12/07/2026
اسان جي علائقي جو سڀ کان وڏو مسئلو رڳو خراب حڪمراني نه، پر اها چمچاگيري به آهي، جيڪا هر ناڪامي تي پردو وجهي ٿي.
ڪجهه ماڻهو هر وقت "وڏيرا صاحب، سردار صاحب" جا قصيدا پڙهندا رهن ٿا، ڄڻ PS-13 ۽ NA-195 يان يوسي ماٽو ڪلي پئرس يا لنڊن بڻجي ويا هجن. جيڪڏهن واقعي ايتري ترقي ٿي آهي، ته پوءِ ٽٽل رستا، بند نالا، گندگي، اونداهيون گهٽيون، پيئڻ جي پاڻي جا مسئلا ۽ بنيادي سهولتن جي کوٽ آخر ڇو آهي؟
چاپلوسي سان نه ترقي ايندي، نه عوام جا مسئلا حل ٿيندا. جمهوريت ۾ نمائندن کان سندن ڪارڪردگي بابت سوال ڪرڻ هر شهري جو حق آهي، ۽ نمائندن جي ذميواري آهي ته هو عوام کي پنهنجي ڪم جو حساب ڏين.
عزت خوشامد سان نه، پر ڪردار، سچ ۽ عوام جي خدمت سان ملندي آهي.
چمچاگيري ڇڏي، پنهنجي ڳوٺ، پنهنجي ماڻهن ۽ پنهنجي حقن جي ڳالهه ڪريو. شخصيتن جي نه، ڪارڪردگي جي حمايت ڪريو.
هاڻي وقت تعريفن جو نه، احتساب جو آهي.
هاڻي وقت خاموشي جو نه، حق جي آواز جو آهي.
