Draman Khail Welfare Association

Draman Khail Welfare Association This is for helping others and protection of rights as welfare

04/06/2026

درامن خیل ویلفیئر ایسوسی ایشن
کی ٹیم چیئرمین محترم امیر نواز صاحب اور وائس چیئرمین محترم جاوید صاحب کی قیادت میں وزیرستان کے علاقے سینہ تیژہ پہنچی، جہاں سینہ تیژہ، پوندیا خیل اور ژاور کلائ کے معزز قومی مشران، علماء کرام اور ہر مکتبۂ فکر سے تعلق رکھنے والی ممتاز شخصیات سے ایک اہم ملاقات کا انعقاد کیا گیا۔
اس موقع پر قوم کی فلاح و بہبود، تعلیم، صحت، نوجوانوں کی مثبت تربیت، باہمی اتحاد، امن و استحکام اور علاقے کو درپیش مسائل کے حل کے حوالے سے تفصیلی گفتگو ہوئی۔ شرکاء نے اس بات پر زور دیا کہ قوم کی ترقی اور خوشحالی کے لیے تمام طبقات کو مل کر اپنا کردار ادا کرنا ہوگا۔
علماء کرام اور قومی مشران نے درامن خیل ویلفیئر ایسوسی ایشن کی فلاحی، تعلیمی اور سماجی خدمات کو سراہتے ہوئے اس عزم کا اظہار کیا کہ قوم کے بہتر مستقبل کے لیے باہمی مشاورت اور تعاون کو مزید فروغ دیا جائے گا۔
چیئرمین محترم امیر نواز صاحب اور وائس چیئرمین محترم جاوید صاحب نے کہا کہ درامن خیل ویلفیئر ایسوسی ایشن کا مقصد بلا تفریق پوری قوم کی خدمت، نوجوان نسل کی رہنمائی اور اجتماعی مسائل کے حل کے لیے عملی اقدامات کرنا ہے۔ انہوں نے تمام مشران، علماء کرام اور معزز شرکاء کا شکریہ بھی ادا کیا۔
اللہ تعالیٰ سے دعا ہے کہ یہ اجتماع قوم میں اتحاد، بھائی چارے، ترقی اور خوشحالی کا سبب بنے اور ہمارے علاقوں کو امن، استحکام اور کامیابیوں سے نوازے۔

ایڈمن

01/06/2026

ڈی آئی خان میں معروف صحافی نصر اعظم صاحب نے ڈی ڈبلیو اے (درامن خیل ویلفیئر ایسوسی ایشن) کے چیئرمین محترم امیر نواز صاحب اور وائس چیئرمین محترم جاوید صاحب کے خصوصی انٹرویوز کیے۔
اس موقع پر تنظیم کی فلاحی سرگرمیوں عوامی خدمت کے منصوبوں اور مستقبل کے اہداف پر تفصیلی گفتگو کی گئی۔
چیئرمین محترم امیر نواز صاحب نے ڈی ڈبلیو اے کی جانب سے تعلیم صحت مستحق خاندانوں کی امداد اور سماجی بہبود کے مختلف منصوبوں پر روشنی ڈالی۔ جبکہ وائس چیئرمین محترم جاوید صاحب نے تنظیم کی کارکردگی، رضاکارانہ خدمات اور عوامی فلاح کے لیے جاری اقدامات کے بارے میں اپنے خیالات کا اظہار کیا۔
انٹرویوز کے دوران اس عزم کا اعادہ کیا گیا کہ ڈی ڈبلیو اے مستقبل میں بھی دکھی انسانیت کی خدمت، سماجی ترقی اور فلاحی سرگرمیوں کے فروغ کے لیے اپنی کاوشیں جاری رکھے گی۔
ہم صحافی نصر اعظم صاحب کے شکر گزار ہیں جنہوں نے ڈی ڈبلیو اے کی خدمات کو اجاگر کرنے اور تنظیم کا مثبت پیغام عوام تک پہنچانے میں اہم کردار ادا کیا۔
اللہ تعالیٰ ہمیں اخلاص دیانت داری اور جذبۂ خدمت کے ساتھ انسانیت کی بھلائی کے لیے کام کرنے کی توفیق عطا فرمائے۔ آمین۔

