KPK Police News

KPK Police News welcome

کوہاٹ میں جرائم پیشہ عناصر کے گرد گھیرا تنگ، تازہ کارروائی میں تین ملزمان گرفتارڈی پی او کوہاٹ ایس ایس پی رائے مظہر اقبا...
17/08/2026

کوہاٹ میں جرائم پیشہ عناصر کے گرد گھیرا تنگ، تازہ کارروائی میں تین ملزمان گرفتار

ڈی پی او کوہاٹ ایس ایس پی رائے مظہر اقبال کے احکامات کی روشنی میں جرائم پیشہ عناصر کے خلاف پے در پے کارروائیاں جاری ہیں۔

ایس ایچ او تھانہ جنگل خیل وقار خان نے پولیس نفری کے ہمراہ کارروائی کرتے ہوئے قتل اور اقدام قتل کے مقدمے میں مطلوب ملزم ابو ہریرہ، رہزنی اور ڈکیتی کے مقدمات میں مطلوب اشتہاری مجرم سلیمان جبکہ مطیع نامی ملزم کو اسلحہ سمیت گرفتار کر لیا۔

گرفتار ملزمان کے قبضے سے اسلحہ بھی برآمد کر لیا گیا ہے۔

پولیس نے گرفتار ملزمان کو مزید قانونی کارروائی کے لیے تھانہ جنگل خیل منتقل کر دیا ہے۔

لوئر چترال پولیس کے جوان کی ایمانداری کی قابلِ تحسین مثاللوئر چترال پولیس/ ایلیٹ فورس کے فرض شناس جوان عبدالقادر نے ایما...
17/08/2026

لوئر چترال پولیس کے جوان کی ایمانداری کی قابلِ تحسین مثال

لوئر چترال پولیس/ ایلیٹ فورس کے فرض شناس جوان عبدالقادر نے ایمانداری، دیانت داری اور فرض شناسی کی اعلیٰ مثال قائم کردی۔

ایلیٹ فورس کے جوان عبدالقادر کو دوران ڈیوٹی سڑک پر 150,000 روپے کی رقم ملی، جسے انہوں نے امانت سمجھتے ہوئے اس کے اصل مالک کی تلاش کی اور ایس۔پی ایلیٹ فورس لوئر چترال عتیق الرحمن کے ہاتھوں گمشدہ رقم اس کے اصل مالک کو حوالہ کیا ۔

لوئر چترال پولیس اپنے فرض شناس جوان کی دیانت داری، امانت داری اور بہترین کردار کو سراہتی ہے اور ایسے اقدامات کو پولیس اور عوام کے درمیان اعتماد کے رشتے کو مزید مضبوط بنانے کا ذریعہ قرار دیتی ہے۔

کرک (شعبہ تعلقات عامہ) ڈسٹرکٹ پولیس آفیسر کرک عمران خان کی خصوصی ہدایات کی روشنی میں عوامی تنازعات کے فوری اور پرامن حل،...
17/08/2026

