Draman Khail Welfare Association

Draman Khail Welfare Association This is for helping others and protection of rights as welfare

کل درامن خیل ویلفیئر ایسوسی ایشن (DWA) کے چیئرمین محترم امیر نواز صاحب نے منگوپیر میں ہمارے محترم بھائی محمد فضل صاحب کی...
07/09/2026

کل درامن خیل ویلفیئر ایسوسی ایشن
(DWA)
کے چیئرمین محترم امیر نواز صاحب نے منگوپیر میں ہمارے محترم بھائی محمد فضل صاحب کی عیادت کی۔ محمد فضل صاحب کچھ عرصہ قبل ایک افسوسناک حادثے میں شدید زخمی ہوگئے تھے۔
اس مشکل وقت میں درامن خیل ویلفیئر ایسوسی ایشن کے مرکزی ممبران نے اپنی مدد آپ کے تحت تقریباً ایک لاکھ بیالیس ہزار روپے جمع کرکے محمد فضل صاحب کی مالی معاونت کی۔ یہ رقم صرف مدد نہیں بلکہ محبت، بھائی چارے اور اپنے لوگوں کے ساتھ کھڑے ہونے کا عملی ثبوت ہے۔
عیادت کے موقع پر چیئرمین امیر نواز صاحب کے ہمراہ وائس چیئرمین جاوید صاحب، مشر شجاع عالم صاحب، مرکزی ممبر شفیع صاحب، مفتی حیات صاحب اور شمشیر احمد صاحب
علاقائی ممبر جناب نیک بادشاہ صاحب بھی موجود تھے۔ تمام ساتھیوں نے محمد فضل صاحب کی خیریت دریافت کی اور ان کی جلد صحتیابی کے لیے خصوصی دعائیں کیں۔
مشکل وقت میں اپنے بھائی کے ساتھ کھڑا ہونا ہی اصل رشتہ اور اصل انسانیت ہے۔
اللہ تعالیٰ محمد فضل صاحب کو جلد صحتِ کاملہ عطا فرمائے، ان کی تمام مشکلات آسان فرمائے اور درامن خیل ویلفیئر ایسوسی ایشن کے اس جذبۂ خدمت، اتحاد اور بھائی چارے کو ہمیشہ قائم و دائم رکھے۔ آمین۔
DWA
ایک تنظیم نہیں، ایک خاندان، ایک جذبہ، ایک دوسرے کا سہارا۔ ❤️

ایک اہم وضاحت — احترام کے ساتھ! گزشتہ تحریر کے حوالے سے تمام معزز ساتھیوں اور قوم کے سامنے چند باتیں وضاحت کے طور پر پیش...
02/09/2026

ایک اہم وضاحت — احترام کے ساتھ!

گزشتہ تحریر کے حوالے سے تمام معزز ساتھیوں اور قوم کے سامنے چند باتیں وضاحت کے طور پر پیش کرنا ضروری سمجھتے ہیں۔
جن محترم ساتھیوں کی رکنیت معطل کی گئی، اس کی بنیادی وجہ کسی قسم کی ذاتی رنجش، اختلاف یا ناراضگی نہیں،
بلکہ DWA کے آئین میں درج اصولوں پر عمل درآمد ہے۔

