06/06/2026
المصطفیٰ پاکستان کا ملک گیر قربانی پروجیکٹ 2026 کامیابی کے ساتھ مکمل ۔۔۔
المصطفی ویلفیئر ٹرسٹ کے زیر اہتمام دنیا کے 24 ممالک سمیت پاکستان کے چاروں صوبوں اور آزاد کشمیر کے 68 مقامات پر اجتماعی قربانی کا منظم اور موثر اہتمام کیا گیا ۔۔۔ پاکستان میں مجموعی طور پر 12 لاکھ 82 ہزار افراد نے المصطفی کے قربانی پروجیکٹ سے استفادہ کیا ۔۔۔ تین ہزار گائیں اور 500 بکرے ذبح کر کے 320500 کلو گوشت تقسیم کیا گیا ۔۔ عید قربان کے موقع پر مسلسل تین روز ان لاکھوں بندگان خدا تک عزت و احترام کے ساتھ گوشت پہنچایا گیا جو سال بھر گوشت نہیں کھا سکتے ۔۔ ہسپتالوں ، یتیم خانوں ، اولڈ ایج ہومز ، جیلوں ، ذہنی امراض میں مبتلا افراد کے اداروں میں پکا ہوا کھانا تقسیم کیا گیا ۔۔۔ جن شہروں اور قصبوں میں اجتماعی قربانی کا اہتمام کیا گیا ان میں لاہور ، اٹک ، مانسہرہ ، اسلام آباد ، مظفر آباد ( آزاد کشمیر ) ، میاں چنوں ، چولستان ، مظفرگڑھ ، علی پور ، احمد پور شرقیہ ، جھنگ ، راولپنڈی ، چنیوٹ ، سبی ، ڈیرہ مراد جمالی ، صحبت پور ، سکھر ، تھرپارکر ، کامونکی ، قصور ، پتوکی ، ٹانڈہ گجرات ، سمبڑیال ، سیالکوٹ ، چھانگا مانگا ، کوٹلی ، وادی نیلم اور دوسرے کئی شہر شامل ہیں ۔۔ لاہور میں مزنگ روڈ پر المصطفی کے ہیڈ آفس میں مسلسل تین دن گوشت کی تقسیم کا سلسلہ وقفے وقفے سے جاری رہا ۔۔ چیئرمین المصطفی ویلفیئر ٹرسٹ جناب عبدالرزاق ساجد نے اولڈ ایج ہوم ٹاؤن شپ لاہور میں مقیم بزرگوں اور فاؤنٹین ہاؤس لاہور میں مقیم ذہنی امراض کے شکار افراد کے ساتھ عید منائی اور مزنگ روڈ پر اپنے ہاتھوں سے گوشت تقسیم کیا ۔۔ المصطفی ٹیم اور المصطفی کے رضاکاروں نے عید کے تین دن اپنے گھروں کی بجائے خدمت انسانیت کے مشن میں بسر کئے ۔۔ مجموعی طور پر سات ہزار رضاکاروں نے قربانی پروجیکٹ میں خدمات سر انجام دیں ۔۔ معزز ڈونرز کا بےحد شکریہ ، جن کے فراخدلانہ اور مخلصانہ تعاون سے لاکھوں انسانوں کو عید کی خوشیوں میں شامل کیا گیا ۔۔ اور مرجھائے چہروں پر خوشیوں بھری مسکراہٹ سجائی گئی ۔۔
المصطفی کا نظریہ
مخلوق سے بھلائی ۔ خالق تک رسائی
المصطفی ٹیم کا عزم
ہر وقت خدمت ، بروقت خدمت