کرک (شعبہ تعلقات عامہ) ڈسٹرکٹ پولیس آفیسر کرک عمران خان کی خصوصی ہدایات کی روشنی میں عوامی تنازعات کے فوری اور پرامن حل، باہمی رنجشوں کے خاتمے اور دیرینہ دشمنیوں کے سدباب کے لیے کرک پولیس کی مصالحتی کاوشیں مؤثر انداز میں جاری ہیں۔ اسی سلسلے میں تھانہ گرگری کے ایس ایچ او افضل اعوان خان نے جائیداد اور رقم کے لین دین کے تنازعے پر موصولہ درخواست کا بروقت نوٹس لیتے ہوئے دونوں فریقین کو تھانے طلب کیا اور معاملے کے پرامن حل کے لیے اپنا مثبت اور مؤثر کردار ادا کیا۔ فریق لائق جان ولد سرور جان سکنہ گرگری اور لائق زمان ولد ولی خان سکنہ کسٹم آبادی ٹل کے مابین گزشتہ تقریباً تین سال سے جائیداد اور رقم کے لین دین کے حوالے سے تنازعہ چلا آ رہا تھا، جس کے باعث دونوں فریقین کے مابین شدید تناؤ اور باہمی رنجش پائی جاتی تھی۔ ایس ایچ او افضل اعوان خان نے دونوں فریقین کا مؤقف سننے کے بعد معاملے کے تمام پہلوؤں کا جائزہ لیا اور فریقین کو باہمی افہام و تفہیم، صبر و تحمل اور بھائی چارے کی فضا برقرار رکھنے پر آمادہ کیا۔ پولیس کی مؤثر مصالحتی کوششوں کے نتیجے میں دونوں فریقین نے باہمی رضامندی سے تنازعہ ختم کرتے ہوئے راضی نامہ کر لیا اور آئندہ پرامن طور پر رہنے اور ایک دوسرے کے حقوق کا احترام کرنے پر اتفاق کیا۔
اس حوالے سے ڈسٹرکٹ پولیس آفیسر کرک عمران خان کا کہنا تھا کہ عوامی تنازعات کا بروقت اور پرامن حل کرکے معاشرے میں امن، بھائی چارے اور باہمی اعتماد کی فضا کو فروغ دینا کرک پولیس کی ترجیحات میں شامل ہے اور کہا کہ پولیس نہ صرف جرائم کے خلاف کارروائی کر رہی ہے بلکہ عوامی مسائل کے حل، باہمی تنازعات کے خاتمے اور دیرینہ دشمنیوں کے خاتمے کے لیے بھی مثبت اور مؤثر کردار ادا کر رہی ہے۔

کوہاٹ میں قتل اور اقدام قتل کے مقدمے میں مطلوب اشتہاری ملزم اور منشیات فروش گرفتارکوہاٹ پولیس کا جرائم پیشہ عناصر کے خلا...
14/08/2026

کوہاٹ میں قتل اور اقدام قتل کے مقدمے میں مطلوب اشتہاری ملزم اور منشیات فروش گرفتار

کوہاٹ پولیس کا جرائم پیشہ عناصر کے خلاف گھیرا تنگ، اشتہاری مجرمان اور منشیات فروشوں کے خلاف پہ درپے کارروائیوں کا سلسلہ جاری ہے۔

ڈی پی او کوہاٹ ایس ایس پی رائے مظہر اقبال کے احکامات کی روشنی میں کوہاٹ پولیس نے مطلوب اشتہاری مجرمان اور منشیات فروشوں کے خلاف کارروائیاں مزید تیز کردی ہیں۔

تازہ کارروائی میں ایس ایچ او تھانہ لاچی مسعود خان نے پولیس نفری کے ہمراہ کارروائی کرتے ہوئے قتل اور اقدام قتل کے مقدمے میں مطلوب اشتہاری مجرم عامل خان جبکہ منشیات فروشی میں ملوث ملزم عبدالرزاق کو گرفتار کرلیا۔

گرفتار منشیات فروش کے قبضے سے 500گرام چرس جبکہ اشتہاری ملزم کے قبضے سے ایک عدد کلاشنکوف برآمد کرلیا گیا ہے

پگرفتار اشتہاری ملزم قتل اور اقدام قتل کے مقدمے میں پولیس کو مطلوب تھا، جبکہ دوسرے ملزم کے خلاف منشیات فروشی کے حوالے سے کارروائی عمل میں لائی گئی۔

دونوں گرفتار ملزمان کو مزید قانونی کارروائی کے لیے متعلقہ تفتیشی حکام کے حوالے کردیا گیا ہے۔

تھانہ جنگل خیل پولیس کی کارروائی، دو ملزمان گرفتار، اسلحہ برآمدکوہاٹ پولیس کی جرائم پیشہ عناصر کے خلاف کارروائیاں جاری ہ...
14/08/2026

تھانہ جنگل خیل پولیس کی کارروائی، دو ملزمان گرفتار، اسلحہ برآمد

کوہاٹ پولیس کی جرائم پیشہ عناصر کے خلاف کارروائیاں جاری ہیں۔ ڈی پی او کوہاٹ ایس ایس پی رائے مظہر اقبال کی ہدایت پر تھانہ جنگل خیل پولیس نے کارروائی کرتے ہوئے دو ملزمان کو گرفتار کرلیا۔

