Tribal Youth Association

07/10/2026

پریس ریلیز

پشاور: ٹرائبل یوتھ ایسوسی ایشن کے مرکزی صدر مرتضیٰ محسود نے قبائلی اضلاع میں ابتر ہوتی ہوئی امن و امان کی صورتحال پر تشویش کا اظہار کرتے ہوئے کہا ہے کہ پائیدار امن، عوام کے تحفظ اور ترقی کے لیے وفاقی اور صوبائی حکومتوں کو سیاسی محاذ آرائی کو بالائے طاق رکھ کر باہمی تعاون اور مربوط حکمتِ عملی کے ساتھ آگے بڑھنا چاہیے۔

مرتضیٰ محسود کے مطابق، خیبر پختونخوا کے قبائلی اضلاع میں اس وقت دہشتگردی اپنے عروج پر پہنچ چکی ہے، جبکہ انضمام کے آٹھ سال گزرنے کے باوجود ان اضلاع میں نہ کوئی خاطر خواہ ترقیاتی کام ہوا ہے اور نہ ہی سیکیورٹی اور عدلیہ کے نظام کو مؤثر طور پر فعال کیا گیا ہے۔

محسود کا کہنا ہے کہ قبائلی اضلاع کے عوام غربت، بے روزگاری اور بدامنی کی چکی میں پس رہے ہیں، جبکہ دوسری جانب صوبے اور ملک کے حکمران سیاسی محاذ آرائی میں مصروف ہیں۔ صوبے اور وفاق کے درمیان ہونے والی سیاسی محاذ آرائی میں قبائلی اضلاع کے عوام غربت اور دہشتگردی کے رحم و کرم پر ہیں اور یہ اضلاع سماجی اور انتظامی طور پر منہدم ہونے کے قریب پہنچ چکے ہیں۔

انہوں نے کہا کہ قبائلی اضلاع کے عوام طویل عرصے سے مختلف مشکلات کا سامنا کر رہے ہیں، اس لیے سیکیورٹی کے ساتھ ساتھ تعلیم، روزگار، صحت، بنیادی سہولیات اور نوجوانوں کے لیے ترقی کے مواقع پر بھی خصوصی توجہ دینے کی ضرورت ہے۔

مرتضیٰ محسود نے وزیراعظم پاکستان میاں محمد شہباز شریف اور فیلڈ مارشل سید عاصم منیر سے مطالبہ کیا کہ قبائلی اضلاع کی صورتحال کو ترجیحی بنیادوں پر دیکھا جائے اور عوام، عمائدین، نوجوانوں اور منتخب نمائندوں سے مشاورت کے ذریعے مسائل کے حل کے لیے عملی اقدامات کیے جائیں۔

انہوں نے کہا کہ نوجوان قبائلی اضلاع کا اہم سرمایہ ہیں۔ ان کے لیے تعلیم، فنی تربیت، روزگار، کاروبار، کھیل اور دیگر مثبت سرگرمیوں کے خصوصی مواقع پیدا کیے جائیں تاکہ وہ اپنی صلاحیتیں تعمیری سرگرمیوں میں استعمال کر سکیں۔

انہوں نے وفاقی اور صوبائی حکومتوں پر زور دیا کہ سیاسی اختلافات سے بالاتر ہو کر امن و ترقی کے مشترکہ مقاصد کے لیے تعاون کو فروغ دیا جائے۔ قبائلی اضلاع میں پائیدار امن کے لیے سیکیورٹی کے ساتھ ساتھ معاشی اور سماجی ترقی پر بھی مسلسل توجہ ضروری ہے۔

مرتضی محسود، مرکزی صدر ٹرائبل یوتھ ایسوسی ایشن
















Prime Minister's Office of Pakistan KP corner Directorate of Youth Affairs KP Muhammad Sohail Afridi Mian Shehbaz Sharif Government of Pakistan DG ISPR Geo News Urdu Chief Minister Khyber Pakhtunkhwa

01/10/2026

ٹرائبل یوتھ ایسوسی ایشن اور ٹرائبل ایجوکیشن کنسلٹنسی جلد ہی طلباء و طالبات اور نوجوانوں کے لیے مختلف کورسز پر مشتمل ایک خصوصی تعلیمی، فنی اور اسکلز ڈویلپمنٹ پراجیکٹ شروع کرنے جا رہے ہیں۔

