11/04/2026
✨ نذیر میموریل ہیلتھ سروسز ملکوال میں انسانیت کی خدمت کی روشن مثال ✨
پاکستان پبلک ہیلپ فاؤنڈیشن کے زیرِ سایہ قائم نذیر میموریل ہیلتھ سروسز ملکوال میں آج بروز ہفتہ ماہر ڈاکٹرز کی نگرانی میں 46 مریضوں کے کامیاب آنکھوں کے آپریشنز کیے گئے۔ ان آپریشنز میں مستحق افراد کو خصوصی طور پر شامل کیا گیا، جس سے دکھی انسانیت کی خدمت کا عملی مظاہرہ دیکھنے میں آیا۔
اس موقع پر حماد اقبال تارڑ نے ہسپتال کا دورہ کیا۔ انہوں نے مختلف شعبہ جات کا تفصیلی معائنہ کیا، مریضوں سے ملاقات کی اور ان کی خیریت دریافت کی۔ اس موقع پر ان کا کہنا تھا کہ انسانیت کی خدمت ایک عظیم فریضہ ہے اور ایسے فلاحی اقدامات معاشرے میں مثبت تبدیلی کا باعث بنتے ہیں۔
ہسپتال انتظامیہ کے مطابق تمام آپریشنز جدید طبی سہولیات اور تجربہ کار ڈاکٹرز کی نگرانی میں نہایت احتیاط اور اعلیٰ معیار کے مطابق انجام دیے جاتے ہیں۔ مریضوں کی مکمل دیکھ بھال کے لیے بھی خصوصی انتظامات کیے گئے، جس پر لوگوں نے اس کاوش کو بے حد سراہا اور اسے خدمتِ خلق کی بہترین مثال قرار دیا۔
پاکستان پبلک ہیلپ فاؤنڈیشن مخیر حضرات سے اپیل کرتی ہے کہ وہ اس نیکی کے سفر میں ہمارے ساتھ شامل ہو کر اپنی مدد کے ذریعے ضرورت مند افراد کی زندگیوں میں روشنی لانے کا سبب بنیں۔
