Smiling face community developers

24/06/2026

سمائلنگ فیس کمیونٹی ڈویلپرز تھیٹر ٹیم کی جانب سے شرکت گاہ اور لیبر ایجوکیشن فاؤنڈیشن کے تعاون سے خالق نگر لاہور میں "خواتین کارکنوں کو بااختیار بنانا" اور کام کی جگہ پر ہراسانی کے موضوع پر تھیٹر پرفارمنس کی چند تصویری جھلکیاں۔

23/03/2026

خدا کرے میری ارض پاک پر اترے
وہ فصلِ گل جسے اندیشہء زوال نہ ہو
یوم قرارداد پاکستان مبارک ہو!

11/02/2026

انٹریکٹو ریسورس سینٹر اور ماٹی ٹی وی کی جانب سے عروج مریم رینیول سینٹر یوحنا آباد میں انٹریکٹو تھیٹر کا انعقاد کیا گیا اس تقریب کی میزبانی کے فرائض سمائلنگ فیس کمیونٹی ڈیویلپرز کی جانب سے ادا کیے گئے تھیٹر کا مقصد معاشرے میں موجود کم عمری کی شادی، گھریلو تشدد اور ذہنی صحت جیسے مسائل کی نشاندہی کرنا، لوگوں کو اس بارے میں آگاہی فراہم کرنا اور ان مسائل کے حل کے لیے رائے عامہ استوار کرنا تھا۔ اس موقعے پر ڈائریکٹر انٹریکٹو ریسورس سینٹر جناب وسیم احمد کے ساتھ ماٹی ٹی وی کی ٹیم نے بھرپور شرکت کی دیگر مہمانان خاص میں پی یو جے دستور کے جوائنٹ سیکرٹری ڈاکٹر جاوید حاکم، سٹی پریس کلب کے جنرل سیکٹری عبدالرشید بھٹہ، نشتر ٹاؤن پریس کلب کے صدر ہارون خان، جنرل سیکرٹری شاہد جٹ ،سینیئر نائب صدر اکرم فوجی، نائب صدر ایم اے تبسم ،نائب صدر اقبال نیازی، مرزا عبداللطیف بیگ اور شبیر کھوکھر شامل تھے۔ میڈم نوشین خالد کی سرپرستی میں رواداری تحریک کے ممبران نے بھی شرکت کی۔ لیبر ایجوکیشن فاؤنڈیشن کی جانب سے میڈم سدرہ، سلیمان اور نازش جاوید پروگرام میں شریک ہوئے۔ دیگر مہمانوں میں ڈاکٹر پرویزشہزاد میو، لیاقت بھٹی، ریاض مسیح، جاوید مولا شامل تھے۔ اس موقع پرمختلف مکاتب فکر اور شعبہ ہائے زندگی سے تعلق رکھنے والے لوگوں کی ایک بڑی تعداد نے شرکت کی حاضرین نے تھیٹر کے موضوع کو بے حد سراہا اور تھیٹر میں شریک فنکاروں کی بہترین پرفارمنس پر انہیں بھرپور داد دی۔ حاضرین کا کہنا تھا کہ اس طرح کے پروگراموں کا انعقاد وقت کی ا ہم ضرورت ہے تاکہ ان مسائل کو اجاگر کیا جا سکے، لوگوں کو اگاہی فراہم کی جائے اور معاشرے میں ایک مثبت اور تعمیری رائے عامہ قائم ہو سکے۔ پروگرام کے اختتام پر سمائلنگ فیس کمیونٹی ڈیویلپرز کے چیئرمین عامر سہیل مٹو نے تمام حاضرین کا شکریہ ادا کیا بعد ازاں تمام شرکاء لیے عشائیے کا اہتمام کیا گیا تھا۔

16/12/2025

سمائلنگ فیس کمیونٹی ڈویلپرز کی جانب سے انٹریکٹو ریسورس سینٹر اور ماٹی ٹی وی کے تعاون سے کرسمس کی مناسبت سے زم زم مارکی عطا بخش روڈ لاہور میں خوبصورت پروگرام کا انعقاد کیا گیا۔ پروگرام کے مہمانان خاص میں ممبر صوبائی اسمبلی پنجاب اور سابقہ صوبائی وزیر برائے اقلیتی امور، انسانی حقوق و مذہبی ہم آہنگی جناب اعجاز عالم اگسٹین، سابقہ ناظم و راہنما مسلم لیگ(ن) ایڈوکیٹ ہائی کورٹ ڈاکٹر طارق جاوید طارق، چیئرمین یو سی 243 جناب ملک طاہر اعوان، چیئرمین یو سی 242 جناب حاجی حمید میںو، جنرل سیکرٹری لیبر ونگ پی پی مسلم لیگ (ن) جناب غلام حسین اعوان، ایس ایچ او تھانہ نشتر کالونی جناب زاہد محمود، انسپیکٹر ٹریفک پولیس چوہدری عرفان گل، رہنما ہندو کمیونٹی ملتان نویل جانی، امریکہ سے آئی خاص مہمان راشدہ منہاس، سوشل ایکٹیوسٹ جناب اطہر جہانیاں، سیاسی و سماجی کارکن لیاقت بھٹی، کونسلر ریاض مسیح شامل تھے۔ اس کے علاوہ اہلیان علاقہ کی بڑی تعداد نے شرکت کی۔ پروگرام کی میزبانی کے فرائض جناب جاوید مولا نے ادا کیے۔ پروگرام کا اغاز پاسٹر فنہاس چوہان نے دعا کے ساتھ کیا۔ پروگرام کا تعارف کرواتے ہوئے سمائلنگ فیس کمیونٹی ڈویلپرز کے چیئرمین جناب عامر سہیل مٹو نے تمام حاضرین کو کرسمس کی مبارکباد دی۔ سمائلنگ فیس کمیونٹی ایجوکیشنل اکیڈمی کے بچوں نے ویلکم سانگ پر خوبصورت ٹیبلو پیش کیا۔ ملتان سے آئی آر سی کی تھیٹریکل ٹیم نے پاکستان میں موجود مذہبی اقلیتوں کو درپیش مسائل اور موجودہ حکومت کی جانب سے مذہبی اقلیتوں کو درپیش مسائل کے حل اور ان کے حقوق کے تحفظ کو یقینی بنانے کے لیے کیے گئے احسن اقدامات کو موضوع بناتے ہوئے خوبصورت تھیٹر پرفارم کیا۔ اس موقع پر معزز مہمانان گرامی کو پھولوں کے گلدستے پیش کیے گئے۔ کرسمس کی خوشی میں کرسمس کیک بھی کاٹا گیا جس میں شرکاء اور مہمانوں نے بھرپور جوش و خروش کے ساتھ شرکت کی۔ مقررین نے کہا کہ مستقبل میں بھی سماجی بہتری، انسانی حقوق اور بین المذاہب ہم آہنگی کے لیے اسی طرح کی سرگرمیاں جاری رکھی جائیں گی۔ ۔

27/11/2025

Upcoming event

23/10/2025