ایس ایچ او تھانہ جنگل خیل وقار خان نے پولیس ٹیم کے ہمراہ کارروائی کے دوران گرفتار ملزمان کے قبضے سے ایک عدد کلاشنکوف اور ایک عدد بندوق برآمد کرلی۔

پولیس نے دونوں ملزمان کے خلاف مقدمہ درج کرکے مزید تفتیش شروع کردی ہے۔

تاندہ ڈیم میں ہوائی فائرنگ اور دفعہ 144 کی خلاف ورزی، متعدد افراد گرفتارکوہاٹ پولیس کی جانب سے جرائم پیشہ اور قانون شکن ...
14/08/2026

تاندہ ڈیم میں ہوائی فائرنگ اور دفعہ 144 کی خلاف ورزی، متعدد افراد گرفتار

کوہاٹ پولیس کی جانب سے جرائم پیشہ اور قانون شکن عناصر کے خلاف کارروائیوں کا سلسلہ جاری ہے۔ ڈی پی او کوہاٹ ایس ایس پی رائے مظہر اقبال کی ہدایات کی روشنی میں پولیس نے تاندہ ڈیم میں قانون کی خلاف ورزی کرنے والوں کے خلاف کارروائی کی۔

ایس ایچ او تھانہ صدر عبدالرؤف بنگش نے پولیس ٹیم کے ہمراہ کارروائی کرتے ہوئے تاندہ ڈیم میں ہوائی فائرنگ کرنے اور دفعہ 144 کی خلاف ورزی کرتے ہوئے ڈیم میں نہانے والے متعدد افراد کو گرفتار کرلیا۔

پگرفتار افراد کے قبضے سے اسلحہ بھی برآمد کیا گیا ہے۔ ملزمان کے خلاف حسب ضابطہ مقدمات درج کرکے مزید تفتیش شروع کردی گئی ہے۔

تاندہ ڈیم سمیت دیگر تفریحی اور حساس مقامات پر ہوائی فائرنگ، دفعہ 144 کی خلاف ورزی اور دیگر غیر قانونی سرگرمیوں کے خلاف بلاامتیاز کارروائیاں جاری رہیں گی۔
ڈی پی او کوہاٹ

بنوں : تھانہ صدر پولیس کی منشیات فروش کے خلاف کامیاب کارروائی، 350 گرام چرس برآمد، ملزم گرفتاربنوں: تھانہ صدر پولیس نے م...
14/08/2026

بنوں : تھانہ صدر پولیس کی منشیات فروش کے خلاف کامیاب کارروائی، 350 گرام چرس برآمد، ملزم گرفتار

بنوں: تھانہ صدر پولیس نے منشیات فروش عناصر کے خلاف کارروائی کرتے ہوئے خفیہ اطلاع پر کامیاب کارروائی کی۔

ایس ایچ او تھانہ صدر ثناء اللہ خان نے پولیس ٹیم کے ہمراہ کارروائی کرتے ہوئے منشیات فروش حفیظ الرحمن ولد محمد پیان، سکنہ حافظ آباد گریڈ اسٹیشن کو گرفتار کرلیا۔

گرفتار ملزم کے قبضے سے 10 عدد پڑیاں، مجموعی طور پر 350 گرام چرس برآمد کرلی۔ ملزم کے خلاف منشیات ایکٹ کے تحت مقدمہ درج کرکے مزید تفتیش و قانونی کارروائی کا آغاز کردیا گیا ہے۔

بنوں پولیس منشیات کے مکروہ دھندے میں ملوث عناصر کے خلاف زیرو ٹالرنس پالیسی کے تحت کارروائیاں جاری رکھے ہوئے ہے۔

ترجمان بنوں پولیس

14/08/2026

کوہاٹ پولیس کلب میں یوم آزادی کی پروقار تقریب

کوہاٹ میں یوم آزادی پاکستان بھرپور جوش و جذبے اور قومی جذبے کے ساتھ منایا گیا۔
اس سلسلے میں پولیس کلب کوہاٹ میں ایک پروقار تقریب کا انعقاد کیا گیا، جس کے مہمان خصوصی ریجنل پولیس آفیسر کوہاٹ عرفان طارق تھے۔

