
*محمد وکیل انجم*
مرکزی صدر
*بلال قریشی*
مرکزی جنرل سیکرٹری
*ٹیلی کام ریٹیلرز ایسوسی ایشن ملتان*