27/05/2026

عید الاضحیٰ کے اس پُرمسرت موقع پر جہاں لوگ اپنے اہلِ خانہ کے ساتھ خوشیاں منا رہے ہیں، ایک دوسرے کے گھروں میں جا رہے ہیں، تفریحی مقامات کا رخ کر رہے ہیں، وہیں دوسری جانب درامن خیل ویلفیئر ایسوسی ایشن کی ٹیم اپنی قوم اور اپنے لوگوں کی خدمت میں مصروفِ عمل نظر آئی۔ ❤️
الحمدللہ! آج کراچی میں آپ سب کی دعاؤں سے قربانی کے جانور ذبح کیے گئے اور مختلف علاقوں میں مستحق اور غریب خاندانوں تک گوشت پہنچایا گیا، تاکہ کوئی بھی گھر عید کی خوشیوں اور قربانی کے گوشت سے محروم نہ رہے۔ 🤲✨
یہ صرف گوشت تقسیم کرنا نہیں، بلکہ انسانیت، محبت، بھائی چارے اور احساسِ ذمہ داری کا پیغام ہے۔
ڈی ڈبلیو اے کی پوری ٹیم دن رات اسی جذبے کے ساتھ کام کر رہی ہے کہ جہاں بھی کوئی ضرورت مند ہو، وہاں امید، خوشی اور سہارا پہنچ سکے۔ 💖
انشاءاللہ قوم کی دعاؤں، بزرگوں کی محبت اور نوجوانوں کے جذبے سے ہم ہر میدان میں سرخرو ہوں گے اور خدمتِ انسانیت کا یہ سفر اسی عزم کے ساتھ جاری رہے گا۔ 🌹
دعا ہے کہ اللہ تعالیٰ ہم سب کی قربانیوں، خدمت اور نیک نیت کو اپنی بارگاہ میں قبول فرمائے۔ آمین

26/05/2026

عید الاضحیٰ کی ڈھیروں خوشیاں آپ سب کو مبارک ہوں ✨🌙
درامن خیل ویلفیئر ایسوسی ایشن کی جانب سے اس مبارک موقع پر وزیرستان کے تین علاقے ژاور، پوندیاخیل اور سینے تیژہ گاو کے لیے قربانی کے تین جانوروں کا انتظام کیا گیا، تاکہ کوئی بھی خاندان عید کی خوشیوں سے محروم نہ رہے۔ ❤️
ہماری کوشش صرف قربانی کرنا نہیں بلکہ اپنے لوگوں کے چہروں پر خوشیاں بکھیرنا، محبت بانٹنا اور بھائی چارے کو فروغ دینا ہے۔
الحمدللہ! ڈی ڈبلیو اے کی پوری ٹیم دن رات اپنی قوم کی خدمت میں مصروفِ عمل ہے اور ہر ممکن کوشش کر رہی ہے کہ ضرورت مندوں تک آسانیاں پہنچائی جائیں۔
آپ سب سے عاجزانہ درخواست ہے کہ ہمیں اپنی دعاؤں میں یاد رکھیں، اللہ تعالیٰ ہمیں اخلاص کے ساتھ اپنی قوم اور انسانیت کی خدمت کرنے کی توفیق عطا فرمائے، اور ہمارے اس چھوٹے سے عمل کو اپنی بارگاہ میں قبول فرمائے۔ 🤲💫
“اصل خوشی وہی ہے جو دوسروں کے چہروں پر مسکراہٹ بن کر بکھرے۔

ایڈمن ۔۔۔

12/05/2026

قوموں کی ترقی صرف نعروں سے نہیں بلکہ اخلاص، اتحاد اور خدمت کے جذبے سے ہوتی ہے۔
جب کسی علاقے کے باشعور لوگ ایک میز پر بیٹھ کر اپنے لوگوں کے درد کو محسوس کریں، یتیم کی آنکھ کے آنسو کو سمجھیں، بے روزگار نوجوان کے مستقبل کی فکر کریں اور غریب کے گھر تک آسانیاں پہنچانے کا عزم کریں، تو یہی لمحے معاشروں کی اصل طاقت بن جاتے ہیں۔
الحمدللہ، درامن خیل ویلفیئر ایسوسی ایشن فقیرہ گوٹھ کمیٹی کا ماہانہ اجلاس بھی اسی جذبۂ خدمت کی خوبصورت مثال ثابت ہوا، جہاں علاقائی مشران، مرکزی ممبران نے قوم
او علاقے کی بھلائی کے لیے اہم فیصلے کیے۔

