01/05/2026
*یکم مئی 2026 _ عالمی یومِ مزدور*
*دیانت، عدل اور مساوات کا نظام!*
*یہی ہے مزدور کا اصل مقام!*
*محنت کش کا ہے یہ پیغام!*
*بدلے گا اب پورا نظام!*
آج پوری دنیا کی طرح وطنِ عزیز پاکستان میں بھی یومِ مزدور منایا جا رہا ہے۔ سرکاری سطح پر تقاریب، بیانات اور دعوے ہونگے، ، مگر حقیقت اس کے برعکس ہے۔۔
وطن عزیز پاکستان میں محنت کش طبقہ آج بھی ظلم، ناانصافی اور استحصال کا شکار ہے۔
پاکستان میں ظلم پر مبنی سرمایہ دارانہ سوچ کا نظام اس حد تک حاوی ہے کہ مزدوروں کے بنیادی حقوق طاقت کے زور پر دبائے جا رہے ہیں۔
*پاکستان اسٹیل ملز کے ہزاروں ملازمین اس ظلم کی زندہ مثال ہیں*
▪️ *جبری برطرفیاں*
▪️ *کئی سالوں سے انصاف کا انتظار*
▪️*15 سال پرانی تنخواہیں*
▪️ *ٹرانسپورٹ، میڈیکل، کینٹین حتیٰ کہ پانی جیسی بنیادی سہولتوں سے محرومی*
▪️ *ریٹائرڈ ملازمین اپنے واجبات سے محروم*
پُرامن احتجاج، عدالتوں کے دروازے کھٹکھٹانے کے باوجود کہیں سے کوئی شنوائی نہیں _ یہ صرف اسٹیل ملز کی کہانی نہیں، بلکہ پورے ملک کے مزدور کا المیہ ہے۔
آج یومِ مزدور پر ایئرکنڈیشنڈ کمروں میں بیٹھ کر حکمران اور سرمایہ دار مزدوروں کے حقوق کی بات کریں گے، تالیاں سمیٹیں گے، لیکن حقیقت یہ ہے کہ مزدور کل بھی بنیادی حقوق سے محروم تھا، آج بھی محروم ہے — اور اگر یہی نظام رہا تو کل بھی محروم رہے گا۔
*لیکن امید ابھی باقی ہے*
اگر پاکستان اسٹیل ملز کے محنت کش اور وطن عزیز,! کے کروڑوں مزدور ظلم کے اس نظام کو بدلنے کا عزم کریں، اور حقیقی قیادت کا انتخاب کریں تو حالات بدل سکتے ہیں۔ پاکستان اسٹیل ملز جیسے عظیم صنعتی ادارے کو بحال کرکے ایک بار پھر وطن عزیز میں صنعتی انقلاب کا آغاز ہوسکتا ہے۔
خوشحالی کی وہ صبح، جس کا ہم برسوں سے انتظار کر رہے ہیں، ضرور طلوع ہو سکتی ہے۔
*آئیں! مل کر اس ظالمانہ سرمایہ دارانہ نظام کو بدلنے کا عہد کریں۔*
#حافظ نعیم الرحمن
منجانب: پاکستان اسٹیل لیبر یونین (پاسلو) رجسٹرڈ
