26/08/2026
Good job
اہلیانِ ڈھوڈیال محترم جناب حنیف گوہر صاحب کی گرانقدر اور بے لوث خدمات پر اُن کے تہہِ دل سے ممنون و مشکور ہیں۔ گورنمنٹ گرلز ہائی سکول ڈھوڈیال کے لیے جدید ترین آئی ٹی لیب کا قیام ایک انتہائی دور اندیشانہ اور قابلِ تحسین اقدام ہے، جو علاقے میں دخترانِ ملّت کے روشن اور تابناک مستقبل کی ضمانت ثابت ہوگا۔ عصرِ حاضر کے تقاضوں سے ہم آہنگ اس ٹیکنالوجی لیب کا اعلان بلاشبہ ڈھوڈیال کے تعلیمی سفر میں ایک سنگِ میل کی حیثیت رکھتا ہے۔
اس کے ساتھ ساتھ، طالبات کو دورِ جدید کی تعلیمی سہولیات سے آراستہ کرنے کے لیے دن رات ایک کرنے والے ڈھوڈیال یوتھ فورس کے بانی، جناب ضیاء الحسن صاحب، اور گرلز ہائی سکول کی فاضل پرنسپل صاحبہ کا جذبہ، انتھک محنت اور کاوشیں بھی لائقِ صد تحسین و آفرین ہیں۔ ان شخصیات کا یہ خلوصِ نیت اور تعلیمی بیداری کے لیے پیہم جدوجہد نہ صرف لائقِ تقلید ہے بلکہ پور علاقے کے لیے باعثِ فخر ہے۔
حق بات یہ ہے کہ قوموں کی ترقی کا راز تعلیم کی شمع روشن کرنے اور بالخصوص خواتین کی تعلیمی و فنی تربیت میں پنہاں ہے۔ اہلؚ ڈھوڈیال اس عظیم کاوش میں حصہ لینے والے تمام اراکینِ کاوش و بااثر شخصیات کے لیے دستِ بدعا ہیں اور امید کرتے ہیں کہ علاقے کی بہتری کا یہ سفر اسی جذبے اور خلوص کے ساتھ آئندہ بھی جاری و ساری رہے گا۔