اجلاس میں فلاحی سرگرمیوں، رفاہی منصوبوں اور مستحق افراد کی مدد کے حوالے سے نہایت سنجیدگی سے مشاورت کی گئی، جبکہ تعزیتی ٹینٹ پر DWA کا مونوگرام لگانا اس بات کی علامت ہے کہ یہ قافلہ صرف باتوں تک محدود نہیں بلکہ عملی میدان میں بھی اپنی شناخت قائم کر رہا ہے۔
سب سے خوبصورت لمحہ وہ تھا جب یہ عزم کیا گیا کہ بے روزگار اور مستحق افراد کو روزگار کے مواقع فراہم کیے جائیں گے، تاکہ کوئی نوجوان مایوسی کا شکار نہ ہو اور کوئی گھر فاقوں کی وجہ سے اندھیروں میں نہ ڈوبے۔
یہ صرف ایک فیصلہ نہیں بلکہ کئی خاندانوں کے مستقبل کو روشن کرنے کی امید ہے۔
سب نے یہ وعدہ بھی کیا کہ قوم، وطن اور اپنے لوگوں کی خدمت کے لیے ہر فرد اپنا کردار ادا کرے گا، کیونکہ زندہ قومیں وہی ہوتی ہیں جو ایک دوسرے کا سہارا بنتی ہیں۔
آئیں دعا کریں کہ اللہ تعالیٰ اس خدمت کے سفر کو قبول فرمائے، اس اتحاد کو ہمیشہ قائم رکھے اور ہمیں اپنی مخلوق کے لیے آسانیاں پیدا کرنے والا انسان بنائے۔ آمین۔

11/05/2026

کل بمورخہ 10 مئی 2026 کو درامن خیل ویلفیئر ایسوسی ایشن اتحاد ٹاؤن کمیٹی کا ماہانہ اجلاس منعقد ہوا،
جس میں کمیٹی کے اراکین نے فلاحی سرگرمیوں اور آئندہ کے رفاہی منصوبوں پر تفصیلی مشاورت کی۔ اجلاس کے دوران کمیٹی کی جانب سے مستحق چھ گھرانوں میں فی گھر پانچ ہزار روپے نقد مالی امداد تقسیم کی گئی تاکہ ضرورت مند خاندانوں کی فوری معاونت یقینی بنائی جا سکے۔

مزید برآں، اجلاس میں اس عیدالاضحیٰ کے موقع پر مستحق اور نادار گھرانوں میں قربانی کا گوشت تقسیم کرنے کا پختہ عزم اور ارادہ بھی کیا گیا،
تاکہ زیادہ سے زیادہ ضرورت مند افراد اس خوشی میں شریک ہو سکیں۔ کمیٹی نے اس فلاحی مہم کو منظم انداز میں مکمل کرنے کے لیے باہمی تعاون اور بھرپور کوشش جاری رکھنے کے عزم کا اظہار کیا۔

اس اجلاس میں یہ اہم فیصلہ بھی کیا گیا کہ مستحق اور بے روزگار افراد کو کمیٹی کی جانب سے روزگار کے مواقع فراہم کرنے کے لیے عملی اقدامات کیے جائیں گے،
تاکہ وہ باعزت طریقے سے اپنے اہلِ خانہ کی کفالت کر سکیں اور معاشرے میں خود کفیل زندگی گزارنے کے قابل بن سکیں۔

