25/03/2026
گاؤں ایپی کے رہائشی رضا اللہ ولد برھان کافی عرصے سے ایک شدید بیماری میں مبتلا ہیں۔ ان کے سر میں رسولی (Tumor) ہے، جس کے باعث اب تک دو سے تین آپریشن ہو چکے ہیں، لیکن وہ تاحال مکمل طور پر صحت یاب نہیں ہو سکے۔ مزید علاج اور آپریشن کے لیے بھاری اخراجات درکار ہیں، جو ان کے اہلِ خانہ کے لیے برداشت کرنا ممکن نہیں۔
اسی ضرورت کو مدنظر رکھتے ہوئے خوشحال ویلفیئر فاؤنڈیشن کے ممبران نے باہمی مشاورت سے ان کے لیے چندہ مہم کا آغاز کیا۔ آپ حضرات کے تعاون سے مختلف مقامات سے درج ذیل رقم جمع کی گئی:
📍 میر علی بازار: 47,750 روپے
📍 عیدک نظمیہ: 27,620 روپے
📍 جمعہ مساجد حیدر خیل: 64,030 روپے
📍 اکاؤنٹ کے ذریعے: 19,990 روپے
💰 کل رقم: 159,400 روپے
الحمدللہ، یہ مکمل رقم تمام تر ثبوت کے ساتھ مریض کے والد کے حوالے کر دی گئی۔ انہوں نے دل کی گہرائیوں سے تمام مخیر حضرات کا شکریہ ادا کیا اور سب کے لیے دعائیں بھی کیں۔
ہم بھی آپ سب کے بے حد مشکور ہیں کہ آپ نے اس نیک کام میں بڑھ چڑھ کر حصہ لیا۔ امیر و غریب، چھوٹے اور بڑے ہر ایک نے دل کھول کر تعاون کیا، جو ہماری یکجہتی، اخوت اور انسانیت کی بہترین مثال ہے۔
آخر میں آپ سب سے گزارش ہے کہ آئندہ بھی اسی طرح تعاون جاری رکھیں، کیونکہ مریض کو مزید علاج کی ضرورت پیش آ سکتی ہے، اور معاشرے میں دیگر مستحق افراد بھی ہماری توجہ کے منتظر ہیں۔
ہم خوشحال ویلفیئر فاؤنڈیشن ایپی ( سہارا ویلفیئر سوسائٹی خیدرخیل) کے تمام ساتھیوں کے بھی تہہ دل سے مشکور ہیں، جنہوں نے اس کارِ خیر میں بھرپور محنت اور تعاون کیا۔
ان شاء اللہ، ہم آپ کے اعتماد کو برقرار رکھتے ہوئے آپ کی امانت مستحق افراد تک پہنچاتے رہیں گے۔
جزاکم اللہ خیراً
–03306518000