DWA
کے آئین میں واضح طور پر درج ہے کہ اگر کوئی مرکزی ممبر بغیر کسی عذر کے مسلسل تین اجلاسوں میں شریک نہ ہو تو آئین کے مطابق اس کی رکنیت یا عہدہ معطل کیا جا سکتا ہے۔
اسی سلسلے میں DWA کے جنرل سیکرٹری محترم سہیل صاحب کی جانب سے باقاعدہ نوٹس بھی جاری کیا گیا تھا، جس میں متعلقہ تاریخ بھی واضح طور پر درج تھی۔
5 جولائی سے پہلے بھی اجلاس منعقد ہوئے، جن میں مذکورہ محترم ساتھی شریک نہ ہو سکے، جبکہ 5 جولائی کے بعد بھی چار اجلاس منعقد ہوئے اور ان میں بھی ان کی شرکت نہیں ہو سکی۔
اس لیے یہ وضاحت ضروری ہے کہ مذکورہ فیصلہ کسی ایک فرد کی ذاتی رائے یا خواہش پر نہیں کیا گیا، بلکہ تنظیم کے متفقہ آئین کے مطابق کیا گیا ہے۔
یہ آئین پوری کابینہ کی منظوری سے منظور ہوا ہے اور تنظیم کے ہر عہدیدار اور ہر مرکزی ممبر کے لیے یکساں طور پر قابلِ عمل ہے۔ ہم سب کے لیے ضروری ہے کہ اپنے بنائے ہوئے اصولوں اور آئین کا احترام کریں۔
ہم تمام معزز ساتھیوں کو قدر و احترام کی نگاہ سے دیکھتے ہیں۔ رکنیت کی معطلی کو کسی ذاتی تعلق یا احترام میں کمی کے طور پر نہیں دیکھا جانا چاہیے۔ تنظیمی معاملات میں بعض اوقات ایسے فیصلے کرنا ضروری ہو جاتا ہے جو ادارے کے نظم و ضبط اور مستقبل کے مفاد میں ہوں۔
۔ DWA کا مقصد محبت، بھائی چارے، باہمی احترام اور مشاورت کے ساتھ آگے بڑھنے اور تمام معاملات آئین اور اصولوں کے مطابق حل ہو۔
آئین کسی ایک فرد کے لیے نہیں، ہم سب کے لیے ہے۔
اصول کسی ایک عہدے کے لیے نہیں، ہر رکن کے لیے ہیں
اللہ تعالیٰ ہم سب کو باہمی احترام، اخلاص اور اتحاد کے ساتھ قوم کی خدمت کرنے کی توفیق عطا فرمائے۔
اتحاد ہماری طاقت، آئین ہماری پہچان اور خدمت ہمارا مقصد ہے۔ 🤝

درامن خیل ویلفیئر ایسوسی ایشن کا اہم اجلاسآج بروز اتوار، 30 اگست 2026 کو درامن خیل ویلفیئر ایسوسی ایشن کا اہم اجلاس محتر...
30/08/2026

درامن خیل ویلفیئر ایسوسی ایشن کا اہم اجلاس
آج بروز اتوار، 30 اگست 2026 کو درامن خیل ویلفیئر ایسوسی ایشن کا اہم اجلاس محترم امیر نواز صاحب کی صدارت میں منعقد ہوا، جس میں تنظیم کے نظم و ضبط، آئین اور مستقبل کے حوالے سے اہم فیصلے کیے گئے۔
ہمیں افسوس کے ساتھ کہنا پڑتا ہے کہ ہمارے چند انتہائی محترم اور عزیز ساتھیوں کی جانب سے تنظیم کے آئین کی خلاف ورزی کی گئی۔ باہمی مشاورت اور غور و فکر کے بعد آئین کے مطابق ان کی رکنیت معطل کرنے کا فیصلہ کیا گیا۔
جن معزز ساتھیوں کی رکنیت معطل کی گئی، ان میں محترم عمر خطاب صاحب، محترم نوراللہ صاحب، محترم حکمت یار صاحب، محترم عبدالقادر صاحب، محترم جلال صاحب اور محترم عزیز اللہ صاحب شامل ہیں۔
یہ فیصلہ کسی ذاتی رنجش، اختلاف یا دشمنی کی بنیاد پر نہیں، بلکہ تنظیم کے آئین، نظم و ضبط اور اجتماعی مفاد کے تحفظ کے لیے کیا گیا ہے۔ ہمارے لیے تمام ساتھی قابلِ احترام ہیں، مگر ادارے کی مضبوطی کے لیے آئین اور اصولوں کی پاسداری ضروری ہے۔
ساتھ ہی یہ بات بھی واضح کرنا ضروری ہے کہ جن ساتھیوں کی رکنیت معطل کی گئی ہے، وہ تین ماہ بعد آئین کے مطابق باقاعدہ درخواست دے کر دوبارہ DWA ٹیم کا حصہ بن سکتے ہیں۔ دروازے بند نہیں کیے گئے، بلکہ آئین کے دائرے میں رہتے ہوئے واپسی کا راستہ موجود ہے۔
دل ضرور دکھی ہے، مگر ادارے کے اصول سب سے مقدم ہیں۔
ہم دعا کرتے ہیں کہ ہمارے درمیان محبت، اخوت اور اتحاد ہمیشہ قائم رہے اور درامن خیل ویلفیئر ایسوسی ایشن اپنے اصل مقصد یعنی قوم کی خدمت کے سفر کو مزید مضبوطی کے ساتھ جاری رکھے۔
اتحاد ہماری طاقت، آئین ہماری پہچان اور خدمت ہمارا مقصد ہے۔ 🤝