10/05/2026

درامن خیل ویلفیئر ایسوسی ایشن نے راولپنڈی کے راجہ بازار میں پیش آنے والے افسوسناک واقعے پر گہرے رنج و غم اور تشویش کا اظہار کرتے ہوئے کہا ہے کہ ایک معمولی تنازعے کا قیمتی انسانی جانوں کے نقصان تک پہنچ جانا انتہائی افسوسناک اور قابلِ افسوس امر ہے۔
واقعے کے بعد متاثرہ خاندان کے ساتھ مبینہ نامناسب رویے، خواتین کی گرفتاری اور یکطرفہ کارروائیوں نے پشتون عوام میں شدید اضطراب اور بے چینی پیدا کی ہے۔ قانون نافذ کرنے والے اداروں پر لازم ہے کہ وہ انصاف اور غیرجانبداری کو یقینی بنائیں تاکہ عوام کا اعتماد برقرار رہ سکے۔
سراج الدین کی میت فوری طور پر لواحقین کے حوالے کی جائے، زیرِ حراست خاندان کے افراد خصوصاً خواتین کو رہا کیا جائے، اور واقعے کی شفاف و غیرجانبدار تحقیقات کر کے ذمہ دار عناصر کے خلاف قانون کے مطابق کارروائی کی جائے۔
بیان میں مزید کہا گیا کہ اگر متاثرہ خاندان کو فوری اور منصفانہ انصاف فراہم نہ کیا گیا تو عوامی بے چینی میں مزید اضافہ ہو سکتا ہے، جس کی تمام تر ذمہ داری متعلقہ حکام پر عائد ہوگی۔
ایڈمن

26/04/2026

آج درامن خیل ویلفیئر ایسوسی ایشن
کی جانب سے حلقہ فقیرہ گوٹھ کے لیے تعزیت ٹینٹ کا اہتمام کیا گیا، جو اس بات کی واضح دلیل ہے کہ ہماری یہ تنظیم اپنی قوم کے دکھ سکھ میں ہمیشہ پیش پیش رہتی ہے۔
یہ ٹینٹ ان گھڑیوں میں سہارا بنے گا جب کسی گھر میں غم کا ماحول ہوگا اور لوگوں کو ایک دوسرے کے ساتھ کھڑے ہونے کی ضرورت ہوگی۔
یہ تعزیت ٹینٹ علاقائی کوارڈینیٹر اکبر صاحب کے حوالے کیا گیا، جو انشاءاللہ اسے بہترین انداز میں عوام کی خدمت کے لیے استعمال کریں گے۔
ہماری یہ پہچان ہے کہ ہم ایک دوسرے کے دکھ درد کو محسوس کرتے ہیں اور مشکل وقت میں ساتھ کھڑے رہتے ہیں۔ یہی جذبہ ہمیں مضبوط بناتا ہے اور ہمیں آگے بڑھنے کا حوصلہ دیتا ہے۔
انشاءاللہ، درامن خیل ویلفیئر ایسوسی ایشن آئندہ بھی اسی طرح اپنی کمیونٹی کی خدمت کرتی رہے گی اور ہر ممکن حد تک سہولتیں فراہم کرنے کے لیے کوشاں رہے گی۔
اللہ تعالیٰ ہمیں اخلاص کے ساتھ اپنی قوم کی خدمت جاری رکھنے کی توفیق عطا فرمائے۔ آمین۔

#ایڈمن

آج عالمی یومِ کتاب کے موقع پر درامن خیل ویلفیئر ایسوسی ایشن کی جانب سے تمام دوستوں کو دلی مبارکباد۔کتاب علم، شعور اور تر...
23/04/2026

آج عالمی یومِ کتاب کے موقع پر درامن خیل ویلفیئر ایسوسی ایشن کی جانب سے تمام دوستوں کو دلی مبارکباد۔

کتاب علم، شعور اور ترقی کی بنیاد ہے۔ جو قوم کتاب سے جڑتی ہے، وہی آگے بڑھتی ہے۔ آئیں عہد کریں کہ ہم اپنے معاشرے میں مطالعہ کے رجحان کو فروغ دیں گے اور نئی نسل کو تعلیم اور کتاب سے جوڑیں گے۔

آئیں، کتاب کو اپنا ساتھی بنائیں اور علم کے ذریعے اپنی قوم کا مستقبل روشن کریں۔

درامن خیل ویلفیئر ایسوسی ایشن — علم، شعور اور ترقی کی جانب ایک قدم۔

Address

Karachi

Website

Alerts

Be the first to know and let us send you an email when Draman Khail Welfare Association posts news and promotions. Your email address will not be used for any other purpose, and you can unsubscribe at any time.

Shortcuts

Share

Category