19/09/2026
ایک اہم سوال اور خواتین کے لیے اہم سبق
سرجانی کے کیس میں نامزد ملزم کے بارے میں یہ دعویٰ کیا گیا کہ اس نے جرم کے شواہد مٹانے کی ہر ممکن کوشش کی، نہ کوئی عینی شاہد باقی چھوڑا اور نہ ہی مبینہ آلۂ قتل پولیس کے ہاتھ لگا۔
اپنی دوست، وکیل خالدہ شاہ سے اس کیس کے حوالے سے اہم معلومات حاصل ہوئیں۔ وکلا اور عدالتی عملے سے گفتگو کے بعد یہ بات سامنے آئی کہ جب کسی مقدمے میں قابلِ قبول شواہد دستیاب نہ ہوں تو عدالت کے لیے سزا سنانا انتہائی مشکل ہو جاتا ہے۔
نوٹ: خواتین کے لیے ایک بہت بڑا سبق
جب کوئی خاتون گھر میں اکیلی ہو اور گھر میں والد، بھائی یا شوہر میں سے کوئی موجود نہ ہو، تو کسی بھی مرد، حتیٰ کہ جاننے والے یا رشتہ دار مرد کے اچانک آنے پر دروازہ کھولنے سے پہلے مکمل احتیاط کرنی چاہیے۔ اگر ضرورت نہ ہو تو صاف انکار کر دینا چاہیے اور گھر میں اکیلے ہونے کی اطلاع بھی نہیں دینی چاہیے۔
اس کیس سے یہ سبق بھی ملتا ہے کہ ہمیں اپنی بیٹیوں، بہنوں اور خواتین کو اپنی حفاظت، محتاط رویے اور غیر ضروری طور پر گھر آنے والے افراد سے مناسب فاصلہ رکھنے کے بارے میں آگاہ کرنا چاہیے۔
تحقیقات کے مطابق ملزم نے اپنے مبینہ جرم کو چھپانے کے لیے بے گناہ بچوں کو نقصان پہنچایا، یہ انتہائی سنگین معاملہ ہے .
قانون کی بالادستی، شفاف تحقیقات اور شہریوں کا تحفظ ہی معاشرے میں اعتماد قائم کر سکتا ہے۔
ڈاکٹر ہما نسیم
