08/04/2026
آرفن فیملی سپورٹ پروگرام کا ماہانہ اجلاس ڈاکٹر عادل محمد (جنرل منیجر الخدمت فاونڈیشن خیبر پختونخوا) کی زیرِ نگرانی منعقد ہوا، جس میں صوبہ بھر سے پروگرام سے وابستہ ذمہ داران نے شرکت کی۔
اجلاس میں ڈاکٹر ارشد احمد (صدر، الخدمت فاؤنڈیشن مردان) اور سابق سینیٹر و سابق امیر جماعت اسلامی پاکستان سراج الحق نے خصوصی شرکت کی اور شرکاء سے خطاب کیا۔
مقررین نے یتیم بچوں کی کفالت، معیاری تعلیم و تربیت اور فلاحی خدمات کی مؤثر فراہمی کی اہمیت پر زور دیا، اور ذمہ داران کو ہدایت کی کہ وہ اپنی ذمہ داریاں مزید احسن انداز میں انجام دیں تاکہ مستحق بچوں اور ان کے خاندانوں کو بہتر سہولیات فراہم کی جا سکیں۔
اجلاس کے دوران پروگرام کی کارکردگی کا جائزہ لیا گیا اور آئندہ کے لیے جامع حکمت عملی پر تبادلۂ خیال کیا گیا۔ یہ اجلاس پروگرام کی بہتری، باہمی روابط کے فروغ اور مؤثر پیش رفت کی جانب ایک اہم قدم ثابت ہوا۔
