All World Mughal Federation

26/05/2026

14/02/2026

حیدرآباد: مرزا ظہیرالدین محمد بابر کی 543ویں سالگرہ کی تقریب، کیک کاٹا گیا
حیدرآباد کے مرکزی آفس میں مغل سلطنت کے بانی مرزا ظہیرالدین محمد بابر کی 543ویں سالگرہ کے موقع پر ایک پروقار تقریب کا انعقاد کیا گیا۔ تقریب میں مختلف شعبہ ہائے زندگی سے تعلق رکھنے والے افراد اور مغل برادری کے معززین نے شرکت کی اس موقع پر چیئرمین آل ورلڈ مغل فیڈریشن رجسٹرڈ ذوالفقار علی مغل اور دیگر عہدیداران نے سالگرہ کا کیک کاٹا اور مرزا ظہیر الدین محمد بابر کی تاریخی خدمات کو خراجِ تحسین پیش کیا مقررین نے اپنے خطاب میں کہا کہ مرزا ظہیر الدین محمد بابر ایک عظیم مدبر، بہادر سپہ سالار اور بہترین منتظم تھے جنہوں نے برصغیر میں ایک مضبوط سلطنت کی بنیاد رکھی
تقریب سے چیئرمین ذوالفقار علی مغل، سینیئر رہنما حاجی یامین مغل، آفس سیکریٹری محمد اقبال مغل، جنرل سیکرٹری عادل مغل، سیکریٹری پبلک ریلیشن محمد رمضان مغل، دلشاد مغل، نصیرالدین مغل، محمد عاصم مغل، اشتیاق مغل، محمد اکرم مغل و دیگر نے خطاب کرتے ہوئے کہا کہ ہمیں اپنی تاریخ اور اسلاف کی قربانیوں کو یاد رکھنا چاہیے اور نئی نسل کو بھی ان کے کارناموں سے آگاہ کرنا چاہیے مقررین کا کہنا تھا کہ مغل قوم کا بچہ بچہ اپنی افواج پاک کے ساتھ کھڑا ہے مقررین نے اس عزم کا اظہار کیا کہ آئندہ بھی ایسے تاریخی و ثقافتی پروگراموں کا انعقاد جاری رکھا جائے گا تاکہ نوجوان نسل کو اپنی پہچان اور تاریخ سے جوڑا جا سکے تقریب کے اختتام پر ملک و قوم کی سلامتی اور ترقی کے لیے خصوصی دعا بھی کی گئی۔