18/05/2026
بخدمت جناب
ڈسٹرکٹ فارسٹ آفیسر (DFO)
کالام فاریسٹ ڈویژن، ضلع اپر سوات
*جناب عالی،*
عرض ہے کہ شاہی باغ اتروڑ ،
سوات ویلی کے خوبصورت ترین مقامات میں سے ایک ہے۔ یہاں کی سرسبز باغ ، دریا کا بہاؤ اور پہاڑوں کا نظارہ سیاحوں کو اپنی طرف کھینچتا ہے۔ مگر افسوس کہ اس باغ میں موجود درختوں کی اکثریت اب پرانی ہو کر گل سڑ چکی ہے، جبکہ باقی درخت بھی خراب ہونے کے قریب ہیں۔
اس صورتحال کی وجہ سے باغ کی قدرتی خوبصورتی ماند پڑ گئی ہے اور جگہ بنجر ہوتی جا رہی ہے۔ اگر فوری طور پر نئی شجرکاری نہ کی گئی تو یہ علاقہ اپنی پہچان کھو دے گا۔
ضرورت اس امر کی ہے کہ یہاں پہاڑی ماحول کے مطابق کچھ پھلدار پودے جیسے سیب، اخروٹ،اور ساتھ کچھ ماحول دوست درخت جیسے دیودار چیڑ وغیرہ لگائے جائیں، تاکہ نہ صرف ماحول بحال ہو بلکہ مقامی لوگوں اور سیاحوں کو فائدہ بھی پہنچے۔ اور جنگلات کا تسلسل برقرار رہے۔
لہٰذا آپ سے مودبانہ گزارش ہے کہ شاہی باغ میں فوری طور پر نئی شجرکاری کا انتظام کیا جائے۔
تاکہ علاقے کی خوبصورتی بھی بحال ہو ۔
ساتھ ہی نئے لگائے گئے پودوں کی حفاظت کے لیے محکمہ جنگلات کا عملہ تعینات کیا جائے تاکہ یہ ضائع نہ ہوں۔
امید ہے آپ ہماری اس جائز درخواست پر ہمدردانہ غور فرماتے ہوئے فوری احکامات جاری فرمائیں گے۔
آپ کی عین نوازش ہوگی۔
