20/10/2026
یہ منظر کوٹ ادو کے ٹرک اڈے کا ہے، جہاں دو دبلے پتلے اسکول کے لڑکے چاول لے کر بیٹھے۔ انہوں نے چاول کے ساتھ پچاس پچاس روپے کی تین نلیوں کا بون میرو (گودا) بھی اضافی ڈلوا لیا۔ لیکن جب وہ زیادہ کھانا کھا نہ سکے تو ادھوری پلیٹ وہیں چھوڑ کر جانے لگے۔
جب میں وہاں سے گزر رہا تھا اور میں نے دیکھا کہ اتنی نعمت اور چاول کی پلیٹ ضائع ہو رہی ہے، تو مجھ سے یہ رزق کی بربادی برداشت نہ ہوئی۔ میں نے فوراً وہی پلیٹ اٹھائی، اس میں مزید سو روپے کے چاول ڈلوائے اور اسے شوق سے کھایا۔
ایک فوڈ بلاگر ہونے کے ناطے میں اچھی طرح جانتا ہوں کہ کھانا کتنی محنت اور مشکل سے تیار ہوتا ہے، اور ہمارے کتنے ہی غریب مسلمان بھائی ایسے ہیں جو اسے خریدنے کی استطاعت نہیں رکھتے۔ چھوٹا یا بڑا ہونے سے کوئی فرق نہیں پڑتا؛ رزق اللہ کی نعمت ہے اور اس کا ضائع ہونا دل کو دکھ دیتا ہے۔
میرا آپ سب کے لیے یہی پیغام ہے کہ اگر آپ کو بھی کبھی ایسا موقع ملے تو بغیر کسی جھجک اور شرم کے ایسا کھانا کھا لیا کریں۔ لوگوں کی پرواہ مت کریں کیونکہ یہ چند دن کی زندگی ہے اور ایک دن سب نے چلے جانا ہے۔ مگر رزق کو ضائع مت ہونے دیں، ذمہ دار بنیں اور ایک پختہ سوچ کا مظاہرہ کریں۔