20/09/2026
کراچی (20 ستمبر 2026)
سینئر ٹرین ایگزامینر پاکستان ریلوے کراچی سٹی محمد اختر کے اعزاز میں ان کے بڑے بھائی اور ملک کے معروف مزدور رہنما محمد نسیم راؤ کی جانب سے پروقار استقبالیہ دیا گیا۔
تقریب میں محمد اختر کی پاکستان ریلوے اور خاندان کے لیے خدمات کو سراہا گیا، محمد نسیم راؤ نے ان کی دستار بندی بھی کی۔ جبکہ دوست و احباب کی جانب سے انہیں اجرک سمیت دیگر تحائف بھی دیئے گئے۔
تقریب میں اسسٹنٹ ایگزیکٹیو انجینئر (برج) شفیق باجوہ، چیئرمین منظور رضی، محنت کش یونین کے مرکزی رہنما منظور ملاح، پاکستان ورکرز فیڈریشن کراچی ریجن کے صدر عبدالرزاق میمن، صدر کراچی ڈویژن سید مظہر بخاری، ڈویژنل چیئرمین حافظ رفیق سلفی، ڈویژنل جنرل سیکریٹری وحید اسلم، ڈویژنل الیکٹرک فورمین سکندر میرانی، ہیڈ ٹرین ایگزامینر انوار احمد، جوائنٹ سیکریٹری شکیل اعوان، ممبر سینٹرل ایگزیکٹیو کمیٹی ایڈووکیٹ شفیق الرحمان، ڈویژنل سرپرست صابر تنولی، دلبر مگسی صدر آریا سندھ رانا عبدالخالق، محمد یونس، سید اختر مہدی اور نبی سر روڈ سے ہریش کمار، محمد زاہد، ماسٹر محمود ، استاد عالم، انو بھائی سمیت دیگر دوست و احباب اور خاندان کے افراد نے شرکت کی۔
شرکاء نے محمد اختر کے لیے نیک خواہشات کا اظہار کرتے ہوئے ان کی پیشہ ورانہ اور خاندانی خدمات کو خراجِ تحسین پیش کیا۔
