Tahira Begum Memorial Welfare Association

19/12/2025

طاہرہ بیگم میموریل ویلفیئر ایسوسی ایشن کے زیرِ اہتمام کمبل تقسیم پروگرام کی چند جھلکیاں۔
چند تصویریں، چند لمحے، اور بہت سی دعائیں۔
اللہ اس کوشش کو قبول فرمائے اور سب شامل افراد کو جزائے خیر عطا کرے۔ 🤍

13/09/2025

14/08/2025

طاہرہ بیگم ویلفیئر ایسوسی ایشن نے لیموں گوٹھ میں سوشل ویلفیئر ڈیپارٹمنٹ ایسٹ کے تعاون سے ان کے قائم کردہ وکیشنل سینٹر میں جشنِ آزادی کا کیک کاٹا۔
طاہرہ بیگم ویلفیئر ایسوسی ایشن ہمیشہ سے خواتین کی امپاورمنٹ کے لیے کوشاں رہی ہے، خاص طور پر ان علاقوں میں جہاں خواتین تعلیم یافتہ نہیں ہیں۔ تنظیم کا مقصد ہے کہ انہیں ہنر سکھا کر خودمختار اور معاشی طور پر مضبوط بنایا جائے۔

13/08/2025

https://youtu.be/xDxzO2Wz8xM

13/08/2025

https://youtu.be/UR7OU4aZsmc

Shaista Bhukhari

13/08/2025

https://youtu.be/QLNROYqT9tw

Chief Guest: Muhammad Rehan Hashmi.....

12/08/2025

طاہرہ بیگم میموریل ویلفیئر ایسوسی ایشن نے پاکستان کا 78واں یومِ آزادی اپنے معصوم اور باہمت تھل اسٹارز (تھیلیسیمیا کے مریض بچوں) کے ساتھ محبت، خوشی اور یکجہتی کے جذبے کے ساتھ منایا۔
اس موقع پر کیک کاٹنے کی خوشگوار تقریب اور تحائف کی تقسیم سے بچوں کے چہروں پر مسکراہٹیں بکھر گئیں اور ماحول محبت سے بھر گیا۔

ہم تہہِ دل سے محترم جناب محمد ریحان ہاشمی، چیئرمین ریڈ کریسنٹ سندھ برانچ (ہلالِ احمر)، کے شکر گزار ہیں جنہوں نے اپنی قیمتی موجودگی سے تقریب کو رونق بخشی۔

ہم ہیومنٹی انٹرنیشنل ویلفیئر ٹرسٹ (HIWT) کے بھی ممنون ہیں جنہوں نے اس نیک مقصد میں ہمارے ساتھ بھرپور تعاون کیا۔
طاہرہ بیگم میموریل ویلفیئر ایسوسی ایشن عزم کرتی ہے کہ ہم مل کر آگاہی پھیلائیں گے، محبت بانٹیں گے اور ہر مسکراہٹ کی حفاظت کے لیے جدوجہد جاری رکھیں گے۔

#تھیلیسیمیاآگاہی #پاکستان #خدمت

09/08/2025

صفوران ٹاؤن میں طاہرہ بیگم ویلفیئر ایسوسی ایشن اور قرشی فاؤنڈیشن کے اشتراک سے فری میڈیکل کیمپ

کراچی کے صفوران ٹاؤن کے بلاک میں طاہرہ بیگم ویلفیئر ایسوسی ایشن اور قرشی فاؤنڈیشن کے اشتراک سے ایک روزہ فری میڈیکل کیمپ کا انعقاد کیا گیا، جہاں ماہر ڈاکٹروں کی نگرانی میں مریضوں کا معائنہ کیا گیا اور مفت ادویات فراہم کی گئیں۔

کیمپ کا افتتاح سماجی رہنما اور بلاک کے چیئرمین محرم راجپر، عاشقانِ سندھ کے سماجی رہنما کامریڈ شبیر راجپر، طاہرہ بیگم ویلفیئر ایسوسی ایشن کی چیئرپرسن محترمہ شائستہ بیگم، ڈاکٹر صغریٰ اور ڈاکٹر احسان جمیل نے کیا۔

کیمپ میں 150 سے زائد مریضوں کا علاج کیا گیا، جن میں ملیریا، ڈینگی، ہیپاٹائٹس، شوگر اور بلڈ پریشر سمیت مختلف بیماریوں کے مریض شامل تھے۔ تمام مریضوں کو مفت ادویات بھی فراہم کی گئیں۔

افتتاح کے موقع پر محرم راجپر اور کامریڈ شبیر راجپر نے کہا کہ طاہرہ بیگم ویلفیئر ایسوسی ایشن اور قرشی فاؤنڈیشن ایک شاندار سماجی خدمت انجام دے رہے ہیں، جو کام حکومت کو کرنا چاہیے وہ یہ ادارے مل کر کر رہے ہیں۔ انہوں نے مزید کہا کہ "انسانیت کی خدمت بہترین عبادت ہے" اور موجودہ دور کی مہنگائی و بے روزگاری کے باعث غریب لوگ علاج کے لیے پریشان ہیں، یہاں تک کہ ادویات خریدنا بھی مشکل ہو گیا ہے۔

سماجی رہنماؤں نے سندھ حکومت سے مطالبہ کیا کہ کراچی کی کچی آبادیوں میں بہترین صحت کی سہولیات فراہم کی جائیں۔ ساتھ ہی اعلان کیا گیا کہ صفوران ٹاؤن کے مختلف علاقوں میں طاہرہ بیگم ویلفیئر ایسوسی ایشن اور قرشی فاؤنڈیشن کے تعاون سے مزید میڈیکل کیمپ لگائے جائیں گے۔