تقریب کے موقع پر ڈی آئی جی کوہاٹ عرفان طارق نے پرچم کشائی کی اور پولیس کے چاق و چوبند دستے نے قومی پرچم کو سلامی پیش کی۔ اس موقع پر افسران اور پولیس جوانوں نے قومی جذبے کے ساتھ یوم آزادی کی خوشیوں میں شرکت کی۔

تقریب میں 14 اگست کی مناسبت سے ڈی آئی جی کوہاٹ عرفان طارق نے پولیس افسران کے ہمراہ کیک بھی کاٹا۔

تقریب میں ایس پی سٹی خالد محمود، اے ایس پی رانا طاہر، ایس پی انویسٹی گیشن نیاز محمد خان، ایس پی صدر احسان شاہ، ایس پی ہیڈکوارٹر روح الامین، تمام ڈی ایس پیز، ایس ایچ اوز اور پولیس جوانوں نے شرکت کی۔

اس موقع پر ڈی آئی جی کوہاٹ عرفان طارق نے خطاب کرتے ہوئے کہا ڈی آئی جی کوہاٹ عرفان طارق نے اپنے خطاب میں کہا کہ آپ آزادی کی قیمت اس شخص، اس انسان اور اس روح سے پوچھیں جو آزاد نہیں ہے۔ آزادی ایک بہت بڑی نعمت ہے، جس کی قدر وہی شخص بہتر جان سکتا ہے جو اس نعمت سے محروم ہو۔ ہمیں چاہیے کہ ہم اس آزادی کی قدر کریں اور ملک کی ترقی، خوشحالی، امن و استحکام کے لیے اپنا کردار ادا کریں کہ یوم آزادی صرف جشن منانے کا دن نہیں بلکہ تجدید عہد اور نئے عزم کا دن ہے۔ آپ آزادی کی قیمت اس شخص، اس انسان اور اس روح سے پوچھیں جو آزاد نہیں ہے۔ آزادی ایک بہت بڑی نعمت ہے، جس کی قدر وہی شخص بہتر جان سکتا ہے جو اس نعمت سے محروم ہو۔

انہوں نے کہا کہ ہمیں اس عظیم نعمت کی قدر کرتے ہوئے ملک کی ترقی، خوشحالی، امن اور استحکام کے لیے اپنا کردار ادا کرنا چاہیے اور عہد کرنا چاہیے کہ ہم اپنی تمام تر صلاحیتیں وطن عزیز کی خدمت کے لیے وقف کریں گے۔

ڈی آئی جی کوہاٹ نے کہا کہ یہ ملک ہمارے شہداء کی لازوال قربانیوں کے نتیجے میں حاصل ہوا ہے۔ قیام پاکستان سے لے کر آج تک ملک کے دفاع، امن و امان اور عوام کے تحفظ کے لیے لاکھوں لوگوں نے قربانیاں دی ہیں۔ کوہاٹ پولیس کی تاریخ بھی بہادری اور قربانیوں سے عبارت ہے اور کوہاٹ پولیس کے شہداء نے وطن عزیز کے امن و استحکام کے لیے اپنی جانوں کا نذرانہ پیش کیا ہے۔

انہوں نے کہا کہ حالیہ واقعات میں کوہاٹ پولیس کے جوانوں نے جس بہادری، جرات اور پیشہ ورانہ صلاحیت کا مظاہرہ کیا، وہ اس بات کا واضح ثبوت ہے کہ کوہاٹ پولیس وطن عزیز کی بقا، امن اور عوام کے تحفظ کے لیے کسی بھی قربانی سے دریغ نہیں کرے گی۔

ڈی آئی جی کوہاٹ نے پولیس افسران اور جوانوں پر زور دیا کہ وہ اپنے فرائض ایمانداری، فرض شناسی اور قومی جذبے کے ساتھ سرانجام دیں اور عوام کے جان و مال کے تحفظ کو ہر صورت یقینی بنائیں۔

