نیشنل لیبر فیڈریشن مالاکنڈ NLF Malakand

20/08/2026

تمام مزدوروں، ورکرز اور اساتذہ سے بھرپور شرکت کی اپیل

صدر نیشنل لیبر فیڈریشن پاکستان، شمس الرحمن سواتی صاحب نے اپنے ویڈیو پیغام میں تمام مزدوروں، ورکرز اور اساتذہ سے اپیل کی ہے کہ جماعت اسلامی کی جانب سے 16 اگست سے جاری دھرنے میں بھرپور شرکت کریں۔

یہ دھرنا پٹرول اور ڈیزل پر لیوی، مہنگے بجلی کے بلوں اور بڑھتی ہوئی مہنگائی کے خلاف جاری ہے۔

تمام مزدور، ورکرز اور اساتذہ کل 21 اگست کو دھرنے میں بھرپور شرکت کریں اور اپنے حقوق کے لیے آواز بلند کرتے ہوئے اپنا قومی فرض ادا کریں۔

آپ کی شرکت ہی آپ کی طاقت ہے۔
اپنے حق کے لیے آواز اٹھائیں!

18/08/2026

پٹرول مہنگا، عوام کا صبر کب تک؟
دھرنوں اور احتجاج کے باوجود پٹرول کی قیمت میں اضافہ—کیا عوام کی آواز اتنی بے معنی ہے؟
یاد رکھیں! عوام کی طاقت کو دبایا نہیں جا سکتا۔ جدوجہد کبھی رائیگاں نہیں جاتی۔
ہم مہنگائی، ظلم، استحصال اور ناانصافی کو قبول نہیں کریں گے۔
اب صرف پٹرول سستا کرانا مقصد نہیں،
اب ’’بدلو نظام‘‘ ہمارا ہدف ہے!
اپنے حق کے لیے متحد ہو جاؤ، آواز بلند کرو، جدوجہد جاری رکھو۔
مزاحمت راستہ ہے، اتحاد طاقت ہے، اور عوام کی فتح ہمارا مقدر ہے۔
#مہنگائی

16/08/2026

14/08/2026

"یہ پیغام نیشنل لیبر فیڈریشن مالاکنڈ کی طرف سے، پاکستان کے ہر محنت کش کے نام۔
ہم ایسا پاکستان چاہتے ہیں جہاں مزدور کو اس کی محنت کا پورا حق، باعزت روزگار، مناسب اجرت، آرام، علاج اور اس کے بچوں کو تعلیم کا حق حاصل ہو۔
مزدور خوشحال ہوگا تو پاکستان مضبوط ہوگا۔
پاکستان زندہ باد!" 🇵🇰

13/08/2026

یومِ آزادی — 14 اگست 🇵🇰

نیشنل لیبر فیڈریشن پاکستان کی جانب سے پوری قوم کو یومِ آزادی مبارک!

آزادی صرف ایک جشن کا نام نہیں، بلکہ یہ ایک ذمہ داری، عہد اور جدوجہد کا نام ہے۔
ہم عہد کرتے ہیں کہ پاکستان کو ایسا ملک بنانے کے لیے اپنا کردار ادا کریں گے جہاں محنت کش کو عزت، مزدور کو اس کا حق، کسان کو خوشحالی، نوجوان کو روزگار اور ہر شہری کو انصاف و تحفظ حاصل ہو۔

ہماری آزادی کا اصل مقصد ایک ایسا پاکستان ہے جو خودمختار، مضبوط، خوشحال اور اسلامی و جمہوری اقدار کا علمبردار ہو۔

آئیں! اس یومِ آزادی پر عہد کریں کہ ہم اتحاد، دیانت، محنت اور قومی یکجہتی کے ذریعے پاکستان کی ترقی میں اپنا حصہ ڈالیں گے۔

پاکستان زندہ باد! 🇵🇰
مزدور اتحاد زندہ باد! ✊
قومی یکجہتی پائندہ باد!

نیشنل لیبر فیڈریشن پاکستان

10/08/2026

پریس ریلیز

درگئی میں گڈز ٹرانسپورٹ ایسوسی ایشن کے دھرنے کی مکمل حمایت کا اعلان

درگئی، 10 اگست 2024: تحصیل درگئی کے مقام پر گڈز ٹرانسپورٹ ایسوسی ایشن کی جانب سے جاری احتجاجی دھرنے کے دوسرے روز نیشنل لیبر فیڈریشن کے صدر جناب رشید احمد قاضی صاحب اور جنرل سیکرٹری مصنف شاہ. نے دھرنے میں شرکت کی اور ٹرانسپورٹرز سے ملاقات کرکے ان کے مسائل اور مطالبات تفصیل سے سنے۔

