21/05/2026
ملک محیط خان صاحب!
بحیثیتِ نرسنگ طلبہ کے نمائندے ہم آپ کی عزت اور قدر کرتے ہیں، لیکن افسوس کے ساتھ کہنا پڑتا ہے کہ حقیقت کو نظر انداز کرکے جھوٹا کریڈٹ دینا طلبہ کی جدوجہد کے ساتھ ناانصافی ہے۔
جب نرسنگ طلبہ سڑکوں پر تھے، احتجاجوں میں تھے، دھرنوں میں بیٹھے تھے، شدید گرمی اور مشکلات برداشت کر رہے تھے، اُس وقت کون ان کے ساتھ کھڑا تھا؟
کیا کسی نے ان طلبہ کی مالی مدد کی؟
کیا کسی نے ایک روپے کا بھی تعاون کیا؟
کیا کسی نے پوچھا کہ یہ طلبہ اپنے خرچ پر اتنی بڑی جدوجہد کیسے چلا رہے ہیں؟
حقیقت یہ ہے کہ جن لوگوں کے نام آج لیے جا رہے ہیں، انہوں نے نہ عملی طور پر ساتھ دیا، نہ مالی مدد کی، اور نہ ہی ایک پوسٹ کے ذریعے ہمدردی کا اظہار کیا۔ آج کامیابی کے بعد کریڈٹ لینے کی کوشش کرنا انتہائی افسوسناک اور ناکام سیاست کے سوا کچھ نہیں۔
یہ کامیابی صرف اور صرف نرسنگ طلبہ کی قربانیوں، اتحاد، صبر، اور مسلسل جدوجہد کا نتیجہ ہے۔ لہٰذا خدارا ایسی سیاست سے گریز کریں جو صرف اپنی تشہیر کیلئے طلبہ کی محنت استعمال کرے۔
ہم حقائق جانتے ہیں، اور عوام بھی سب دیکھ رہی ہے۔
برائے مہربانی اپنی عزت کو ایسی ناکام سیاست کی نذر نہ کریں۔
بانی صدر عاصم وزیر
کسٹ نرسنگ کمیونیٹی
