25/04/2026
اچو تہ گڏجي پنهنجي نياڻين کي عزت ڏيون.🙏
پنھنجي گھر جي عورتن کي عزت ڏيو ۽ انھن ۾ حوصلو پيدا ڪريو انھن کي احساس ڏياريو تہ اوھان پنھنجي ڪٽنب لاءِ تمام اھم آھيو پوءِ اھي عورتون اوھان جي گھر ۽ ڪٽنب سميت بنيادن کي مضبوط ڪري ڇڏينديون آهن گھر ھميشہ پيار محبت ۽ ھڪٻئي تي توجہ ۽ عزت احترام ڏيڻ سان ٺهندو آهي. اوھان سڀني سڄڻن کي ياد ھوندو تہ اسان جي سڄي سنڌ اندر ڪنهن زماني ۾ نياڻي کي ستن قرآنن برابر اهميت ڏني ويندي هئي۔
ان کان علاوه ڪنھن جھيڙي يا ڪنهن بہ ناراضگيءَ ۾ جيڪڏهن نياڻيون ڪنهن ميڙ منٿ قافلي ۾ شامل نياڻيون ھونديون ھيون تہ اھڙن جھيڙن ۾ سڀ ڪجھ بلڪ خون بہ معاف ڪيو ويندو ھيو گڏوگڏ نياڻين کي اجرڪ پوتيون پارائي عزت احترام ڪيو ويندو هو، هونئن بہ اسلام ۾ عورتن جو وڏو مان مرتبو مقام بيان ڪيو ويو آهي۔اسين سڀ مرد ڪنهن نہ ڪنهن عورت جا پٽ ڀاء پيء مڙس آهيون۔اسان مردن سان عورتون ۽ اسين مرد وري عورتن سان سلهاڙيل آهيون۔ اسان جو سماج تڏهن ترقي ڪندو جڏهن اسين سڀ پنهنجي پنهنجي حدن اندر رهون۔ھن وقت سنڌ اندر وڌندڙ نام نهاد رسم ڪاروڪاري سبب قتل ٿيندڙن نياڻين جي قاتلن کي جيڪڏهن سزائون ڏنيون وڃن تہ اھڙا واقعا ٻيهر پيش نہ اچن. ھن وقت بھار فائونڊيشن سٿ پاران قائم ڪيل اداري منھنجي امڙ پبلڪ لائبريري ڪراچيءَ ۾ پنهنجي ڪٽنب پاران ڪيترن ئي ڏھاڙن کان بيمار ڀيڻ ارشاد خاتون وڌو کي پنهنجي ڀائرن، ڀاڄائين، پٽن، نھن، پوٽن، پوٽين بلڪ سڄي بھار ڪٽنب پاران ان جي صحتيابي کان پوءِ گھر اچڻ تي گلن جي ورکا ڪري شاندار طريقي ڀليڪار ڪري رھيا آھيون اڄ اسين سڀ پنهنجي ڀيڻ نياڻي جي صحتيابي تي تمام گهڻو خوش آھيون اسان جو سڄو خاندان خوشگوار جشن صحت تندرستي ملھائي رهيو آهي اچو تہ گڏجي پنهنجي نياڻين جي عزت ڪريون تہ جيئن سماج ۾ عورت جو احترام ڪرڻ جو سلسلو مسلسل جاري رھي جنھن سان اسان جو معاشرو ترقي ڪندو.
رابطو محمد سچل وڌو چيئرمين بھار فائونڊيشن
03007044125-03123342211.
