28/08/2026
عزمِ نو ویلفیئر فاؤنڈیشن اور UDO Helping Hands (HHRD) کے درمیان ایک تعارفی و مشاورتی اجلاس منعقد ہوا، جس کا بنیادی مقصد سماجی بہبود کے مختلف شعبوں میں باہمی تعاون کو فروغ دینا اور آئندہ مشترکہ فلاحی سرگرمیوں کے لیے مضبوط شراکت داری قائم کرنا تھا۔
اجلاس میں HHRD کے سوشل موبلائزر ہیڈ جناب عتیق الرحمن صاحب اور جناب شاہد اللہ خان صاحب (فوکل پرسن، سابق میئر حاجی عزیز اللہ خان) نے شرکت کی۔
اجلاس کے دوران اس بات پر اتفاقِ رائے پایا گیا کہ Helping Hands (HHRD) اور حاجی عزیز اللہ خان کی ٹیم ہمیشہ کی طرح عزمِ نو ویلفیئر فاؤنڈیشن کے ساتھ ہر ممکن تعاون جاری رکھے گی، خصوصاً:
• یتیم بچوں کی تعلیمی فیس اور تعلیمی معاونت۔
• مستحق اور غریب خاندانوں کے لیے راشن کی فراہمی۔
• غریب افراد کو باعزت روزگار کے لیے چھوٹے کاروبار کے آغاز میں معاونت۔
• بیواؤں اور نادار خواتین کی مالی امداد اور فلاح و بہبود۔
اجلاس کے اختتام پر الحمدللہ دونوں معزز نمائندگان نے عزمِ نو ویلفیئر فاؤنڈیشن کی خدمات کو سراہا، اس کی فلاحی کاوشوں کو قابلِ تحسین قرار دیا اور آئندہ بھی ہر ممکن تعاون کی یقین دہانی کرائی۔
ہم پُرامید ہیں کہ عوامی فلاح و بہبود اور علاقائی ترقی کے اس مشترکہ سفر میں حاجی عزیز اللہ خان صاحب اور ان کی ٹیم مستقبل میں بھی اسی جذبے، خلوص اور بھرپور تعاون کے ساتھ عزمِ نو ویلفیئر فاؤنڈیشن کا ساتھ دیتی رہے گی۔ ان شاء اللہ۔
