26/08/2026
فوری انسانی اپیل — مایار موڑ
مایار موڑ کی انتظار گاہ میں رات کی تاریکی میں دو بزرگ خواتین کو بے یار و مددگار حالت میں ان کے گھریلو سامان سمیت چھوڑ دیا گیا ہے۔ افسوسناک بات یہ ہے کہ ان میں سے ایک خاتون فالج زدہ اور بیمار ہیں، جبکہ دوسری بھی عمر رسیدہ ہیں۔
یہ خواتین اس وقت مایار موڑ کی انتظار گاہ میں موجود ہیں، جہاں نہ مناسب رہائش ہے، نہ بیت الخلا اور نہ ہی ان کی دیکھ بھال کا کوئی انتظام۔ ان کا گھریلو سامان بھی ان کے ساتھ موجود ہے۔
اگر کوئی شخص ان خواتین کو جانتا ہے، ان کے گھر والوں یا رشتہ داروں سے واقف ہے تو براہِ کرم فوری طور پر مایار موڑ پہنچ کر انہیں اپنے ساتھ لے جائے۔
ساتھ ہی متعلقہ انتظامیہ اور پولیس سے بھی اپیل ہے کہ اس معاملے کا فوری نوٹس لیا جائے اور معلوم کیا جائے کہ ان بزرگ خواتین کو یہاں کس نے چھوڑا اور ان کے ساتھ ایسا سلوک کیوں کیا گیا۔ اگر کسی نے انہیں زبردستی یا کسی ناجائز مقصد کے تحت بے سہارا چھوڑا ہے تو اس معاملے کی مکمل تحقیقات ہونی چاہیے۔
بزرگ خواتین کو اس طرح بے یار و مددگار چھوڑ دینا ظلم اور انتہائی غیر انسانی عمل ہے۔ خدارا انسانیت کے ناتے ان کی مدد کریں اور یہ پیغام زیادہ سے زیادہ شیئر کریں تاکہ ان کے اہلِ خانہ تک یہ اطلاع پہنچ سکے۔
