18/08/2026
کراچی — 18 اگست 2026
ٹی ایل اے ملازمین کا 3 ماہ سے تنخواہوں کی عدم ادائیگی پر احتجاج
ٹی ایل اے ملازمین نے گزشتہ 3 ماہ سے تنخواہوں کی عدم ادائیگی کے خلاف ڈویژنل سپرنٹنڈنٹ آفس کراچی کے سامنے احتجاجی مظاہرہ کیا
ٹی ایل اے ملازمین نے ریلوے ورکرز یونین (اوپن لائن) کی قیادت سے رابطہ کیا جس پر صدر کراچی ڈویژن سید مظہر بخاری اور ڈویژنل ڈپٹی آرگنائزر میر فراز خان فوری طور پر پہنچے اور اظہار یکجہتی کیا۔ اس موقع پر یونین رہنماؤں نے ملازمین کے مسئلے کے حل کے لیے ڈویژنل انجینئر سے ملاقات کی اور تنخواہوں کی فوری ادائیگی کا مطالبہ کیا۔
ڈویژنل صدر سید مظہر بخاری نے کہا کہ مرکزی جنرل سیکریٹری محمد نسیم راؤ صاحب ہیڈکوارٹرز میں متعلقہ افسران سے منظوری کے معاملے پر مسلسل رابطے میں ہیں۔ ان شاء اللہ چند روز میں یہ مسئلہ حل ہو جائے گا۔
ٹی ایل اے ملازمین نے مشکل کی اس گھڑی میں ساتھ دینے اور ان کے جائز مطالبات کے لیے آواز بلند کرنے پر ریلوے ورکرز یونین (اوپن لائن) کا شکریہ ادا کیا۔
