08/08/2026
بہاولپور کے نواحی گاؤں “ بستی شہبازو موضع کلانچ “ میں المصطفی ویلفیئر ٹرسٹ کی طرف سے لگائے گئے واٹر فلٹریشن آر او پلانٹ کا افتتاح ۔۔۔
ایم ڈی المصطفی پاکستان محترمہ نصرت سلیم اور وائس چانسلر اسلامیہ یونیورسٹی بہاولپور پروفیسر ڈاکٹر محمد کامران نے افتتاح کیا جبکہ افتتاحی تقریب کے شرکاء میں اسلامیہ یونیورسٹی بہاولپور کی ایلومینائی کے صدر اعجاز احمد فقہی ، چیئرمین یونین کونسل میانی ملک مجاہد سندھا ، مینیجر ساؤتھ المصطفی ارحم سلیم قادری ، ہیڈ آف میڈیا اینڈ پبلک ریلیشنز المصطفی پاکستان محمد نواز کھرل اور اسلامیہ یونیورسٹی بہاولپور کے ڈائریکٹر سٹوڈنٹ افیئرز ڈاکٹر آصف نوید رانجھا شامل تھے ۔ اس موقع پر علاقہ کے معززین کی بڑی تعداد بھی موجود تھی ۔ بستی کے مکینوں نے صاف پانی کی فراہمی پر خوشی کا اظہار کیا اور المصطفی کے ڈونرز کا شکریہ ادا کیا ۔ المصطفی کے اس واٹر فلٹریشن پلانٹ سے دیہی علاقہ کے ہزاروں غریب لوگوں کو صاف پانی میسر آئے گا ۔ المصطفی کی طرف سے اسی طرح کے واٹر فلٹریشن پلانٹ چاروں صوبوں اور آزاد کشمیر کے مختلف مقامات پر لگائے جا چکے ہیں ۔ اور یہ سلسلہ جاری ہے ۔
آیئے ! بندگان خدا کو صاف پانی کی فراہمی کے اس منصوبے میں المصطفی کا ساتھ دیں ۔۔ نیکیاں کمائیں ، اجر پائیں ۔۔۔