تقریب کے اختتام پر ملک کی سلامتی، ترقی، خوشحالی، امن و استحکام اور شہداء کے درجات کی بلندی کے لیے خصوصی دعا بھی کی گئی۔

کرک (Admin_kpk_police_news) جشنِ آزادی کے موقع پر ضلع کرک میں دہشت گردوں کی جانب سے پولیس کو نشانہ بنانے کی مذموم کوششیں...
14/08/2026

کرک (Admin_kpk_police_news) جشنِ آزادی کے موقع پر ضلع کرک میں دہشت گردوں کی جانب سے پولیس کو نشانہ بنانے کی مذموم کوششیں ناکام بنا دی گئیں۔ پولیس کی بروقت کارروائی اور جدید اینٹی ڈرون ٹیکنالوجی کے مؤثر استعمال سے دہشت گردوں کے منظم حملوں کو ناکام بناتے ہوئے کواڈ کاپٹرز کو اپنے ممکنہ اہداف تک پہنچنے سے روک دیا گیا۔
تفصیلات کے مطابق جشنِ آزادی کے موقع پر دہشت گردوں نے ضلع کرک کے مختلف مقامات پر کواڈ کاپٹرز کے ذریعے گولے گرانے اور پولیس اہلکاروں کو نشانہ بنانے کی کوشش کی۔ تاہم انسپکٹر جنرل آف پولیس خیبر پختونخوا ذوالفقار حمید کی جانب سے پولیس کو فراہم کردہ جدید اینٹی ڈرون گنز اور ڈرون لوکیٹرز کے بروقت اور مؤثر استعمال کے نتیجے میں پولیس جوانوں نے متعدد کواڈ کاپٹرز کی نشاندہی کرتے ہوئے ان کے حملوں کو ناکام بنا دیا۔
دہشت گردوں کی جانب سے ضلع کرک کے چار مختلف مقامات پر کواڈ کاپٹرز کے ذریعے حملوں کی کوشش کی گئی، تاہم پولیس کی مؤثر اینٹی ڈرون حکمتِ عملی اور جدید آلات کے استعمال کے باعث دہشت گرد اپنے مذموم مقاصد میں کامیاب نہ ہوسکے۔

دورانِ کارروائی تھانہ گرگری کی حدود میں کواڈ کاپٹر سے گرائے گئے گولے کے پھٹنے سے معمول کے سرگرمیوں میں مصروف تین پولیس اہلکار معمولی زخمی ہوئے۔ واقعے کی اطلاع ملتے ہی ڈسٹرکٹ پولیس آفیسر کرک عمران خان فوری طور پر تھانہ گرگری پہنچے اور زخمی اہلکاروں کی عیادت کرتے ہوئے انہیں فوری اور بہتر طبی امداد کی فراہمی یقینی بنانے کے لیے بانڈہ ہسپتال منتقل کرکے ابتدائی طبی امداد کے بعد فارغ کر دیا گیا۔
ڈی پی او کرک عمران خان نے تھانہ خرم اور چوکی بہادر خیل کا بھی وزٹ کیا جہاں پر پولیس جوانوں کے حوصلے، بہادری اور فرض شناسی کو سراہتے ہوئے کہا کہ پولیس فورس عوام کے جان و مال کے تحفظ اور امن و امان کے قیام کے لیے ہر قسم کے خطرات کا ڈٹ کر مقابلہ کر رہی ہے۔ جدید ٹیکنالوجی اور مؤثر حکمتِ عملی کے ذریعے دہشت گرد عناصر کے عزائم کو ناکام بنایا جا رہا ہے اور ضلع کرک میں امن و امان کو ہر صورت برقرار رکھا جائے گا۔
کرک پولیس جشنِ آزادی کے موقع پر عوام کے تحفظ، امن و امان کے قیام اور ملک دشمن عناصر کے مذموم عزائم کو ناکام بنانے کے لیے پوری طرح چوکس اور پرعزم ہے۔

Address

Karak

Website

Alerts

Be the first to know and let us send you an email when KPK Police News posts news and promotions. Your email address will not be used for any other purpose, and you can unsubscribe at any time.

Shortcuts

Share

Category