07/09/2026

نرسنگ طالبات کے ساتھ مبینہ بدسلوکی پر تشویش

پشاور میں اپنے جائز مطالبات کے لیے احتجاج کرنے والی نرسنگ طلباء و طالبات ہماری قوم کی بیٹیاں ہیں۔ احتجاج کے دوران ان کے ساتھ مبینہ بدسلوکی، تشدد اور گاڑی چڑھانے کے الزامات انتہائی تشویشناک ہیں۔

ٹرائبل یوتھ ایسوسی ایشن ایسے کسی بھی طرزِ عمل کی پُرزور مذمت کرتی ہے اور متعلقہ حکام سے مطالبہ کرتی ہے کہ واقعے کی شفاف تحقیقات کرائی جائیں، ذمہ داروں کا تعین کیا جائے اور طالبات کو انصاف فراہم کیا جائے۔

احتجاج ہر شہری کا آئینی حق ہے؛ اختلافِ رائے کا جواب طاقت نہیں بلکہ مسئلے کے پُرامن حل سے دیا جانا چاہیے۔

ہم حکومت اور متعلقہ اداروں سے اپیل کرتے ہیں کہ طالبات کے جائز مطالبات فوری طور پر سنے جائیں اور ان کے حل کے لیے عملی اقدامات کیے جائیں۔

مرتضیٰ محسود
مرکزی صدر، ٹرائبل یوتھ ایسوسی ایشن.

12/08/2026

🌍 عالمی یومِ نوجوانان — ٹرائبل یوتھ ایسوسی ایشن

12 اگست — International Youth Day 2026

قبائلی اضلاع کے نوجوان ہماری سب سے قیمتی قوت، امید اور مستقبل کا سرمایہ ہیں۔ ان کی صلاحیتیں، توانائیاں اور مثبت سوچ ایک پُرامن، ترقی یافتہ اور بااختیار معاشرے کی مضبوط بنیاد بن سکتی ہیں۔

عالمی یومِ نوجوانان کے موقع پر ٹرائبل یوتھ ایسوسی ایشن (TYA) اس عزم کا اعادہ کرتی ہے کہ قبائلی اضلاع کے نوجوانوں کے لیے معیاری تعلیم، باعزت روزگار، ہنرمندی، مساوی مواقع، امن، قیادت اور فیصلہ سازی میں مؤثر شرکت کے مواقع پیدا کرنے کے لیے اپنی جدوجہد جاری رکھے گی۔

ہم سمجھتے ہیں کہ نوجوان صرف مستقبل کے رہنما نہیں، بلکہ آج کی تعمیر، ترقی اور مثبت تبدیلی کے بھی اہم شراکت دار ہیں۔

آئیں، نوجوانوں کی صلاحیتوں پر اعتماد کریں، ان کی آواز کو اہمیت دیں اور انہیں آگے بڑھنے کے مساوی مواقع فراہم کریں، تاکہ ہم مل کر ایک پُرامن، تعلیم یافتہ، بااختیار اور خوشحال قبائلی معاشرہ تشکیل دے سکیں۔

نوجوان آج کی طاقت، تبدیلی کے معمار اور کل کی قیادت ہیں۔

Tribal Youth Association (TYA)
Empowering Youth • Building Futures



Prime Minister’s Youth Programme Sports & Youth Affairs Department Khyber Pakhtunkhwa Directorate of Youth Affairs KP Tribal Youth Association Chief Minister Khyber Pakhtunkhwa Muhammad Sohail Afridi
DG ISPR

10/06/2026

📢 گرینڈ یوتھ جرگہ

نوجوان کسی بھی قوم کا سب سے قیمتی سرمایہ ہوتے ہیں۔ گرینڈ یوتھ جرگہ نوجوانوں کو ایک ایسا پلیٹ فارم فراہم کر رہا ہے جہاں وہ اپنے مسائل، خیالات اور مستقبل کے وژن کو مؤثر انداز میں پیش کر سکیں۔

آئیے! نوجوانوں کو درپیش سماجی و معاشی چیلنجز، امن، تعلیم، ترقی، خوشحالی اور مثبت مواقع پر مل کر گفتگو کریں اور ایک روشن مستقبل کی بنیاد رکھیں۔

🕊️ نوجوانوں کی آواز — امن، ترقی اور خوشحالی کی ضمانت.

