12/07/2026
آل کارپینٹرز اینڈ فرنیچر ڈیلرز ایسوسی ایشن عیدگاہ روڈ مردان کے انتخابات 2026-2028 کے سلسلے میں ووٹرز لسٹ پر تحفظات، انتخابات کے لئے مقرر الیکشن کمیٹی کی جانبداری اور مشکوک کردار پر سکندر خان سابقہ صدر عید گاہ روڈ مردان اور ان کے پینل موجودہ صدارتی امیدوار سید محمد شینو اور جنرل سیکرٹری عمیر خان یوسفزئی کی جانب سے شدید تحفظات کا اظہار کیا گیا ہے ۔امیدواروں نے شفاف انتخابی عمل کا مطالبہ کرتے ہوئے موجودہ الیکشن کمیٹی پر عدم اعتماد کا اظہار کیا اور ان سے مستعفی ہونے اور ووٹرز لسٹ کی درستگی تک انتخابات ملتوی ہونے کا مطالبہ کیا ہے ۔
انہوں نے کہا کہ ووٹرز لسٹ میں صرف عیدگاہ مارکیٹ تک محدود رہنے کے بجائے دیگر مارکیٹوں کے افراد کو بھی شامل کیا گیا ہے۔ اس کے علاؤہ ووٹرز لسٹ میں غیر متعلقہ اور جلعی ووٹوں کا اندراج جان بوج کر کیا گیا ہے۔ موجودہ الیکشن کمیٹی نے ہمارے مخالف امیدواروں کے ساتھ گٹھ جوڑ اور سازش کر کے انتخابی عمل کی شفافیت اور موجودہ الیکشن کمیٹی کی غیر جانبداری پر بڑا سوالیہ نشان کھڑا کر دیا ہے۔ جس پر سنجیدہ سوالات جنم لے رہے ہیں۔ ان کے مطابق انتخابی عمل کی شفافیت، غیر جانبداری اور تمام امیدواروں کے مساوی حقوق کو یقینی بنانے اور ووٹرز لسٹ پر نظرثانی کرنے تک انتخابات کو ملتوی کیا جائے اور تمام تحفظات دور کیے جائیں تاکہ کوئی بھی فریق انتخابی نتائج پر اعتراض نہ اٹھا سکے۔
سابقہ صدر سکندر خان اور موجودہ صدارتی امیدوار سید محمد شینو نے مزید کہا کہ ووٹرز لسٹ میں غلطی، غیر متعلقہ ووٹرز کی شمولیت اور غلط اندراج پر الیکشن کمیٹی کو متعدد بار درخواستیں جمع کی گئی تاہم الیکشن کمیٹی نے غیر جانبدار رہنے کے بجائے مخالف امیدواروں کے الاےکار کا کردار ادا کیا ہے۔ الیکشن کمیٹی کے چیئرمین ایاز خان کے مستعفی ہونے کے بعد موجودہ الیکشن کمیٹی اپنی قانونی اور اخلاقی جواز کھو چکی ہے۔
ان حالات کے تناظر میں آل کارپینٹرز اینڈ فرنیچر ڈیلرز ایسوسی ایشن عیدگاہ روڈ مردان کے چیئرمین جناب حاجی شھزادہ نے الیکشن کمیٹی کو تحلیل کرنے کا اعلان کردیا ہے اور ووٹرز لسٹ کی درستگی تک قائم مقام صدر جناب طارق لودھی کو نامزد کیا ہے اور اپنی ذمداریاں پوری کرنے کا فیصلہ کیا ہے۔
ایسوسی ایشن کے چیئرمین حاجی شھزادہ نے کہا کہ انتخابی عمل کو مکمل طور پر شفاف، منصفانہ اور قواعد و ضوابط کے مطابق یقینی بنایا جائے گا۔