14/07/2026

درامن خیل ویلفیئر ایسوسی ایشن ہر وقت اپنی قوم کی فلاح و بہبود، اتحاد اور ترقی کے لیے بھرپور انداز میں کام کر رہی ہے۔ آج بھی ہماری ٹیم اخلاص، جذبۂ خدمت اور ذمہ داری کے ساتھ اپنی بہترین خدمات انجام دے رہی ہے۔
ہم اللہ تعالیٰ کا شکر ادا کرتے ہیں کہ اس نے ہمیں اپنی قوم کی خدمت کا موقع عطا فرمایا۔ دعا ہے کہ اللہ تعالیٰ ہماری اس کوشش کو قبول فرمائے، ہمارے درمیان اتحاد و اتفاق قائم رکھے، اور ہمیں مزید خدمتِ خلق کی توفیق عطا فرمائے۔
آمین یا رب العالمین۔

15/06/2026

زندگی اور موت کے درمیان کبھی کبھی صرف چند قطرے خون کا فاصلہ ہوتا ہے۔
آج پیر کے روز جب ایک ضرورت مند فرد زندگی کی جنگ لڑ رہا تھا اور اسے خون کی اشد ضرورت تھی،
تو درامن خیل ویلفیئر ایسوسی ایشن کے مرکزی ممبران نے ایک بار پھر ثابت کر دیا کہ انسانیت آج بھی زندہ ہے۔
اپنے آرام، مصروفیات اور ذاتی معاملات کو پسِ پشت ڈال کر انہوں نے اپنا خون عطیہ کیا، کیونکہ کسی کی سانسوں کو بحال کرنے سے بڑھ کر کوئی نیکی نہیں۔ یہ صرف خون کا عطیہ نہیں، بلکہ اس کے اہل خانہ کے لیے سکون اور انسانیت کے لیے ایک خوبصورت پیغام ہے۔
درا من خیل ویلفیئر ایسوسی ایشن نے جس خدمت کے سفر کا آغاز کیا تھا، الحمدللہ آج بھی اسی اخلاص، محبت اور ایثار کے ساتھ جاری ہے۔ ایسے لوگ قوموں کا سرمایہ ہوتے ہیں، جو دوسروں کی زندگی بچانے کے لیے اپنے خون کے قطرے بھی نچھاور کرنے سے دریغ نہیں کرتے۔
اللہ تعالیٰ تمام خون عطیہ کرنے والے مرکزی ممبران کو دنیا و آخرت کی بے شمار خوشیاں عطا فرمائے،
ان کے اس جذبۂ ایثار کو اپنی بارگاہ میں قبول فرمائے اور مریض کو مکمل صحت و تندرستی عطا فرمائے۔ آمین۔
خون کے چند قطرے شاید دینے والوں کے لیے معمول ہوں، مگر کسی ماں، باپ یا بچوں کے لیے یہی قطرے پوری دنیا کی خوشیوں سے بڑھ کر ہوتے ہیں۔
ایڈمن

13/06/2026

سینئر صحافی نصیر اعظم کی درامن خیل ویلفیئر ایسوسی ایشن کے چیئرمین محترم امیر نواز صاحب سے ویلفیئر سرگرمیوں، قومی فلاح و بہبود اور سماجی خدمات کے حوالے سے تفصیلی ملاقات و خصوصی گفتگو ہوئی۔ اس موقع پر مختلف اہم امور پر سیر حاصل تبادلۂ خیال کیا گیا، جبکہ صحافی نصیر اعظم نے ویلفیئر کی کارکردگی، مستقبل کے منصوبوں اور عوامی خدمت سے متعلق متعدد اہم سوالات بھی اٹھائے۔
چیئرمین امیر نواز صاحب نے درامن خیل ویلفیئر ایسوسی ایشن کی جانب سے قوم و برادری کی فلاح، تعلیم، باہمی اتحاد اور سماجی ترقی کے لیے جاری اقدامات پر روشنی ڈالتے ہوئے کہا کہ تنظیم ہمیشہ عوامی خدمت اور اجتماعی مفاد کو اپنی اولین ترجیح سمجھتی ہے۔
Draman Khail Welfare Association

07/06/2026

وزیرستان بارواند میں درے
ساوا درامن خیل کا منعقدہ قومی جرگے میں ملک قدم خان صاحب نے اظہارِ خیال کرتے ہوئے قوم کے اتحاد بھائی چارے اور باہمی مشاورت کی اہمیت پر زور دیا۔
ان کے پرخلوص الفاظ نے حاضرین کے دل جیت لیے اور قومی یکجہتی کے جذبے کو مزید مضبوط کیا۔
یہ جرگہ قوم کے روشن مستقبل اور مشترکہ جدوجہد کے عزم کی خوبصورت مثال تھا۔
ایڈمن