09/06/2026

گرینڈ یوتھ جرگہ جلد منعقد ہونے جا رہا ہے، جو نوجوانوں کے مسائل، تجاویز اور مستقبل سے متعلق امور پر ایک اہم پلیٹ فارم فراہم کرے گا۔

تمام نوجوان اپنی تیاری مکمل رکھیں اور اپنی قیمتی آراء، تجاویز اور خیالات کے ساتھ اس تاریخی جرگے کا حصہ بننے کے لیے تیار رہیں۔

📌 گرینڈ یوتھ جرگہ میں شرکت کے خواہشمند نوجوان اپنی رجسٹریشن یقینی بنانے کے لیے آن لائن رجسٹریشن فارم پُر کریں۔

📌 تاریخ، مقام اور دیگر تفصیلات جلد شیئر کی جائیں گی۔

آئیے! نوجوانوں کی آواز کو مضبوط بنائیں اور اپنے بہتر مستقبل کی تعمیر میں اپنا کردار ادا کریں۔

#جرگہ

07/06/2026

گرینڈ یوتھ جرگہ میں شرکت میں دلچسپی لینے پر آپ کا شکریہ، یہ جرگہ ٹرائبل یوتھ ایسوسی ایشن (TYA) کے زیرِ اہتمام منعقد کیا جا رہا ہے،
جس میں نوجوانوں کو اپنے مسائل، چیلنجز اور مواقع پر اظہار خیال کا موقع فراہم کیا جائے گا۔

براہِ کرم یہ فارم درست معلومات کے ساتھ پُر کریں۔ فراہم کردہ معلومات صرف رجسٹریشن اور ایونٹ کے انتظامی مقاصد کے لیے استعمال کی جائیں گی۔

Grand Youth Jirga, Registration Form Thank you for your interest in participating in the Grand Youth Jirga 2026, organized by the Tribal Youth Association (TYA). This event will bring together youth representatives from all Tribal Districts to discuss key issues, challenges, and opportunities facing...

06/06/2026

آپ سب اپنی قیمتی آراء پیش کریں؟

05/06/2026

#

ٹرائبل یوتھ ایسوسی ایشن کی جانب سے قبائلی اضلاع کے نوجوانوں پر مشتمل ایک "گرینڈ یوتھ جرگہ" منعقد کیا جا رہا ہے، جس میں تمام قبائلی اضلاع کے نوجوان شرکت کریں گے۔

✅ جرگے میں مختلف سماجی تنظیموں، طلبہ تنظیموں، نوجوانوں کے نمائندوں اور سیاسی جماعتوں کے یوتھ ونگز کی نمائندگی بھی ہوگی۔

✅ قبائلی اضلاع کے مسائل اور نوجوانوں کو درپیش چیلنجز پر تفصیلی گفتگو کی جائے گی۔

✅ ہر ضلع کے نوجوان اپنے علاقے کے مسائل، چیلنجز اور مواقع پر کھل کر اظہارِ خیال کریں گے۔

✅ نوجوانوں کی آراء اور تجاویز کی روشنی میں ایک متفقہ لائحۂ عمل تیار کیا جائے گا۔

✅ جرگے کے اختتام پر ایک مشترکہ اعلامیہ جاری کیا جائے گا، جس میں نوجوانوں کی سفارشات اور تجاویز شامل ہوں گی۔

یہ اعلامیہ حکومتِ پاکستان، صوبائی حکومت، متعلقہ اداروں اور اعلیٰ حکام تک پہنچایا جائے گا تاکہ قبائلی اضلاع کے مسائل کے حل اور نوجوانوں کے روشن مستقبل کے لیے عملی اقدامات کیے جا سکیں۔

📍 جرگے کی تاریخ اور مقام کا اعلان جلد کیا جائے گا۔

🤝 آئیے! مل کر اپنے حقوق، اپنے مستقبل اور اپنے قبائلی اضلاع کی ترقی کے لیے ایک مضبوط آواز بنیں۔

●ٹرائبل یوتھ ایسوسی ایشن●