ٹرانسپورٹرز نے وفد کو بتایا کہ ڈیزل اور پٹرولیم مصنوعات کی مسلسل بڑھتی ہوئی قیمتوں، مختلف شاہراہوں پر ٹول ٹیکسز میں اضافے، اور مختلف سرکاری و غیر سرکاری اداروں کی جانب سے غیر ضروری اور مبینہ طور پر ناجائز چالانوں اور پرچوں نے ٹرانسپورٹ کے شعبے کو شدید مشکلات سے دوچار کر دیا ہے۔

ٹرانسپورٹرز کے اہم مسائل

🔴 ڈیزل اور پٹرول کی بڑھتی ہوئی قیمتیں
ایندھن کی قیمتوں میں مسلسل اضافے سے مال بردار گاڑیوں کے اخراجات میں غیر معمولی اضافہ ہو چکا ہے، جبکہ کرایوں اور آمدنی میں اسی تناسب سے اضافہ نہیں ہوا۔

🔴 ٹول ٹیکسز کا بڑھتا ہوا بوجھ
مختلف شاہراہوں پر ٹول پلازوں اور ٹول ٹیکسز کی بھرمار نے طویل فاصلے کی ٹرانسپورٹ کے اخراجات مزید بڑھا دیے ہیں۔

🔴 غیر ضروری چالان اور پرچے
ٹرانسپورٹرز کے مطابق مختلف اداروں کی جانب سے بار بار چالان، پرچے اور دیگر کارروائیاں ٹرانسپورٹ کاروبار کے لیے ایک اضافی مالی بوجھ بن چکی ہیں۔

🔴 ٹرانسپورٹ کاروبار کا بحران
مسلسل بڑھتے اخراجات کے باعث بہت سے ٹرانسپورٹرز نے اپنی گاڑیاں کھڑی کرنے پر مجبور ہو کر دی ہیں، جس سے پورا ٹرانسپورٹ سیکٹر متاثر ہو رہا ہے۔

🔴 ڈرائیورز اور کنڈکٹرز کے روزگار کا مسئلہ
گاڑیوں کے کھڑے ہونے سے ان کے ساتھ کام کرنے والے ڈرائیورز، کنڈکٹرز، مکینکس اور دیگر محنت کشوں کو براہِ راست مالی مشکلات کا سامنا ہے۔ اس صورتحال سے سینکڑوں خاندانوں کے روزگار متاثر ہونے کا خدشہ ہے۔

نیشنل لیبر فیڈریشن کا مؤقف

نیشنل لیبر فیڈریشن نے گڈز ٹرانسپورٹ ایسوسی ایشن کے مطالبات کو جائز اور قابلِ غور قرار دیتے ہوئے ان کے ساتھ مکمل یکجہتی اور حمایت کا اعلان کیا۔

نیشنل لیبر فیڈریشن نے مطالبہ کیا کہ صوبائی حکومت فوری طور پر گڈز ٹرانسپورٹرز کے نمائندگان کے ساتھ بامقصد مذاکرات کرے، ان کے جائز مطالبات سنے اور عملی اقدامات کے ذریعے ٹرانسپورٹ شعبے کو درپیش مشکلات کا ازالہ کرے۔

نیشنل لیبر فیڈریشن کا کہنا ہے کہ ٹرانسپورٹرز صرف گاڑیوں کے مالکان نہیں بلکہ ان کے ساتھ ہزاروں ڈرائیورز، کنڈکٹرز، مکینکس، ہیلپرز اور دیگر محنت کشوں کا روزگار وابستہ ہے۔ اس لیے ٹرانسپورٹ کے بحران کو صرف کاروباری مسئلہ سمجھنے کے بجائے اسے محنت کش طبقے اور روزگار کا مسئلہ بھی سمجھا جائے۔

حکومت فوری مذاکرات کرے، ٹرانسپورٹرز کے جائز مطالبات تسلیم کرے اور محنت کشوں کے روزگار کو تحفظ فراہم کرے۔

جنرل سیکرٹری مصنف شاہ.
نیشنل لیبر فیڈریشن — ضلع ملاکنڈ

07/08/2026

ملاکنڈ ڈویژن کے محنت کشوں کے حقوق پر سمجھوتہ ہرگز قبول نہیں!

06/08/2026

نیشنل لیبر فیڈریشن پاکستان کے صدر محترم جناب شمس الرحمن سواتی صاحب نے شانگلہ اور بلوچستان کی کوئلہ کانوں میں شہید ہونے والے محنت کشوں کے متاثرہ خاندانوں سے ملاقات کی، ان سے دلی تعزیت اور اظہارِ ہمدردی کیا، اور بعد ازاں میڈیا سے گفتگو کرتے ہوئے حکومت سے مطالبہ کیا کہ کان حادثات کی شفاف تحقیقات، ذمہ داروں کے خلاف کارروائی، اور کان کنوں کے لیے مؤثر حفاظتی اقدامات اور بہتر سہولیات کو یقینی بنایا جائے۔