07/06/2026

اپنی مٹی اپنی روایات اور اپنے بزرگوں سے جڑا رہنا ہی زندہ قوموں کی پہچان ہوتا ہے۔ کراچی سے درامن خیل ویلفیئر ایسوسی ایشن کی مرکزی ٹیم چیئرمین محترم امیر نواز صاحب کی قیادت میں جب وزیرستان کی سرزمین پر پہنچی تو یہ صرف ایک سفر نہیں تھا بلکہ اپنی جڑوں، اپنے لوگوں اور اپنی شناخت سے محبت کا ایک خوبصورت اظہار تھا۔
وزیرستان بارواند میں درے ساوا درامن خیل کا منعقد ہونے والا قومی جرگہ محبت، اخوت اور قومی یکجہتی کی ایک دلکش تصویر پیش کر رہا تھا۔ علاقے کے معزز مشران نے مہمانوں کا پرتپاک استقبال کیا اور ایک دوسرے کے دکھ سکھ، مسائل اور مستقبل کے حوالے سے کھل کر گفتگو کی۔ اس موقع پر ملک قدم خان اور ملک نصیب خان نے نہایت دردِ دل کے ساتھ اپنے خیالات کا اظہار کیا۔ ان کے الفاظ میں قوم کا درد، بزرگوں کی دانش اور آنے والی نسلوں کے روشن مستقبل کی امید جھلک رہی تھی۔
جرگے میں بیٹھے سفید ریش بزرگ، نوجوانوں کے چہروں پر امید کی کرنیں اور اپنے لوگوں کے لیے دھڑکتے دل اس بات کا ثبوت تھے کہ فاصلے چاہے کتنے ہی طویل کیوں نہ ہوں، دلوں کے رشتے کبھی کمزور نہیں ہوتے۔ کراچی سے آنے والے وفد اور وزیرستان کے مشران کا یہ ملاپ اس بات کی یاد دہانی ہے کہ ہم ایک خاندان ہیں، ایک قوم ہیں، اور ہماری طاقت ہمارے اتحاد میں ہے۔
اللہ تعالیٰ ہماری قوم میں محبت، اتفاق اور بھائی چارے کو ہمیشہ قائم رکھے، ہمارے بزرگوں کا سایہ سلامت رکھے اور ہماری آنے والی نسلوں کو اپنی روایات، اقدار اور قومی خدمت کے جذبے سے وابستہ رکھے۔
آمین۔
ایڈمن

06/06/2026

کراچی سے درامن خیل ویلفیئر ایسوسی ایشن کا مرکزی وفد چیئرمین محترم امیر نواز صاحب کی قیادت میں وزیرستان کے دورے پر موجود ہے۔ اس وفد کے ہمراہ قومی مشران بھی شریک ہیں، جو قوم کے مسائل، ترقی اور باہمی اتحاد کے فروغ کے لیے مختلف علاقوں میں مشاورتی ملاقاتیں کر رہے ہیں۔
اسی سلسلے میں بدر پوندیاخیل کلائی میں علاقے کے معزز مشران کے ساتھ ایک اہم ملاقات منعقد ہوئی۔ ملاقات کے دوران مشرانِ علاقہ نے اپنے خیالات، تجاویز اور قوم کی فلاح و بہبود سے متعلق قیمتی آراء پیش کیں۔ ان کی گفتگو میں اپنی دھرتی، اپنی قوم اور آنے والی نسلوں کے روشن مستقبل کی فکر نمایاں تھی۔
یہ ملاقات صرف ایک رسمی نشست نہیں تھی بلکہ دلوں کو جوڑنے، اعتماد کو مضبوط بنانے اور قومی یکجہتی کے جذبے کو مزید فروغ دینے کا ذریعہ بنی۔ بزرگوں کی دانائی، نوجوانوں کے جذبے اور خدمت کے عزم نے اس محفل کو یادگار بنا دیا۔
اللہ تعالیٰ ہماری قوم میں محبت، اتفاق اور بھائی چارے کو ہمیشہ قائم رکھے اور
ہمیں اپنی قوم کی خدمت کی مزید توفیق عطا فرمائے۔
آمین۔

Address

Karachi

Website

Alerts

Be the first to know and let us send you an email when Draman Khail Welfare Association posts news and promotions. Your email address will not be used for any other purpose, and you can unsubscribe at any time.

Shortcuts

Share

Category